ຫຼວງພະບາງ - ດ່ຽນບ່ຽນ ຫາລືການຮ່ວມມືຮອບດ້ານ


...

    ແຂວງຫຼວງພະບາງໄດ້ ຈັດພິທີພົບປະ, ແລກປ່ຽນບົດ ຮຽນ ລະຫວ່າງຜູ້ແທນຂັ້ນສູງ ແຂວງຫຼວງພະບາງ ນຳໂດຍ ສະຫາຍ ຄຳຂັນ ຈັນທະວີສຸກ ເລຂາພັກແຂວງ ເຈົ້າແຂວງ ຫຼວງພະບາງ ພ້ອມດ້ວຍຄະນະ ແລະ ຜູ້ແທນຂັ້ນສູງຂອງແຂວງ ດ່ານບ່ຽນ ສສ ຫວຽດນາມ ຊຶ່ງ ນຳໂດຍ ສະຫາຍ ເຈີ່ນວັນ ເຊິ່ນ ກຳມະການ ຄະນະບໍລິຫານ ງານສູນກາງພັກກອມມູນິດ ຫວຽດນາມ ເລຂາພັກແຂວງ ຫົວໜ້າຄະນະສະພາແຫ່ງຊາດ ແຂວງດ່ຽນບ່ຽນ ພ້ອມດ້ວຍຄະ ນະ ທີ່ຫໍປະຊຸມໃຫຍ່ແຂວງຫຼວງ ພະບາງ ຫວ່າງບໍ່ດົນຜ່ານມານີ້, ຈຸດປະສົງການພົບປະຄັ້ງນີ້ ແມ່ນ ເພື່ອປຶກສາຫາລືກ່ຽວກັບການ ຮ່ວມມືຮອບດ້ານຂອງ 2 ແຂວງ ຫຼວງພະບາງ ແລະ ແຂວງດ່ຽນບ່ຽນ. ໂອກາດນີ້ສະ ຫາຍ ຄຳຂັນ ຈັນທະວີສຸກ ໄດ້ ກ່າວຕ້ອນຮັບ ແລະ ຕີລາຄາ ສູງຕໍ່ການພົບປະຄັ້ງນີ້ ຊຶ່ງເປັນ ການເພີ່ມທະວີສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງ 2 ຊາດ ລາວ - ຫວຽດນາມກໍຄື ແຂວງຫຼວງພະບາງ ກັບ ແຂວງ ດ່ຽນບ່ຽນ ນັບມື້ໜັກແໜ້ນ ແລະ ເລິກເຊິ່ງຍິ່ງຂຶ້ນ ພ້ອມນີ້ ສະຫາຍໄດ້ຍົກໃຫ້ເຫັນຈຸດພິ ເສດ ແລະ ສະພາບເສດຖະກິດ - ສັງຄົມຂອງແຂວງ ໃນໄລຍະ ຜ່ານມາ ຊຶ່ງມີບາງຕອນວ່າ: ແຂວງຫຼວງພະບາງໄດ້ສຸມໃສ່ ການພັດທະນາເສດຖະກິດ - ສົງຄົມຂອງແຂວງ, ເປັນຕົ້ນ ແມ່ນການລົງທຶນຂອງເອກະ ຊົນທັງພາຍໃນ ແລະ ຕ່າງປະ ເທດ, ເຮັດໃຫ້ເສດຖະກິດມີ ທ່ວງທ່າຂະຫຍາຍຕົວຢ່າງຕໍ່ ເນື່ອງ ລວມຍອດຜະລິດຕະພັນ ພາຍໃນ (GDP) ສະເລ່ຍ 8,4% ຕໍ່ປີ ສະເລ່ຍລາຍຮັບໃສ່ ຫົວຄົນໄດ້ 13 ລ້ານກ່ວາກີບຕໍ່ ຄົນຕໍ່ປີ ເພີ່ມຂຶ້ນ 11,35%. ເພື່ອເຮັດໃຫ້ການພົວພັນ ຮ່ວມມືຂອງ 2 ແຂວງມີປະສິດ ທິພາບ ທາງແຂວງຫຼວງພະ ບາງຍັງໄດ້ມີບາງຈຸດແລກປ່ຽນ ຄື: ສືບຕໍ່ການແລກປ່ຽນຢ້ຽມ ຢາມ ແລະ ເຮັດວຽກຂອງການ ນຳກໍຄືຂະແໜງການ 2 ແຂວງ ດ້ວຍຫຼາຍຮູບການ, ຜັນຂະ ຫຍາຍຈັດຕັ້ງປະຕິບັດເນື້ອໃນ ບົດບັນທຶກທີ່ການນຳ 2 ແຂວງ ໄດ້ລົງນາມຮ່ວມກັນຢູ່ແຂວງ ດ່ຽນບ່ຽນໃຫ້ປະກົດຜົນເປັນຈິງ ສືບຕໍ່ການຮ່ວມມືກັນຢ່າງແໜ້ນ ແຟ້ນ ດ້ານປ້ອງກັນຊາດ - ປ້ອງ ກັນຄວາມສະຫງົບຮອບ ດ້ານ ແລະ ສ້າງເຂດຊາຍແດນຂອງ 2 ແຂວງ ໂດຍມີມາດຕະການ, ຕິດຕາມກວດກາການຂ້າມແດນ ຜິດກົດໝາຍຂອງພົນລະເມືອງ, ການລັກລອບທຳລາຍຊັບພະ ຍາກອນທຳມະຊາດ, ບັນຫາ ຢາເສບຕິດ ແລະ ອື່ນໆ ເພື່ອ ຮັບປະກັນຄວາມສະຫງົບສຸກ, ຄວາມເປັນລະບຽບຮຽບຮ້ອຍ ຕາມຊາຍແດນຂອງ 2 ແຂວງ, ສືບຕໍ່ຍົກສູງຄຸນນະພາບ ແລະ ປະສິດທິຜົນ ໃນການຮ່ວມມື ດ້ານເສດຖະກິດ, ການຄ້າ, ວັດ ທະນະທຳ - ການທ່ອງທ່ຽວ, ການສຶກສາ, ສາທາລະນະສຸກ, ຄົມມະນາຄົມ ແລະ ອື່ນໆ, ຍົກ ສູງຄຸນນະພາບດ້ານການຮ່ວມ ມືຊຶ່ງກັນ ແລະ ກັນ ລະຫວ່າງ ຂະແໜງການຕ່າງໆຂອງ 2 ແຂວງ. ນອກນັ້ນ ແຂວງຫຼວງ ພະບາງຍັງໄດ້ສະເໜີໃຫ້ແຂວງ ດ່ຽນບ່ຽນຊ່ວຍເຫຼືອກ່ຽວກັບ ການກໍ່ສ້າງເສັ້ນທາງປູຢາງຕາມ ຊາຍແດນ ລະຫວ່າງ 2 ແຂວງ ໃຫ້ທຽວໄດ້ສະດວກຫຼາຍຂຶ້ນ, ສະເໜີໃຫ້ພິຈາລະນາສະໜັບ ສະໜູນທຶນຊ່ວຍເຫຼືອເພີ່ມຕື່ມ ໃນການກໍ່ສ້າງຫ້ອງວ່າການປົກ ຄອງແຂວງຫຼວງພະບາງຫຼັງ ໃໝ່ທີ່ພວມດຳເນີນກໍ່ສ້າງໃນ ປັດຈຸບັນຍັງບໍ່ທັນສຳເລັດ ຊຶ່ງ ໃນນີ້ ສະຫາຍ ເຈີ່ນວັນ ເຊິ່ນ ກໍໄດ້ສະແດງຄວາມຂອບໃຈຕໍ່ ການຕ້ອນຮັບອັນອົບອຸ່ນຂອງ ການນຳແຂວງຫຼວງພະບາງ ພ້ອມທັງຍົກໃຫ້ເຫັນສະພາບ ຈຸດພິເສດຂອງແຂວງດ່ຽນບ່ຽນ ແລະ ສະເໜີໃຫ້ທາງແຂວງ ຫຼວງພະບາງສືບຕໍ່ຈັດຕັ້ງປະຕິ ບັດວຽກງານຮ່ວມມືຮອບດ້ານ ຂອງ 2 ພັກ 2 ລັດ ໃຫ້ແໜ້ນ ແຟ້ນຍິ່ງໆຂຶ້ນ, ສືບຕໍ່ຈັດຕັ້ງປະ ຕິບັດຕາມເນື້ອໃນສັນຍາຂອງ 2 ແຂວງທີ່ໄດ້ຮ່ວມກັນລົງນາມ ຢູ່ແຂວງດ່ຽນບ່ຽນ ແລະ ເພີ່ມ ທະວີສາຍພົວພັນແບບພິເສດ ໃນທຸກດ້ານ. ຕໍ່ການສະເໜີຂອງ ແຂວງຫຼວງພະບາງ ທາງຝ່າຍ ຫວຽດນາມຈະໄດ້ຮັບເອົາຄຳ ສະເໜີເຂົ້າໃນກອງປະຊຸມຂອງແຂວງດ່ຽນບ່ຽນ ເພື່ອພິຈາ ລະນາຂໍງົບປະມານໃນການໃຫ້ທຶນສະໜັບສະໜູນກໍ່ສ້າງ ອາຄານຢູ່ດ່ານນາຊ່ອນ ເມືອງ ໂພນທອງ ແຂວງຫຼວງພະບາງ ຕອນທ້າຍ ພິທີຍັງໄດ້ມອບເງິນ ໃຫ້ທາງແຂວງຫຼວງພະບາງມູນ ຄ່າ 4 ຕື້ດົງ ໃນການສືບຕໍ່ກໍ່ ສ້າງຫ້ອງວ່າການຫຼັງໃໝ່ ໂດຍ ແມ່ນສະຫາຍ ຄຳຂັນ ຈັນທະ ວີສຸກ ເປັນຜູ້ຂຶ້ນຮັບ ໂດຍມີ ການນຳທັງສອງຝ່າຍເຂົ້າຮ່ວມ ເປັນສັກຂີພິຍານ. (ຂ່າວ: ເພັດສາຄອນ ສິມມະວົງ)