ສະຫາຍເລຂາທິການໃຫຍ່ ປະທານປະເທດ ບຸນຍັງ ວໍລະຈິດ ພົບປະກັບ ສະຫາຍ ເຈິ່ນ ດ້າຍ ກວາງ ແລະ ເຂົ້າຮ່ວມພິທີ ປິດປີສາມັກຄີມິດຕະພາບ


...

    

ໃນວັນທີ 20 ທັນວາ 2017 ທີ່ທຳນຽບປະທານປະເທດ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ພົບປະກັບ ສະຫາຍ ເຈິ່ນ ດ້າຍ ກວາງ ປະທານປະເທດ ແຫ່ງ ສສ ຫວຽດນາມ ໃນການພົບປະຄັ້ງນີ້, ສະຫາຍ ເຈິ່ນ ດ້າຍ ກວາງ ໄດ້ ຕີລາຄາສູງການມາຢ້ຽມຢາມຂອງ ສະຫາຍປະທານປະເທດ ບຸນຍັງ ວໍລະຈິດ ຊຶ່ງເປັນການປະກອບສ່ວນ ອັນສຳຄັນເຂົ້າໃນການເພີ່ມ ທະວີສາຍພົວພັນມິດຕະພາບ ອັນເປັນມູນເຊື້ອ, ຄວາມສາ ມັກຄີແບບພິເສດ ແລະ ການ ຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດລາວ - ຫວຽດ ນາມ ທີ່ປະທານໂຮ່ຈິມິນ ຜູ້ ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ເຄົາລົບຮັກເປັນຜູ້ ສ້າງ, ຖະນຸຖະໜອມ ແລະ ໄດ້ ຮັບການເສີມຂະຫຍາຍໂດຍ ບັນດາການນຳຮຸ່ນຕ່າງໆ, ບັນ ດານັກຮົບປະຕິວັດ ແລະ ປະ ຊາຊົນສອງປະເທດ ໃຫ້ນັບມື້ ນັບໜັກແໜ້ນ, ເລິກເຊິ່ງ ແລະ ເກີດດອກອອກຜົນຍິ່ງໆຂຶ້ນ ສະຫາຍ ບຸນຍັງ ວໍລະຈິດ ໄດ້ກ່າວສະແດງຄວາມຍິນດີ ແລະ ຮູ້ສຶກດີໃຈທີ່ໄດ້ພົບປະ ກັບສະຫາຍ ປະທານປະເທດ ເຈິ່ນ ດ້າຍ ກວາງ ອີກຄັ້ງໜຶ່ງ ແລະ ສະແດງຄວາມຊົມເຊີຍ ສສ ຫວຽດນາມ ທີ່ສຳເລັດການ ເປັນເຈົ້າພາບກອງປະຊຸມສຸດ ຍອດອາເປັກ ຄັ້ງທີ 25 ຢ່າງຈົບ ງາມ ແລະ ສະແດງຄວາມຂອບ ໃຈເປັນຢ່າງສູງຕໍ່ການຕ້ອນຮັບ ຢ່າງສົມກຽດ ຊຶ່ງສະແດງໃຫ້ ເຫັນສາຍພົວພັນພິເສດລາວ - ຫວຽດນາມ ຢ່າງແທ້ຈິງ. ນອກ ຈາກນີ້, ສະຫາຍປະທານປະ ເທດ ບຸນຍັງ ວໍລະຈິດ ຍັງໄດ້ ຕາງໜ້າໃຫ້ພັກ-ລັດ ແລະ ປະ ຊາຊົນລາວບັນດາເຜົ່າ ສະແດງ ຄວາມເຫັນອົກເຫັນໃຈ ແລະ ເປັນຫ່ວງເປັນໄຍ ຕໍ່ເຫດການ ໄພທຳມະຊາດທີ່ຫວຽດນາມ ປະເຊີນຫຼາຍຄັ້ງ ໃນປີ 2017, ອັນສ້າງຄວາມເສຍຫາຍຢ່າງ ໜັກໜ່ວງຕໍ່ຊີວິດ ແລະ ຊັບສິນ ຂອງປະຊາຊົນ. ສະຫາຍປະ ທານປະເທດ ບຸນຍັງ ວໍລະຈິດ ຍັງໄດ້ສະແດງຄວາມເຊື່ອ ໝັ້ນວ່າພາຍໃຕ້ການຊີ້ນຳ. ນຳພາ ແລະ ດ້ວຍ ຄວາມເອົາໃຈໃສ່ຢ່າງໃກ້ຊິດ ຂອງພັກ ແລະ ລັດຖະບານ ຫວຽດນາມ, ປະຊາຊົນຫວຽດ ນາມອ້າຍນ້ອງຈະສາມາດ ຜ່ານຜ່າທຸກໆຄວາມຫຍຸ້ງຍາກ ແລະ ສາມາດຟື້ນຟູຊີວິດການ ເປັນຢູ່ຂອງປະຊາຊົນໃນເຂດ ທີ່ໄດ້ຮັບຜົນກະທົບຈາກໄພ ທຳມະຊາດດັ່ງກ່າວ ໃຫ້ກັບຄືນ ສູ່ສະພາບປົກກະຕິໂດຍໄວ. ຫຼັງຈາກພົບປະແລ້ວ, ສະ ຫາຍ ບຸນຍັງ ວໍລະຈິດ ແລະ ສະຫາຍ ເຈິ່ນ ດ້າຍ ກວາງ ໄດ້ ເຂົ້າຮ່ວມພິທີຖະແຫຼງຂ່າວປິດ ປີສາມັກຄີມິດຕະພາບລາວ - ຫວຽດນາມ ແລະ ຫວຽດນາມ - ລາວ 2017, ທັງສອງສະ ຫາຍໄດ້ຜັດປ່ຽນກັນມີຄຳເຫັນ, ໂດຍສະຫາຍ ບຸນຍັງ ວໍລະຈິດ ໄດ້ມີຄຳເຫັນດັ່ງນີ້: ມື້ນີ້, ຂ້າພະເຈົ້າ ຮູ້ສຶກປິ ຕິຊົມຊື່ນເປັນຢ່າງຍິ່ງທີ່ໄດ້ນຳ ພາຄະນະຜູ້ແທນຂັ້ນສູງ ພັກ ແລະ ລັດ ສປປ ລາວ ມາຢ້ຽມ ຢາມສັນຖະວະໄມຕີ ສາທາລະ ນະ ລັດສັງຄົມນິຍົມ ຫວຽດນາມ ຢ່າງເປັນທາງການ ແລະ ເຂົ້າ ຮ່ວມພິທີປີດປີສາມັກຄີມິດຕະ ພາບ ລາວ-ຫວຽດນາມ 2017. ຂ້າພະເຈົ້າຮູ້ສຶກຊາບຊື້ງເປັນຢ່າງ ຍິ່ງຕໍ່ການຕ້ອນຮັບອັນອົບອຸ່ນ ສົມກຽດ ແລະ ເຕັມໄປດ້ວຍ ມິດຈິດມິດໃຈອັນດູດດື່ມ ຖານ ສະຫາຍອ້າຍນ້ອງ ຈາກບັນດາ ສະຫາຍການນຳຂັ້ນສູງພັກ, ລັດ ແລະ ປະຊາຊົນຊາວນະ ຄອນຫຼວງຮ່າໂນ້ຍ. ການຢ້ຽມຢາມຄັ້ງນີ້ ຂອງ ຄະນະຜູ້ແທນພວກຂ້າພະເຈົ້າ ຢູ່ໃນບັນຍາກາດແຫ່ງປີສາມັກ ຄີມິດຕະພາບ ທີ່ປະຊາຊົນສອງ ຊາດ ໄດ້ພ້ອມກັນສະເຫຼີມສະ ຫຼອງວັນສ້າງຕັ້ງສາຍພົວພັນ ການທູດຂອງສອງປະເທດ ຄົບ ຮອບ 55 ປີ ແລະ ວັນເຊັນສົນທິ ສັນຍາມິດຕະພາບ ຄົບຮອບ 40 ປີ ຢ່າງເປັນຂະບວນຟົດຟື້ນ. ຂ້າພະເຈົ້າເຫັນດີເປັນເອ ກະພາບກັບການຕີລາຄາຂອງ ສະຫາຍປະທານປະເທດ ເຈິ່ນ ດ້າຍ ກວາງ ທີ່ໄດ້ກ່າວໄປແລ້ວ ສາຍພົວພັນພິເສດລາວ-ຫວຽດ ນາມ ໄດ້ຮັບການກໍ່ຕັ້ງຖະນຸ ຖະໜອມ, ເພີ່ມພູນຄູນສ້າງ ໂດຍປະທານ ໂຮ່ຈິມິນຜູ້ນຳທີ່ ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ເຄົາລົບຮັກ ແລະ ໄດ້ຮັບການເອົາໃຈໃສ່ສືບຕໍ່ ເພີ່ມພູນຄູນສ້າງໃຫ້ຈະເລີນ ງອກງາມຈາກຜູ້ນຳຫຼາຍໆຮຸ້ນ ຕໍ່ມາ ຈົນກາຍເປັນມໍລະດົກລວມ ອັນລ້ຳຄ່າ, ເປັນກົດເກນແຫ່ງ ການຄົງຕົວ ແລະ ຂະຫຍາຍ ຕົວຂອງສອງປະເທດເປັນປັດ ໄຈຕັດສິນໄຊຊະນະຂອງພາ ລະກິດປະຕິວັດຂອງແຕ່ລະ ປະເທດ. ຄວາມສາມັກຄີພິເສດ ດັ່ງກ່າວໄດ້ກາຍເປັນກຳລັງ ແຮງມະຫາສານທີ່ສາມາດຕີ ຖອຍສັດຕູຕ່າງດ້າວ ທີ່ມີກຳລັງ ອຳນາດມະຫາສານເໜືອກວ່າ ພວກເຮົາຕັ້ງຫຼາຍເທົ່າໄດ້. ປະຊາຊົນສອງຊາດ ລາວ -ຫວຽດນາມ ມີສິດທີ່ຈະເອກ ອ້າງ, ທະນົງໃຈທີ່ເຫັນວ່າເວ ລາຈະຜ່ານໄປຍາວນານເທົ່າ ໃດ, ສະພາບການພາຍໃນປະ ເທດ, ສະພາບການສາກົນ ແລະ ພາກພື້ນ ຈະມີຄວາມສັບ ສົນ, ຜັນແປສະຫຼັບສັບຊ້ອນ ປານໃດກໍຕາມແຕ່ສາຍພົວພັນ ທີ່ບໍລິສຸດຜຸດຜ່ອງ ລະຫວ່າງ ສອງຊາດ ລາວ-ຫວຽດນາມ ບໍ່ ມີວັນຈືດຈາງ, ກົງກັນຂ້າມຍິ່ງມີ ຄວາມແໜ້ນແຟ້ນ ແລະ ສວຍ ສົດງົດງາມກວ່າເກົ່າ. ຕາງໜ້າພັກ, ລັດຖະບານ ແລະ ປະຊາຊົນລາວ ຂ້າພະ ເຈົ້າຂໍສະແດງຄວາມຮູ້ບຸນຄຸນ ຢ່າງເລິກເຊິ່ງຕໍ່ການຊ່ວຍເຫຼືອ ອັນໃຫຍ່ຫຼວງລ້ຳຄ່າ, ຂອງພັກ ລັດຖະບານ ແລະ ປະຊາຊົນ ຫວຽດນາມ ອ້າຍນ້ອງທີ່ມີຕໍ່ພາ ລະກິດຂອງລາວພວກຂ້າພະ ເຈົ້າຕະຫຼອດມາ ບໍ່ວ່າຈະໃນພາ ລະກິດຕໍ່ສູ້ກູ້ຊາດ ໃນເມື່ອກ່ອນ ກໍຄືແກ່ພາລະກິດປົກປັກຮັກ ສາລະບອບໃໝ່ ແລະ ສ້າງສາ ພັດທະນາປະເທດຊາດ ຂອງ ພວກຂ້າພະເຈົ້າໃນປັດຈຸບັນ. ເພື່ອລະນຶກເຖິງ ແລະ ສະເຫຼີມສະຫຼອງສອງວັນປະ ຫວັດສາດຂອງຊາດຄື: ວັນ ສ້າງຕັ້ງສາຍພົວພັນການທູດ ຂອງສອງປະເທດ ຄົບຮອບ55 ປີ ແລະ ວັນເຊັນສົນທິສັນຍາມິດ ຕະພາບ ຄົບຮອບ 40 ປີ, ໃນປີ 2017 ນີ້, ສອງປະເທດພວກ ເຮົາກໍໄດ້ຮ່ວມກັນຈັດຕັ້ງກິດ ຈະກຳຢ່າງຫຼວງຫຼາຍ, ມີການ ແລກປ່ຽນຢ້ຽມຢາມພົບປະ ຊຶ່ງກັນ ແລະ ກັນ ໃນທຸກລະ ດັບ, ຈັດຕັ້ງປາຖະກະຖາເລົ່າ ມູນເຊື້ອ, ແລກປ່ຽນສານອວຍ ພອນ, ການຈັດສຳມະນາ, ວາງ ສະແດງສິນຄ້າ, ພິມຈຳໜ່າຍ ປື້ມ, ສຳພາດບັນດາການນຳ ແລະ ນັກຮົບປະຕິວັດຂອງສອງ ປະເທດ. ນອກຈາກ ການຈັດ ກິດຈະກຳຢູ່ໃນປະເທດຂອງ ທັງສອງປະເທດແລ້ວ, ບັນດາ ສຳນັກງານຜູ້ຕາງໜ້າການ ທູດຂອງສອງປະເທດຢູ່ຕ່າງ ປະເທດ ກໍໄດ້ຮ່ວມກັນຈັດກິດ ຈະກຳພົບປະເພື່ອສະເຫຼີມສະ ຫຼອງວັນສຳຄັນດັ່ງກ່າວດ້ວຍ ບັນຍາກາດທີ່ຟົດຟື້ນທີ່ສຸດ. ບັນດາກິດຈະກຳເຄື່ອນ ໄຫວເຫຼົ່ານັ້ນ ໄດ້ເຊື່ອມຊຶມ ເຂົ້າສູ່ອາລົມຈິດຂອງປະຊາ ຊົນທັງສອງປະເທດ, ພິເສດ ແມ່ນໄດ້ຊ່ວຍໃຫ້ຄົນຮຸ່ນໜຸ່ມ ຂອງສອງປະເທດ ຮັບຮູ້ ແລະ ເຂົ້າໃຈຢ່າງເລິກເຊິ່ງກວ່າເກົ່າ ຕໍ່ປະຫວັດສາດຄວາມເປັນມາ ແລະ ຄວາມໝາຍອັນເລິກເຊິ່ງ ແຫ່ງສາຍພົວພັນມິດຕະພາບ ທີ່ຍິ່ງໃຫຍ່, ຄວາມສາມັກຄີ ແບບພິເສດ ແລະ ການຮ່ວມມື ຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງ ຊາດ. ມາຮອດນີ້ ເຖິງວ່າປີສາ ມັກຄີມິດຕະພາບ ລາວ- ຫວຽດ ນາມ, ຫວຽດນາມ-ລາວ ປີ 2017 ຈະສີ້ນສຸດລົງ ແຕ່ພວກ ຂ້າພະເຈົ້າ ເຊື່ອໝັ້ນວ່າສາຍ ພົວພັນອັນເປັນມູນເຊື້ອ, ມິດ ຕະພາບອັນຍິ່ງໃຫຍ່, ຄວາມ ສາມັກຄີແບບພິເສດ ແລະ ການຮ່ວມມືຮອບດ້ານ ລະ ຫວ່າງສອງພັກ, ສອງລັດ ແລະ ປະຊາຊົນສອງຊາດພວກເຮົາ ຈະບໍ່ມີວັນຈືດຈາງ ແລະ ຈະ ສືບຕໍ່ຍືນຍົງຄົງໝັ້ນຢູ່ໃນດວງ ໃຈຂອງປວງຊົນທັງສອງຊາດ ພວກເຮົາຕະຫຼອດໄປ. ໃນສະພາບການພາກພື້ນ ແລະ ສາກົນ ພວມຜັນແປຢ່າງ ສັບສົນ, ວ່ອງໄວ ຄືປັດຈຸບັນນີ້ ຍິ່ງກວ່າເວລາໃດໝົດທີ່ປະຊາ ຊົນສອງຊາດ ໂດຍສະເພາະ ຄົນຮຸ່ນໜຸ່ມຂອງສອງປະເທດ ຈະຕ້ອງໄດ້ມີໜ້າທີ່ ແລະ ຄວາມຮັບຜິດຊອບອັນສູງສົ່ງ ຂອງຕົນ ໃນການປົກປັກຮັກ ສາ ແລະ ເສີມຂະຫຍາຍສາຍ ພົວພັນມິດຕະພາບອັນຍິ່ງ ໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ຊຶ່ງເປັນມູນ ເຊື້ອອັນແສນປະເສີດສວຍ ງາມນີ້ ໃຫ້ຈະເລີນງອກງາມ ຕະຫຼອດໄປດັ່ງຄຳກອນອັນລື ຊື່ ຂອງປະທານ ໄກສອນ ພົມ ວິຫານ ໄດ້ຂຽນໄວ້ວ່າ: “ຕາບ ໃດແມ່ນ້ຳຂອງບໍ່ເຫືອດແຫ້ງ ເຂີນຂາດແປນຊາຍ ສາຍພູຫຼວງແສນສູງ ບໍ່ ຕ່ຳລົງເປັນຄັງຫຍ້າ ຮົງຮາວັງເວີນກວ້າງ ບໍ່ ແປນດິນກະທ້າງໄຕ່ ສອງສາຍໃຈລາວ - ຫວຽດນາມ ພີ່ນ້ອງ ບໍ່ໄກຂ້າງ ຫາງກັນນັ້ນແລ້ວ ພັກ, ລັດ ແລະ ປະຊາຊົນ ພວກຂ້າພະເຈົ້າ ຂໍຢືນຢັນຢ່າງ ໜັກແໜ້ນວ່າ ຈະຮ່ວມກັບບັນ ດາສະຫາຍຫວຽດນາມໃນການ ປົກປັກຮັກສາຄວາມສາມັກ ຄີພິເສດນັ້ນເໝືອນດັ່ງແກ້ວ ຕາຂອງຕົນ ແລະ ຖືສິ່ງນີ້ ເປັນ ເຫງົ້າພະລັງ ບໍ່ເຫືອດແຫ້ງບົນ ເສັ້ນທາງກ້າວຂຶ້ນສັງຄົມນິຍົມ ຂອງປະເທດຢ່າງໜັກແໜ້ນ. ຂໍອວຍພອນໃຫ້ ປະຊາ ຊົນປະເທດຫວຽດນາມອ້າຍ ນ້ອງ, ພາຍໃຕ້ການນຳພາອັນ ຖືກຕ້ອງ, ສະຫຼາດສ່ອງໃສ ຂອງພັກກອມມູນິດ ຫວຽດ ນາມ ຜູ້ມີກຽດສະຫງ່າ, ຈົ່ງສືບຕໍ່ ຍາດເອົາຜົນສຳເລັດໃໝ່, ໃຫຍ່ກວ່າເກົ່າໃນພາລະກິດ ປ່ຽນແປງໃໝ່, ຫັນປະເທດເປັນ ປະເທດອຸດສາຫະກຳ ຕາມທິດ ທັນສະໄໝ,ປະຕິບັດບັນດາມະ ຕິກອງປະຊຸມໃຫຍ່ຄັ້ງທີ 12 ຂອງ ພັກກອມມູນິດຫວຽດນາມໃຫ້ ປະກົດຜົນເປັນຈິງ, ບັນລຸເປົ້າ ໝາຍປະຊາຊົນຮັ່ງມີປະເທດ ຊາດມັ່ງຄັ່ງເຂັ້ມແຂງ, ປະຊາທິ ປະໄຕ, ຍຸຕິທຳ ແລະ ສີວິໄລ. ຂໍອວຍພອນໃຫ້ມິດຕະ ພາບອັນຍິ່ງໃຫຍ່, ຄວາມສາມັກ ຄີພິເສດ ແລະ ການຮ່ວມມືຮອບ ດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ - ຫວຽດນາມ ຈົ່ງໝັ້ນຄົງຂະ ນົງແກ່ນຕະຫຼອດກາລະນານ. ຂ້າພະເຈົ້າປະກາດປິດປີ ສາມັກຄີມິດຕະພາບ ລາວ - ຫວຽດນາມ, ຫວຽດນາມ - ລາວ 2017 ຢ່າງເປັນທາງການຮ່ວມ ກັບສະຫາຍ ປະທານປະເທດ ເຈິ່ນ ດ້າຍ ກວາງ( ຂໍຂອບໃຈ) ໃນຕອນບ່າຍຂອງວັນ ດຽວກັນ, ສະຫາຍ ບຸນຍັງ ວໍລະຈິດ ຍັງໄດ້ໃຫ້ກຽດຕ້ອນ ຮັບການເຂົ້າຢ້ຽມຂ່ຳນັບຂອງ ຄະນະສະມາຄົມມິດຕະພາບ ຫວຽດນາມ - ລາວ, ຊຶ່ງນຳ ໂດຍ ສະຫາຍ ເຈີນ ວັນ ຕຸຍ, ກຳມະການສູນກາງພັກ,ກຳມະ ການຄະນະປະຈຳສະພາແຫ່ງ ຊາດ, ຮອງຫົວໜ້າຄະນະຈັດຕັ້ງ ສູນກາງພັກ, ປະທານສະມາຄົມ ມິດຕະພາບຫວຽດນາມ - ລາວ ຂັ້ນສູນກາງ ແລະ ຄະນະ. ໃນໂອກາດນີ້, ສະຫາຍ ເລຂາທິການໃຫຍ່ ບຸນຍັງ ວໍ ລະຈິດ ໄດ້ສະແດງຄວາມຍິນ ດີທີ່ໄດ້ພົບປະກັບ ສະຫາຍ ເຈີນ ວັນ ຕຸຍ ພ້ອມດ້ວຍຄະນະ ໃນຄັ້ງນີ້, ໃນທ່າມກາງບັນຍາ ກາດທີ່ສອງປະເທດ ໄດ້ມີການ ສະເຫຼີມສະຫຼອງສອງປີສາມັກ ຄີມິດຕະພາບຢ່າງເປັນຂະ ບວນຟົດຟື້ນ. ພ້ອມນີ້, ສອງ ຝ່າຍ ກໍ່ໄດ້ຕີລາຄາສູງຕໍ່ສາຍ ພົວພັນມິດຕະພາບອັນເປັນ ມູນເຊື້ອ, ຄວາມສາມັກຄີພິ ເສດ, ການຮ່ວມມືຮອບດ້ານ ຂອງສອງພັກ, ສອງລັດ ແລະ ປະຊາຊົນສອງຊາດ ລາວ - ຫວຽດນາມ ທີ່ສືບຕໍ່ນັບມື້ໄດ້ ຮັບການເສີມຂະຫຍາຍເຂົ້າສູ່ ລວງເລິກ, ລວງກວ້າງ ແລະ ແທດເໝາະກັບຕົວຈິງກວ່າ ເກົ່າ,ໄດ້ຕີລາຄາສູງຕໍ່ການປະ ຕິບັດງານຂອງ 2 ສະມາຄົມ ມິດຕະພາບລາວ - ຫວຽດ ນາມ, ຫວຽດນາມ - ລາວ ໃນການຈັດຕັ້ງປະຕິບັດບັນດາ ກິດຈະກຳຮ່ວມກັນໃນປີສາມັກ ຄີມິດຕະພາບ ເປັນຕົ້ນແມ່ນ ການຈັດງານມະໂຫລານປະ ຊາຊົນສອງປະເທດ ຄັ້ງທີ 4, ຈັດຕັ້ງການຢ້ຽມຢາມຕາມ ຮອຍຂອງການນຳຂັ້ນສູງຂອງ ສອງປະເທດ ແລະ ອື່ນໆ, ຊຶ່ງເປັນການຊ່ວຍໃຫ້ຄົນຮຸ່ນ ໜຸ່ມຮັບຮູ້ຢ່າງກວ້າງຂວາງ ແລະ ເລິກເຊິ່ງກວ່າເກົ່າກ່ຽວ ກັບສາຍພົວພັນມິດຕະພາບ ອັນເປັນມູນເຊື້ອຄວາມສາມັກ ຄີພິເສດ ແລະ ການຮ່ວມມື ຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງ ຊາດ ລາວ - ຫວຽດນາມ. ໃນໂອກາດດຽວກັນ, ສະ ຫາຍ ເຈີນ ວັນ ຕຸຍ ໄດ້ສະ ແດງຄວາມຂອບໃຈຕໍ່ສະຫາຍ ເລຂາທິການໃຫຍ່ ບຸນຍັງ ວໍລະຈິດ ທີ່ໄດ້ໃຫ້ການຕ້ອນ ຮັບອັນອົບອຸ່ນ, ສະໜິດສະ ໜົມ ແລະ ເຕັມໄປດ້ວຍໄມຕີ ຈິດມິດຕະພາບຖານສະຫາຍ ອ້າຍນ້ອງ, ຊຶ່ງສະແດງເຖິງມິດ ຈິດມິດໃຈອັນດູດດື່ມ, ຄວາມ ມີຊີວິດຊີວາ ແຫ່ງສາຍພົວພັນ ແບບພິເສດ, ບໍລິສຸດຜຸດຜ່ອງ ແລະ ຫາຍາກ ລະຫວ່າງປະ ຊາຊົນສອງຊາດ ລາວ - ຫວຽດນາມ. ສະຫາຍຍັງໄດ້ ລາຍງານໃຫ້ ສະຫາຍເລຂາທິ ການໃຫຍ່, ປະທານປະເທດ ບຸນຍັງ ວໍລະຈິດ ຊາບກ່ຽວກັບ ການເຄື່ອນໄຫວຂອງສະມາ ຄົມມິດຕະພາບ ຫວຽດນາມ - ລາວໃນປີ 2017 ແລະ ໄດ້ໃຫ້ ຄຳໝັ້ນໝາຍວ່າ: ຈະຮ່ວມກັບ ສະມາຄົມມິດຕະພາບ ລາວ - ຫວຽດນາມ ເພື່ອພ້ອມກັນ ເສີມຂະຫຍາຍສາຍພົວພັນ ມິດຕະພາບ ທີ່ເປັນມູນເຊື້ອ ອັນດີງາມທີ່ມີໜຶ່ງດຽວໃນ ໂລກນີ້ ໃຫ້ນັບມື້ແຕກດອກ ອອກຜົນຍິ່ງຂຶ້ນ ແລະ ຍືນຍົງຢູ່ ຄູ່ພາລະກິດຂອງສອງຊາດ ຫວຽດນາມ - ລາວ , ລາວ - ຫວຽດນາມຕະຫຼອດໄປ.