ໄຊຍະບູລີ ຫວນຄືນມູນເຊື້ອສອງວັນ ປະຫວັດສາດ ລາວ- ຫວຽດນາມ


...

    ແຂວງໄຊຍະບູລີ ໄດ້ຈັດ ພິທີປາຖະກະຖາຫວນຄືນມູນ ເຊື້ອວັນສ້າງຕັ້ງສາຍພົວພັນ ການທູດລາວ-ຫວຽດນາມ ຄົບ ຮອບ 55 ປີ (5 ກັນຍາ 1962- 5 ກັນຍາ 2017) ແລະ ວັນ ເຊັນສົນທິສັນຍາມິດຕະພາບ ແລະ ການຮ່ວມມືລາວ-ຫວຽດ ນາມ ຄົບຮອບ 40 ປີ (18 ກໍ ລະກົດ 1977-18 ກໍລະກົດ 2017) ຂຶ້ນໃນວັນທີ 22 ສິງຫາ ຜ່ານມານີ້ ຢູ່ສະໂມສອນໂຮງຮຽນການ ເມືອງ - ການປົກຄອງແຂວງ ຊຶ່ງໃຫ້ກຽດປາຖະກະຖາໂດຍ ສະຫາຍ ກິແກ້ວ ໄຂຄຳພິທູນ ຫົວໜ້າຄະນະໂຄສະນາອົບ ຮົມສູນກາງພັກ ໂດຍມີສະຫາຍ ພົງສະຫວັນ ສິດທະວົງ ເຈົ້າ ແຂວງໄຊຍະບູລີ, ມີພາກສ່ວນ ກ່ຽວຂ້ອງເຂົ້າຮ່ວມ. ສະຫາຍ ກິແກ້ວ ໄຂຄຳ ພິທູນ ໄດ້ຍົກໃຫ້ເຫັນມູນເຊື້ອ ປະຫວັດສາດແຫ່ງການກຳ ເນີດ ແລະ ຄວາມໝາຍສຳຄັນ ຂອງວັນສ້າງຕັ້ງສາຍພົວພັນ ການທູດລາວ-ຫວຽດນາມ ຄົບ ຮອບ 55 ປີ, ວັນເຊັນສົນທິສັນ ຍາມິດຕະພາບ, ການຮ່ວມມື ລາວ-ຫວຽດນາມ ຄົບຮອບ 40 ປີ. ທີ່ສອງພັກ-ສອງລັດ ແລະ ປະຊາຊົນສອງຊາດລາວ - ຫວຽດນາມ ໄດ້ເພີ່ມພູນຄູນ ສ້າງເສີມຂະຫຍາຍກາຍເປັນ ການພົວພັນສາມັກຄີອັນບໍລິ ສຸດຜຸດຜ່ອງທີ່ຫາຍາກໃນການ ພົວພັນສາກົນ ແນໃສ່ເພື່ອສຶກ ສາອົບຮົມພະນັກງານການນຳ, ພະນັກງານຫຼັກແຫຼ່ງແຕ່ລະຂັ້ນ ກຳລັງປະກອບອາວຸດ, ພະນັກ ງານ-ລັດຖະກອນ, ຊາວໜຸ່ມ- ເຍົາວະຊົນ ແລະ ປະຊາຊົນ ບັນດາເຜົ່າໃນທົ່ວແຂວງ ໄດ້ ຮັບຮູ້ ແລະ ເຂົ້າໃຈຢ່າງເລິກ ເຊິ່ງ ກ່ຽວກັບມູນເຊື້ອແຫ່ງການ ພົວພັນມິດຕະພາບ, ຄວາມ ສາມັກຄີແບບພິເສດ ແລະ ການຮ່ວມມືຮອບດ້ານ, ການ ຊ່ວຍເຫຼືອຊຶ່ງກັນ ແລະ ກັນ ຂອງສອງຊາດລາວ-ຫວຽດ ນາມ ຕະຫຼອດໄລຍະຕໍ່ສູ້ປົດ ປ່ອຍຊາດ ກໍຄືໄລຍະປົກປັກ ຮັກສາ ພັດທະນາປະເທດຊາດ ທັງເປັນການສະແດງຄວາມ ກະຕັນຍູຮູ້ບຸນຄຸນ ແລະ ຄວາມ ຂອບໃຈຕໍ່ພັກ-ລັດ ແລະ ປະ ຊາຊົນຫວຽດນາມອ້າຍນ້ອງ ທີ່ ໄດ້ອຸ້ມຊູຊ່ວຍເຫຼືອອັນລ້ຳຄ່າ ໃຫ້ແກ່ພາລະກິດຕໍ່ສູ້ປົດປ່ອຍ ຊາດ, ປົກປັກຮັກສາ - ພັດທະ ນາປະເທດຊາດ ກໍຄືແຂວງໄຊ ຍະບູລີໃນປັດຈຸບັນ. ພ້ອມນີ້ ທ່ານຫົວໜ້າຄະ ນະໂຄສະນາອົບຮົມສູນກາງ ພັກ ຍັງໄດ້ຮຽກຮ້ອງທຸກຄົນ ຈົ່ງພ້ອມກັນສືບຕໍ່ເສີມຂະ ຫຍາຍມູນເຊື້ອແຫ່ງການພົວ ພັນສາມັກຄີພິເສດອັນບໍລິສຸດ ຜຸດຜ່ອງລາວ-ຫວຽດນາມ ໃນ ເງື່ອນໄຂໃໝ່ຢ່າງສະເໝີຕົ້ນ ສະເໝີປາຍ ແລະ ເປັນເຈົ້າ ການຖະນຸຖະໜອມ, ເພີ່ມພູນ ຄູນສ້າງມູນເຊື້ອຄວາມສາມັກ ຄີດັ່ງກ່າວໃຫ້ຈະເລີນງອກງາມ ຍິ່ງໆຂຶ້ນ. (ຂ່າວ: ສີເມືອງ ໄຊຍະເວດ)