ປະທານປະເທດ ຊີ້ນຳວຽກງານຢູ່ອັດຕະປື


...

...

    

ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ພ້ອມຄະນະໄດ້ເຄື່ອນໄຫວຢ້ຽມຢາມ ແລະ ຊີ້ນຳວຽກງານຢູ່ແຂວງ ອັດຕະປື ໂດຍໄດ້ຮັບການຕ້ອນຮັບຢ່າງອົບອຸ່ນຈາກທ່ານ ນາມ ວິຍະເກດ ເລຂາພັກແຂວງ ເຈົ້າແຂວງອັດຕະປື ພ້ອມຄະນະ, ຈາກນັ້ນ ກໍໄດ້ເຂົ້າຮ່ວມພົບປະໂອ້ລົມພະນັກງານຫຼັກແຫຼ່ງ ແລະ ພະນັກງານບຳນານ ທີ່ຫໍປະຊຸມໃຫຍ່ຂອງແຂວງ. ກ່ອນການພົບປະ ທ່ານ ບຸນຍັງ ວໍລະຈິດ ກໍໄດ້ຮັບຟັງການລາຍງານ ໂດຍຫຍໍ້ກ່ຽວກັບສະພາບການຈັດຕັ້ງປະຕິບັດແຜນພັດ ທະນາເສດຖະກິດ - ສັງຄົມຂອງແຂວງ ຈາກທ່ານເລຂາພັກແຂວງ ຊຶ່ງມາຮອດປັດຈຸບັນ ທົ່ວແຂວງອັດຕະປື ໄດ້ສືບຕໍ່ມີສະຖຽນລະພາບ ທາງດ້ານການເມືອງ, ສັງຄົມມີຄວາມສະຫງົບປອດໄພ ແລະ ປະຊາຊົນບັນດາເຜົ່າ ມີຄວາມສາມັກຄີເປັນປຶກ ແຜ່ນເສດຖະກິດຂອງແຂວງມີ ຈັງຫວະເຕີບໂຕຕໍ່ເນື່ອງ GDP ສະເລ່ຍ ໃນປີບັນລຸໄດ້ 8%; ສະ ເລ່ຍຕໍ່ຫົວຄົນ ເທົ່າກັບ15,88 ລ້ານກີບ/ຄົນ/ປີ, ຊີວິດການ ເປັນຢູ່ຂອງພໍ່ແມ່ປະຊາຊົນ ພາຍໃນແຂວງ ນັບມື້ນັບດີຂຶ້ນ ເປັນກ້າວໆ. ໂອກາດດຽວກັນ, ສະ ຫາຍເລຂາທິການໃຫຍ່ ປະ ທານປະເທດ ບຸນຍັງ ວໍລະຈິດ ກໍໄດ້ເນັ້ນໃຫ້ຄະນະພັກ ແຕ່ລະ ຂັ້ນຈົ່ງສືບຕໍ່ເອົາໃຈໃສ່ເພີ່ມ ທະວີສຶກສາອົບຮົມວຽກງານ ການເມືອງແນວຄິດໃຫ້ມີຄວາມ ເຂັ້ມແຂງ, ໜັກແໜ້ນ, ມີ ຄວາມສາມັກຄີປອງດອງພາຍ ໃນພັກ, ວຽກງານປ້ອງກັນ ຊາດ-ປ້ອງກັນຄວາມສະຫງົບ ຕ້ອງມີຄວາມຮັບຜິດຊອບສູງ ຕໍ່ໜ້າທີ່ວຽກງານ ແລະ ເປັນ ແບບຢ່າງໃນການນຳພາຕ້ານ ປາກົດການຫຍໍ້ທໍ້ຕ່າງໆທີ່ເກີດ ຂຶ້ນ; ເອົາໃຈໃສ່ພັດທະນາຄຸນ ນະພາບການສຶກສາໃຫ້ເລິກ ເຊິ່ງ ແນໃສ່ສ້າງຊັບພະຍາ ກອນມະນຸດໃຫ້ເປັນຄົນທີ່ມີ ຄວາມຮູ້ ຄວາມສາມາດ ເພື່ອ ເປັນກຸນແຈ ໃນການສ້າງສາ ພັດທະນາປະເທດຊາດໃນອະ ນາຄົດ ກ້າວໄປສູ່ຄວາມຮຸ່ງ ເຮືອງສີວິໄລຢ່າງແທ້ຈິງ, ພ້ອມ ກັນເອົາໃຈໃສ່ສຶກສາອົບຮົມ ຄົນຮຸ່ນໜຸ່ມໃຫ້ຮູ້ຈັກອະນຸລັກ ຮັກສາວັດທະນະທຳທີ່ເປັນເອ ກະລັກຂອງຊາດ, ພ້ອມກັນ ເອົາໃຈໃສ່ພັດທະນາແຂວງອັດ ຕະປື ໂດຍເລັ່ງໃສ່ການນຳໃຊ້ ທ່າແຮງຂອງທ້ອງຖິ່ນ ລວມທັງ ການສ້າງສະຕິຄວາມເປັນເຈົ້າ ເຄົາລົບລະບຽບກົດໝາຍ ແລະ ເອົາໃຈໃສ່ຕໍ່ວຽກງານຮັກສາສຸ ຂະພາບຂອງປະຊາຊົນຕາມ ຫຼັກອະນາໄມ 3 ສະອາດ, ປັບ ປຸງລະບົບການເມືອງຢູ່ຮາກ ຖານໃຫ້ມີຄວາມໜັກແໜ້ນ, ເຂັ້ມແຂງ ບົນພື້ນຖານຄວາມ ເປັນເອກະພາບຂອງຄະນະ ພັກ-ຄະນະນຳທຸກຂັ້ນ ແລະ ເພີ່ມທະວີຄວາມສາມັກຄີພາຍ ໃນຢ່າງແໜ້ນແຟ້ນຕາມແນວ ທາງຂອງພັກວາງອອກ. ການ ຢ້ຽມຢາມ ແລະ ເຮັດວຽກທີ່ ແຂວງອັດຕະປື ຂອງເລຂາທິ ການໃຫຍ່ ພ້ອມຄະນະເທື່ອນີ້ ຍັງໄດ້ທ່ຽວຊົມສະຖານທີ່ທ່ອງ ທ່ຽວ ແລະ ສັກກະລະບູຊາພະ ເຈົ້າໄຊຍະເສດຖາທິລາດ ທີ່ ວັດທາດ ເມືອງໄຊເສດຖາ ຊຶ່ງ ເປັນສະຖານທີ່ກະກຽມໄຂງານ ປີທ່ອງທ່ຽວ 2018. (ຂ່າວ: ມາລາທິບ)