ສະຫາຍເລຂາທິການໃຫຍ່ ປະທານປະເທດ ບຸນຍັງ ວໍລະຈິດ ຢ້ຽມຢາມແຂວງເຫງະອານ ແລະ ກອງບັນຊາການທະຫານ


...

    

ພາຍຫຼັງສຳເລັດການເຄື່ອນໄຫວຢ້ຽມຢາມ ຢູ່ນະຄອນຫຼວງ ຮ່າໂນ້ຍແລ້ວ, ຕອນແລງຂອງວັນທີ 20 ທັນວາ 2017, ສະຫາຍ ເລຂາທິການໃຫຍ່ ປະທານປະເທດ ບຸນຍັງ ວໍລະຈິດ ພ້ອມຄະນະ ຜູ້ແທນຂັ້ນສູງ ພັກ, ລັດ ສປປ ລາວ ໄດ້ສືບຕໍ່ຢ້ຽມຢາມ ແຂວງ ເຫງະອານ. ຕອນຄ່ຳຂອງວັນດຽວກັນ, ສະຫາຍ ຫງວຽນ ກັດ ວິງ ກຳມະ ການສູນກາງພັກ ເລຂາຄະນະພັກແຂວງເຫງະອານໄດ້ເຂົ້າ ຢ້ຽມຂ່ຳນັບ ແລະ ລາຍງານຕໍ່ ສະຫາຍ ບຸນຍັງ ວໍລະຈິດ ກ່ຽວ ກັບສະພາບການອັນພົ້ນເດັ່ນ ຂອງການພັດທະນາຂອງ ແຂວງເຫງະອານ, ການພົວພັນ ຮ່ວມມືລະຫວ່າງ 2 ປະເທດ ເວົ້າລວມ, ລະຫວ່າງ ແຂວງ ເຫງະອານກັບບັນດາແຂວງ ຂອງລາວ ເວົ້າສະເພາະໂດຍ ສະເພາະການພົວພັນຮ່ວມມື ຊ່ວຍເຫຼືອຂອງແຂວງເຫງະ ອານ ໃຫ້ບັນດາແຂວງແຮກ ສ່ຽວຂອງລາວຄື: ຊຽງຂວາງ, ຫົວພັນ, ບໍລິຄຳໄຊ, ໄດ້ແຈ້ງ ຄະນະຜູ້ແທນລາວຊາບກ່ຽວ ກັບການເຄື່ອນໄຫວໃນຂອບ ປີສາມັກຄີມິດຕະພາບ ແລະ ໄດ້ຢືນຢັນຈະສືບຕໍ່ຮ່ວມມືກັບ ຝ່າຍລາວ ໃນການປົກປັກຮັກ ສາສາຍພົວພັນພິເສດຫວຽດ ນາມ - ລາວ ໃຫ້ນັບມື້ສວຍສົດ ງົດງາມຕະຫຼອດໄປ. ພາຍຫຼັງເຂົ້າຢ້ຽມຂ່ຳນັບ ສະຫາຍເລຂາທິການໃຫຍ່, ປະທານປະເທດແລ້ວ, ສະ ຫາຍ ຫງວຽນ ດັກ ວິງ ພ້ອມ ດ້ວຍຄະນະນຳຂອງແຂວງ ໄດ້ຈັດງານລ້ຽງຕ້ອນຮັບຄະ ນະຜູ້ແທນຂັ້ນສູງຂອງລາວ ຢ່າງສົມກຽດ ແລະ ເຕັມໄປ ດ້ວຍຄວາມສະໜິດສະໜົມ ຖານສະຫາຍອ້າຍນ້ອງ. ຕອນເຊົ້າຂອງວັນທີ 21 ທັນວາ 2017, ສະຫາຍເລຂາ ທິການໃຫຍ່, ປະທານປະເທດ ບຸນຍັງ ວໍລະຈິດ ໄດ້ໄປຢ້ຽມ ຢາມບ້ານເກີດຂອງປະທານ ໂຮ່ຈິມິນ ທີ່ຕາແສງນາດ່າຍ ແລະ ໄດ້ມີການຂຽນຄວາມຮູ້ ສຶກ ຊຶ່ງບາງຕອນມີເນື້ອໃນວ່າ: ຂ້າພະເຈົ້າມີຄວາມຮູ້ສຶກພູມ ໃຈເປັນຢ່າງຍິ່ງທີ່ໄດ້ມີໂອກາດ ນຳພາຄະນະຜູ້ແທນຂັ້ນສູງ ຂອງພັກ, ລັດແຫ່ງ ສປປ ລາວ ມາຢ້ຽມຢາມເຂດອະນຸສອນ ສະຖານບ້ານເກີດ ປະທານ ໂຮ່ຈິມິນ ຜູ້ຍິ່ງໃຫຍ່ຊຶ່ງເປັນຜູ້ ກໍ່ຕັ້ງ ແລະ ຝຶກຝົນຫຼໍ່ຫຼອມພັກ ກອມມູນິດອິນດູຈີນ ເຊິ່ງເປັນ ຕົ້ນກຳເນີດຂອງພັກກອມມູ ນິດຫວຽດນາມ ແລະ ພັກ ປະຊາຊົນ ປະຕິວັດລາວ. ພວກຂ້າພະເຈົ້າຮູ້ສຶກຊາບ ຊຶ້ງເປັນຢ່າງຍິ່ງ ທີ່ຈາກສະຖານ ທີ່ ທີ່ສັກກະລະບູຊາແຫ່ງນີ້ໃຫ້ ກຳເນີດນັກປະຕິວັດ ຜູ້ກ້າ ແກ່ນ, ຜູ້ຊຶ່ງໄດ້ມີການອຸທິດ ທັງກາຍ, ສະຕິປັນຍາຂອງ ເພິ່ນ ບໍ່ສະເພາະແຕ່ເພື່ອປະເທດ ຊາດ,ເພື່ອປະຊາຊົນຫວຽດນາມ ອ້າຍນ້ອງ ແລະ ປະຊາຊົນທົ່ວ ອິນດູຈີນເທົ່ານັ້ນແຕ່ປະທານ ໂຮ່ຈິມິນ ຍັງໄດ້ເປັນຜູ້ກໍ່ຕັ້ງ, ຖະໜຸຖະໜອມ ແລະ ເພີ່ມພູນ ຄູນສ້າງສາຍພົວພັນມິດຕະ ພາບທີ່ຍິ່ງໃຫຍ່, ຄວາມສາມັກ ຄີແບບພິເສດການຮ່ວມມື ຮອບດ້ານ ລາວ - ຫວຽດນາມ ທີ່ເປັນການພົວພັນທີ່ຫາຍາກ ແລະ ມີພຽງໜຶ່ງດຽວໃນໂລກ ທີ່ຖືກສ້າງຂຶ້ນດ້ວຍເລືອດເນື້ອ ແລະ ເຫື່ອໄຄຂອງປະຊາຊົນ ສອງຊາດ ລາວ - ຫວຽດນາມ ໄດ້ກາຍເປັນມໍລະດົກລວມທີ່ ລ້ຳຄ່າ, ເປັນກົດເກນແຫ່ງການ ຄົງຕົວ ແລະ ຂະຫຍາຍຕົວຂອງ ສອງຊາດ ເປັນປັດໄຈຕັດສິນ ໄຊຊະນະຂອງແຕ່ລະປະເທດ. ພວກຂ້າພະເຈົ້າຂໍຈົດຈຳ ບຸນຄຸນອັນລ້ຳເລີດຂອງ ປະທານ ໂຮ່ຈິມິນ,ຈະຮ່ວມກັບ ປະຊາຊົນ ຫວຽດນາມ ປົກປັກ ຮັກສາສາຍພົວພັນພິເສດນັ້ນ ໃຫ້ນັບມື້ນັບຈະເລີນງອກງາມ ຍິ່ງໆຂຶ້ນ ເພື່ອຜົນປະໂຫຍດ ຂອງສອງຊາດ ລາວ - ຫວຽດ ນາມ, ປະທານ ໂຮ່ຈິມິນ ຍືນ ຍົງໃນພາລະກິດຂອງພວກເຮົາ ຕະຫຼອດໄປ. ໃນໂອກາດດຽວກັນນີ້, ສະຫາຍເລຂາທິການໃຫຍ່ ປະ ທານປະເທດ ບຸນຍັງ ວໍລະຈິດ ແລະ ຄະນະ ກໍ່ໄດ້ໄປຢ້ຽມຢາມ ເຮືອນຊົງລາວ ທີ່ລັດຖະບານ ລາວມອບເປັນຂອງຂວັນໃຫ້ ແກ່ອະນຸສອນສະຖານໂຮ່ຈິມິນ. ຕອນບ່າຍຂອງວັນດຽວກັນ, ສະຫາຍເລຂາທິການໃຫຍ່, ປະ ທານປະເທດໄດ້ໄປຢ້ຽມຢາມ ກອງບັນຊາການທະຫານເຂດ 4 ໂດຍໄດ້ຮັບການຕ້ອນຮັບ ຢ່າງອົບອຸ່ນ, ສົມກຽດຈາກ ນາຍ ແລະ ພົນທະຫານ ກອງບັນຊາ ການທະຫານເຂດ 4 ແລະ ໄດ້ໂອ້ລົມບັນດານາຍ ແລະ ພົນທະຫານເຂດ 4 ໂດຍໄດ້ຕີ ລາຄາຜົນສຳເລັດອັນໃຫຍ່ຫຼວງ ຮອບດ້ານຂອງກອງບັນຊາ ການທະຫານເຂດ 4 ທີ່ຍາດ ມາໄດ້ຕະຫຼອດໄລຍະຜ່ານມາ, ປະກອບສ່ວນເຮັດໃຫ້ກອງທັບ ປະຊາຊົນຫວຽດນາມນັບມື້ນັບ ມີຄວາມເຂັ້ມແຂງ, ສົມເປັນຮົ້ວ ປ້ອງກັນປະເທດຊາດຫວຽດ ນາມ ວິລະຊົນ, ສົມເປັນທະ ຫານລຸງໂຮ່ໃນຍຸກໃໝ່, ປະ ກອບສ່ວນອັນໃຫຍ່ຫລວງ, ການເສຍສະຫຼະອັນສູງສົ່ງ ຂອງກອງທັບ ແລະ ປະຊາຊົນ ຫວຽດນາມອ້າຍນ້ອງໃຫ້ແກ່ ພາລະກິດຂອງປະຊາຊົນລາວ ຕະຫຼອດມາ, ຊຶ່ງນັ້ນມີການປະ ກອບສ່ວນໂດຍກົງຂອງບັນດາ ນາຍ, ພົນທະຫານ ແລະ ນັກ ຮົບຂອງກອງບັນຊາການທະ ຫານ ເຂດ 4, ສະແດງຄວາມ ຊົມເຊີຍຕໍ່ຜົນງານຂອງການ ຮ່ວມມືລະຫວ່າງກອງທະຫານ ເຂດ 4 ກັບ ສປປ ລາວ ໃນການ ພັດທະນາເສດຖະກິດ-ສັງຄົມ ເຂດຊາຍແດນ ແລະ ໄດ້ສະ ແດງຄວາມເຊື່ອໝັ້ນວ່າ ກອງ ທະຫານເຂດ 4 ຈະສືບຕໍ່ເສີມ ຂະຫຍາຍມູນເຊື້ອການພົວພັນ ທີ່ຫາຍາກ ລາວ-ຫວຽດນາມ ນັ້ນໃຫ້ນັບມື້ນັບມີປະສິດທິ ຜົນ, ນຳເອົາຜົນປະໂຫຍດຕົວ ຈິງມາໃຫ້ແກ່ສອງຝ່າຍ. ສະຫາຍ ພົນຕີ ຫງວຽນ ເຕິນ ເກືອງ ກຳມະການສູນ ກາງພັກ ຫົວໜ້າກອງບັນຊາ ການທະຫານເຂດ 4 ໄດ້ລາຍ ງານໃຫ້ສະຫາຍເລຂາທິການ ໃຫຍ່ ປະທານປະເທດ ບຸນຍັງ ວໍລະຈິດ ແລະ ຄະນະກ່ຽວກັບ ໝາກຜົນແຫ່ງການເຄື່ອນໄຫວ ແລະ ການພົວພັນຮ່ວມມືລະ ຫວ່າງທະຫານເຂດ 4 ກັບ ສປປ ລາວ ໃນໄລຍະຜ່ານມາ, ໂດຍໄດ້ຊີ້ໃຫ້ເຫັນວ່າ ກອງທະ ຫານເຂດ 4 ໄດ້ມີການຮ່ວມມື ໃນການກໍ່ສ້າງຮາກຖານການ ເມືອງຢູ່ບາງແຂວງຂອງລາວ, ມີການປະສານສົມທົບໃນ ການເຄື່ອນໄຫວສະເຫຼີມສະ ຫຼອງ 2 ວັນປະຫວັດສາດຂອງ ສອງຊາດ, ໂດຍໄດ້ມີການໂຄ ສະນາກ່ຽວກັບມູນເຊື້ອຄວາມ ສາມັກຄີພິເສດ ຫວຽດນາມ- ລາວ, ມີການຊ່ວຍເຫຼືອຖ່າຍ ທອດບົດຮຽນ ໃນການພັດທະ ນາເສດຖະກິດ-ສັງຄົມໃຫ້ແກ່ ປະຊາຊົນລາວ ໃນບັນດາ ແຂວງຂອງລາວ, ໂດຍສະເພາະ ແມ່ນດ້ານກະສິກຳ, ການລຶບ ລ້າງຄວາມທຸກຍາກໃຫ້ແກ່ປະ ຊາຊົນ, ມີການຮ່ວມມືໃນການ ທ້ອນໂຮມອັດຖິນັກຮົບນິລະ ນາມຂອງຫວຽດນາມ ແລະ ຈັດສົ່ງກັບປະເທດ ໄດ້ເປັນຈຳ ນວນຫຼາຍຮ້ອຍອັດຖິ ໃນປີ 2017. ສະຫາຍຫົວໜ້າກອງບັນ ຊາການທະຫານເຂດ 4 ໄດ້ຢືນ ຢັນຈະສືບຕໍ່ຮ່ວມກັບຝ່າຍ ລາວ ໃນການປະຕິບັດບັນດາ ສັນຍາ, ອະນຸສັນຍາຮ່ວມມືໃນ ວຽກງານປ້ອງກັນຊາດ ໃນໄລ ລະປີ 2015-2019, ຈະສືບຕໍ່ ຍົກສູງຄຸນນະພາບຂອງການ ຮ່ວມມືລະຫວ່າງກອງບັນຊາ ການທະຫານເຂດ 4 ແລະ ສປປ ລາວ, ປະກອບສ່ວນເສີມ ຂະຫຍາຍຄວາມສາມັກຄີພິ ເສດ ຫວຽດນາມ-ລາວ ໃນໄລ ຍະໃໝ່ໃຫ້ນັບມື້ມີປະສິດທິ ຜົນ, ນຳເອົາຜົນປະໂຫຍດຕົວ ຈິງມາສູ່ປະຊາຊົນສອງຊາດ ຫວຽດນາມ-ລາວ. ພາຍຫຼັງສຳເລັດການພົບ ປະກັບນາຍ ແລະ ພົນທະຫານ ກອງບັນຊາການທະຫານ ເຂດ 4 ແລ້ວ, ກອງບັນຊາການທະ ຫານເຂດ 4 ໄດ້ຈັດງານລ້ຽງ ຕ້ອນຮັບສະຫາຍເລຂາທິການ ໃຫຍ່ ປະທານປະເທດ ແລະ ຄະນະ ໃນຄັ້ງນີ້ຕື່ມອີກດ້ວຍ.