ລັດຖະບານຊີ້ແຈງການພັດທະນາເສດຖະກິດ-ສັງຄົມ ຕໍ່ສສຊ


...

    

ກອງປະຊຸມສະໄໝສາ ມັນເທື່ອທີ 4 ຂອງສະພາແຫ່ງ ຊາດ ຊຸດທີ VIII ໃນວັນທີ 20 ຕຸລາຜ່ານມານີ້ ພາຍໃຕ້ການເປັນ ປະທານຂອງ ທ່ານ ນາງ ປານີ ຢ່າທໍ່ຕູ້, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິ ການ ແລະ ກິລາ ແລະ ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໄດ້ ຂຶ້ນຊີ້ແຈງຕໍ່ຄຳຊັກຖາມ ຂອງ ສະມາຊິກສະພາແຫ່ງຊາດ (ສສຊ). ໃນການຊີ້ແຈງຄັ້ງນີ້ ໄດ້ ຍົກໃຫ້ເຫັນວ່າ ໃນໄລຍະທີ່ ຜ່ານມາໃນບັນດາຂະແໜງດັ່ງ ກ່າວໄດ້ເອົາໃຈໃສ່ຢ່າງຕັ້ງໜ້າ ໃນການຈັດຕັ້ງປະຕິບັດຕາມ ແຜນພັດທະນາເສດຖະກິດ-ສັງຄົມ ກໍຄືແຜນບຸລິມະສິດ ຂອງລັດຖະບານຕາມມະຕິຂອງ ກອງປະຊຸມສະພາທີ່ຮັບຮອງ ໄປແລ້ວໃນສົກປີຜ່ານມາ ໂດຍ ສະເພາະຂະແໜງແຜນການ ແລະ ການລົງທຶນໃນໄລຍະ 6 ເດືອນຕົ້ນປີນີ້ ການລົງທຶນຂອງ ພາກເອກະຊົນທັງພາຍໃນ ແລະ ຕ່າງປະເທດປະຕິບັດໄດ້ ເກີນແຜນການ 10%, ສຳລັບ ການແກ້ໄຂຄວາມທຸກຍາກໃນ ໄລຍະຜ່ານມາໄດ້ສຸມເປົ້າໝາຍ ແກ້ໄຂຄວາມທຸກຍາກຂອງ ປະຊາຊົນຕາມທິດຂອງລັດຖະ ບານຄື: ປີ 2017 ນີ້ ມີທຶນ ເພື່ອພັດທະນາທັງໝົດ 1.368 ຕື້ກີບ ໃນນີ້ງົບປະມານຂອງລັດ ຖະບານ 164 ຕື້ກີບ ແລະ ທຶນ ຊ່ວຍເຫຼືອຈາກຕ່າງປະເທດ 1.204 ຕື້ກີບ. ນອກນັ້ນທາງ ຂະແໜງທີ່ກ່ຽວຂ້ອງຍັງໄດ້ເອົາ ໃຈໃສ່ຕິດຕາມກວດກາການ ດຳເນີນງານການລົງທຶນຢູ່ໃນ ບັນດາໂຄງການຕ່າງໆເຫັນວ່າມີຫຼາຍໂຄງການປະຕິບັດສຳ ເລັດ ແລະ ຖືກຕ້ອງສອດຄ່ອງ ຕາມລະບຽບກົດໝາຍຂອງ ສປປ ລາວ ແລະ ຍັງມີໂຄງ ການຈຳນວນໜຶ່ງຍັງປະຕິບັດ ບໍ່ທັນສອດຄ່ອງກັບລະບຽບ ການ ແລະ ຊັກຊ້າແກ່ຍາວ ເຮັດໃຫ້ລັດຖະບານເສຍຜົນ ປະໂຫຍດຕໍ່ກັບສະພາບການ ດັ່ງກ່າວທາງຂະແໜງການທີ່ ກ່ຽວຂ້ອງໄດ້ຄົ້ນຄວ້າເຈລະຈາ ແກ້ໄຂຕາມຂັ້ນຕອນຂອງລະ ບຽບການເພື່ອເຮັດໃຫ້ການຈັດ ຕັ້ງປະຕິບັດໂຄງການໄດ້ດຳ ເນີນຕໍ່ໄປຢ່າງຖືກຕ້ອງຕາມ ແນວທາງນະໂຍບາຍຂອງພັກ- ລັດຖະບານແຫ່ງ ສປປ ລາວ. ນອກນັ້ນທາງຂະແໜງສຶກ ສາ-ສາທາລະນະສຸກ ກໍໄດ້ ສືບຕໍ່ປະຕິບັດໄປຕາມແຜນ ງານຄືການປະຕິບັດໜ້າທີ່ຕາມ ແຜນງານບຸລິມະສິດຂອງລັດ ຖະບານໃນການພັດທະນາ ເສດຖະກິດ-ສັງຄົມ ໃຫ້ປະກົດ ຜົນເປັນຈິງ. (ຂ່າວ: ພູວຽງຄຳ)