ລົງນາມ ແຜນຍຸດທະສາດດ້ານ ສາທາລະນະສຸກ


...

     ການລົງນາມຮ່ວມມື ແຜນຍຸດທະສາດ ລະຫວ່າງ ກະຊວງສາທາລະນະສຸກ ກັບ ອົງການອະນາໄມໂລກ ເພື່ອ ຊ່ວຍເຫຼືອວຽກງານສາທາລະ ນະສຸກເປັນເວລາ 5 ປີ (ແຕ່ປີ 2017-2021) ຊຶ່ງມີມູນຄ່າປະ ມານ 2 ລ້ານໂດລາສະຫະລັດ ຕໍ່ປີ ແລະ ຖ້າມີພະຍາດລະບາດ ສຸກເສີນແມ່ນຈະເພີ່ມຂຶ້ນຕາມ ຄວາມເປັນຈິງ. ແຜນຍຸດທະສາດດັ່ງກ່າວ ເປັນເງື່ອນໄຂຕອບສະໜອງ ຄວາມຕ້ອງການດ້ານສາທາ ລະນະສຸກ, ສິ່ງທ້າທາຍຕ່າງໆ ເພື່ອສຸມໃສ່ການຈັດຕັ້ງປະຕິ ບັດແຜນຍຸດທະສາດການຮ່ວມ ມື ແຕ່ປີ 2017-2021 ໂດຍແນ ໃສ່ 5 ທິດທາງຍຸດທະສາດຄື: ສ້າງລະບົບສາທາລະນະສຸກໃຫ້ ປົກຄຸມຈົນເຖິງການບັນລຸເປົ້າ ໝາຍການປະກັນສຸຂະພາບທົ່ວ ປວງຊົນ; ການປະຕິບັດບັນດາ ແຜນງານຕົ້ນຕໍຂອງຂະແໜງ ສາທາລະນະສຸກໃຫ້ມີປະສິດທິ ພາບ; ຮັບປະກັນຄວາມປອດ ໄພດ້ານສຸຂະພາບ; ການເຜີຍ ແຜ່ດ້ານນະໂຍບາຍສາທາລະ ນະສຸກ ຕ້ອງເປັນຄູ່ຮ່ວມພັດ ທະນາທີ່ຫ້າວຫັນໃນອະນຸພາກ ພື້ນແມ່ນ້ຳຂອງ ແລະ ອາຊຽນ. ພິທີດັ່ງກ່າວໄດ້ຈັດຂຶ້ນ ເມື່ອ ວັນທີ 21 ກຸມພາຜ່ານມານີ້, ທີ່ ໂຮງແຮມແລນມາກ ລະຫວ່າງ ທ່ານ ບຸນກອງ ສີຫາວົງ ລັດຖະ ມົນຕີກະຊວງສາທາລະນະສຸກ ແລະ ທ່ານ ສິນຢຸງໂຊ ເອກອະ ທິບໍດີອົງການອະນາໄມໂລກ ໂດຍມີພາກສ່ວນກ່ຽວຂ້ອງທັງ ສອງຝ່າຍເຂົ້າຮ່ວມ. (ຂ່າວ: ບຸນທົງ)