ທ່ານຮອງປະທານປະເທດຕ້ອນຮັບທູດນິວຊີແລນເຂົ້າຢ້ຽມອຳລາແລະ ຜູ້ແທນຍີ່ປຸ່ນເຂົ້າຢ້ຽມຂໍ່ານັບ


...

    ທ່ານ ພັນຄຳ ວິພາວັນ ຮອງປະທານປະເທດໄດ້ຕ້ອນຮັບທ່ານ ເບັນ ຈາມິນ ຄິງ (Ben jamin King) ເອກອັກຄະລັດຖະ ທູດນິວຊີແລນປະຈຳລາວ ຊຶ່ງມີສຳນັກງານຕັ້ງຢູ່ບາງກອກ ປະເທດໄທ ເຂົ້າຢ້ຽມຂ່ຳນັບອຳລາໃນຕອນແລງວັນທີ 23 ສິງຫານີ້, ທີ່ ທຳນຽບປະທານປະເທດ ໃນໂອກາດສຳເລັດການປະຕິບັດໜ້າທີ່ການທູດຢູ່ ສປປ ລາວ. ໃນໂອກາດດັ່ງກ່າວ, ທ່ານຮອງປະທານປະເທດໄດ້ກ່າວສະແດງຄວາມຕ້ອນຮັບ ແລະ ຊົມເຊີຍຕໍ່ການປະຕິບັດໜ້າທີ່ການທູດຢູ່ ສປປ ລາວ ຊຶ່ງທ່ານ ທູດໄດ້ມີຄວາມພະຍາຍາມ ແລະ ເອົາໃຈໃສ່ໃນການເສີມ ຂະຫຍາຍສາຍພົວພັນ ແລະ ການຮ່ວມມືລະຫວ່າງສອງ ປະເທດທີ່ມີມາແລ້ວນັ້ນໃຫ້ໄດ້ຮັບການຂະຫຍາຍຕົວໄປໃນຫຼາຍຂົງເຂດຢ່າງຕໍ່ເນື່ອງ ຊຶ່ງໃນປີ 2016 ຜ່ານມາ ທີ່ ສປປ ລາວ ໄດ້ຈັດກອງປະ ຊຸມສຸດຍອດອາຊຽນ. ລັດຖະ ບານນິວຊີແລນຍັງໄດ້ປະກາດ ໃຫ້ການຊ່ວຍເຫຼືອລາວມູນຄ່າ 11,5 ລ້ານໂດລານິວຊີແລນ ຫຼື 7,8 ລ້ານໂດລາສະຫະລັດ ເພື່ອປະກອບສ່ວນເຂົ້າໃນໂຄງ ການເກັບກູ້ ລະເບີດບໍ່ທັນແຕກຢູ່ ສປປ ລາວ. ນອກນັ້ນລັດຖະ ບານນິວຊີແລນຍັງໄດ້ໃຫ້ການ ຊ່ວຍເຫຼືອອື່ນໆອີກ. ທ່ານຮອງ ປະທານປະເທດຍັງໄດ້ກ່າວ ອວຍພອນໃຫ້ທ່ານທູດຈົ່ງປະ ສົບຜົນສຳເລັດໃນໜ້າທີ່ໃໝ່ ຂອງທ່ານ ແລະ ເດີນທາງກັບ ຄືນປະເທດດ້ວຍຄວາມສະ ຫວັດດີພາບ. ໃນຕອນແລງວັນ ດຽວກັນນີ້ ທ່ານຮອງປະທານປະ ເທດກໍໄດ້ຕ້ອນຮັບທ່ານ ໂອຊາ ມິດຊຶ ຢາມະດະ ປະທານສະ ພາການຄ້າ ແລະ ອຸດສາຫະ ກຳເມືອງຄາວາຊະກິ ປະເທດ ຍີ່ປຸ່ນ, ປະທານມູນນິທິການສຶກ ສາ ຢາມາດະ ແລະ ທັງເປັນ ປະທານສະມາຄົມມິດຕະພາບ ຄາວາຊາກິ - ລາວ ພ້ອມຄະ ນະເຂົ້າຢ້ຽມຂ່ຳນັບ ໃນໂອກາດ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ໃນໂອ ກາດນີ້ ທ່ານຮອງປະທານປະ ເທດໄດ້ກ່າວສະແດງຄວາມ ຕ້ອນຮັບ ແລະ ຕີລາຄາສູງຕໍ່ ຄະນະຜູ້ແທນໃນຄັ້ງນີ້ ໂດຍ ສະເພາະມູນນິທິການສຶກສາ ຢາມາດະທີ່ໄດ້ໃຫ້ການຊ່ວຍ ເຫຼືອທຶນການສຶກສາຂອງລາວ ປີລະ 10.000 ໂດລາສະຫະ ລັດ ເປັນເວລາ 21 ປີ ແລະ ຊ່ວຍເຫຼືອສູນພັດທະນາຊັບ ພະຍາກອນມະນຸດ ລາວ - ຍີ່ ປຸ່ນ ຈຳນວນໜຶ່ງ ຊຶ່ງໄດ້ເປັນ ການປະກອບສ່ວນອັນສຳຄັນ ເຂົ້າໃນການພັດທະນາການ ສຶກສາກໍຄືພື້ນຖານໂຄງລ່າງໃນ ສປປ ລາວ. ທ່ານຮອງປະທານ ປະເທດຍັງໄດ້ສະເໜີໃຫ້ທ່ານ ປະທານສະພາການຄ້າ ແລະ ອຸດສາຫະກຳເມືອງຄາວາຊະກິ ສືບຕໍ່ຮ່ວມມື ແລະ ແລກປ່ຽນ ບົດຮຽນກັບຂະແໜງການທີ່ ກ່ຽວຂ້ອງຂອງລາວຢ່າງເປັນ ປົກກະຕິ ບົນພື້ນຖານຕ່າງຝ່າຍ ຕ່າງມີຜົນປະໂຫຍດອວຍພອນ ໃຫ້ທ່ານ ແລະ ຄະນະຈົ່ງປະ ສົບຜົນສຳເລັດ ໃນການຢ້ຽມ ຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້. (ຂ່າວ - ພາບ: ພູວຽງຄຳ)