ກະຊວງ ຖວທ ເຜີຍແຜ່ມະຕິກອງປະຊຸມ ຄົບຄະນະບໍລິຫານງານສູນກາງພັກ


...

    

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ດຳເນີນກອງປະຊຸມ ເຜີຍແຜ່ມະຕິກອງປະຊຸມຄົບ ຄະນະຂອງຄະນະບໍລິຫານ ງານສູນກາງພັກ ຄັ້ງທີ 5 (ສະໄໝທີ X) ຂຶ້ນເມື່ອວັນທີ 20 ຕຸລາຜ່ານມານີ້, ທີ່ຫໍວັດ ທະນະທຳແຫ່ງຊາດໂດຍ ການເປັນປະທານຂອງ ທ່ານ ບໍ່ແສງຄຳ ວົງດາລາ ກຳມະ ການສູນກາງພັກ, ລັດຖະມົນຕີ ກະຊວງ ຖວທ, ມີຮອງເລຂາ ຄະນະພັກ, ຄະນະພັກກະຊວງ, ເລຂາໜ່ວຍພັກຮາກຖານ, ເລຂາໜ່ວຍພັກ, ບັນດາຫົວ ໜ້າກົມ, ຮອງກົມ, ອ້ອມຂ້າງ ກະຊວງດັ່ງກ່າວເຂົ້າຮ່ວມ. ທີ່ປະຊຸມ ທ່ານ ບໍ່ແສງຄຳ ວົງດາລາ ໄດ້ໃຫ້ກຽດເຜີຍແຜ່ ມະຕິກອງປະຊຸມດັ່ງກ່າວ ໂດຍ ຍົກໃຫ້ເຫັນວ່າ: ກອງປະຊຸມ ຄົບຄະນະ ຄັ້ງທີ 5 ຂອງຄະນະບໍລິຫານງານສູນກາງພັກສະ ໄໝທີ X ໄດ້ດຳເນີນຢ່າງເປັນ ທາງການແຕ່ວັນທີ 11 ເຖິງວັນ ທີ 21 ກັນຍາ 2017 ພາຍໃຕ້ ການເປັນປະທານຂອງ ທ່ານ ບຸນຍັງ ວໍລະຈິດ ເລຂາທິການ ໃຫຍ່ຄະນະບໍລິຫານງານສູນ ກາງພັກ ປະຊາຊົນ ປະຕິວັດ ລາວ, ຍົກໃຫ້ເຫັນກ່ຽວກັບ ການຕີລາຄາຜົນຂອງການຜັນ ຂະຫຍາຍ ແລະ ຈັດຕັ້ງປະຕິ ບັດມະຕິກອງປະຊຸມສູນກາງ ຄົບຄະນະ ຄັ້ງທີ 4 ຂອງຄະນະ ບໍລິຫານງານສູນກາງພັກ ສະ ໄໝທີ X, ທິດທາງລວມ ແລະ ໜ້າທີ່ຈຸດສຸມໃນຕໍ່ໜ້າ ແລະ ມາດຕະການໃນການຈັດຕັ້ງ ປະຕິບັດ. ການຈັດຕັ້ງເຜີຍແຜ່ມະຕິ ກອງປະຊຸມຄັ້ງນີ້ ແມ່ນເພື່ອ ເຮັດໃຫ້ອົງການປົກຄອງແຕ່ ລະຂັ້ນ, ສະມາຊິກພັກ, ພະນັກ ງານ, ປະຊາຊົນລາວບັນດາ ເຜົ່າ ໄດ້ພ້ອມກັນເຊີດຊູຄວາມ ສາມັກຄີເປັນປຶກແຜ່ນ ແລະ ພ້ອມກັນຍົກສູງຄວາມຮັບຜິດ ຊອບ ແລະ ເປັນເຈົ້າການໃນ ການເຊື່ອມຊຶມ, ກຳແໜ້ນ ແລະ ຈັດຕັ້ງຜັນຂະຫຍາຍມະຕິກອງ ປະຊຸມຄົບຄະນະ ຄັ້ງທີ 5 ຂອງ ຄະນະບໍລິຫານງານສູນກາງພັກ ສະໄໝທີ X ໃຫ້ເປັນຂະບວນ ຟົດຟື້ນ, ແຂງແຮງ, ຕໍ່ເນື່ອງ ແນໃສ່ເຮັດໃຫ້ວຽກງານຈຸດສຸມ ທີ່ສູນ ກາງພັກວາງອອກໄດ້ຮັບ ການຈັດຕັ້ງປະຕິບັດ ແລະມີ ຜົນສຳເລັດຢ່າງຈົບງາມປະ ກອບສ່ວນໂດຍກົງເຂົ້າໃນຜົນ ສຳ ເລັດລວມ ໃນໄລຍະ ເຄິ່ງສະ ໄໝແຫ່ງການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ. (ຂ່າວ: ພົມພັກດີ)