ຄະນະຈັດຕັ້ງສູນກາງພັກ ດຳເນີນຊີວິດການເມືອງ ປັບປຸງປົວແປງພັກ


...

    ກອງປະຊຸມບັ້ນດຳເນີນຊີ ວິດການເມືອງ ປັບປຸງປົວແປງ ທົ່ວອົງຄະນະພັກ ຄະນະຈັດຕັ້ງ ສູນກາງພັກ ໄດ້ຈັດຂຶ້ນໃນວັນທີ 25 ກໍລະກົດນີ້ ທີ່ຄະນະຈັດ ຕັ້ງສູນກາງພັກ ໂດຍການເປັນ ກຽດເຂົ້າຮ່ວມຂອງສະຫາຍ ຈັນສີ ໂພສີຄຳ ກຳມະການກົມ ການເມືອງສູນກາງພັກ ເລຂາ ທິການສູນກາງພັກ ຫົວໜ້າຄະ ນະຈັດຕັ້ງສູນກາງພັກ, ມີຄະ ນະພັກ, ສະມາຊິກພັກສົມບູນ ແລະ ສຳຮອງເຂົ້າຮ່ວມ. ສະຫາຍ ຈັນສີ ໂພສີຄຳ ກ່າວວ່າ: ການດຳເນີນຊີວິດການ ເມືອງ ປັບປຸງປົວແປງພັກ ພາຍ ໃນອົງຄະນະພັກ ຄະນະຈັດຕັ້ງສູນກາງພັກ ຈະດຳເນີນເປັນ ເວລາ 10 ວັນ ນັບແຕ່ວັນທີ 25 ກໍລະກົດ ຫາ ວັນທີ 7 ສິງຫາ 2017. ການດຳເນີນຊີວິດການ ເມືອງໃນຄັ້ງນີ້ ພວກເຮົາຈະໄດ້ ພ້ອມກັນເຊື່ອມຊຶມເອກະສານ ເດັດດ່ຽວປັບປຸງທົ່ວພັກໃຫ້ປອດ ໃສ, ເຂັ້ມແຂງ, ໜັກແໜ້ນ ແລະ ບົດສະຫຼຸຸບຕີລາຄາການຊີ້ນຳ- ນຳພາຂອງຄະນະພັກ ຄະນະ ຈັດຕັ້ງສູນກາງພັກ ໃນການຈັດ ຕັ້ງປະຕິບັດມະຕິກອງປະຊຸມ ໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກ ຄະນະ ຈັດຕັ້ງສູນກາງພັກພວກເຮົາ. ຈາກນັ້ນກໍຈະໄດ້ມີການຈັດຕັ້ງ ການຄົ້ນຄວ້າປະກອບຄຳຄິດ- ຄຳເຫັນຕໍ່ຄວາມຮັບຜິດຊອບ ລວມ, ບຸກຄົນໃນຄະນະພັກ ແລະ ພະນັກງານຫຼັກແຫຼ່ງຈຳນວນ ໜຶ່ງ ແລະ ຈະໄດ້ທາບທາມລົງ ຄະແນນສຽງຄວາມເຊື່ອໝັ້ນ ໄວ້ວາງໃຈຕໍ່ບຸກຄົນຄະນະພັກ ຄະນະຈັດຕັ້ງສູນກາງພັກ, ຕໍ່ ຄະນະບໍລິຫານງານສູນກາງ ພັກອີກດ້ວຍ. ການດຳເນີນຊີວິດການ ເມືອງ ປັບປຸງປົວແປງພັກຄັ້ງນີ້ ແມ່ນຄວາມຈຳເປັນພາວະວິ ໄສແມ່ນຄວາມຮຽກຮ້ອງຕ້ອງ ການອັນຮີບດ່ວນ ເພື່ອປັບປຸງ, ເຊີດຊູສະຕິຄວາມຮັບຜິດຊອບ ຂອງຄະນະພັກ, ສະມາຊິກພັກ ໃນການເຄົາລົບ ແລະ ປະຕິ ບັດບັນດາຫຼັກການກໍ່ສ້າງພັກ ຊຶ່ງກ່ອນອື່ນໝົດແມ່ນຫຼັກການ ລວມສູນປະຊາທິປະໄຕ, ຫຼັກ ການຕຳນິຕົນເອງ ແລະ ຕິຊົມ ກັນ; ແກ້ໄຂປະກົດການຫຍໍ້ທໍ້ ຕ່າງໆພາຍໃນພັກເຊັ່ນ: ການຖື ເບົາຝຶກຝົນຫຼໍ່ຫຼອມຕົນເອງ, ປະກົດການເສື່ອມຄຸນປ່ຽນທາດ, ພະຍາດອາດຍາສິດ, ເອກະ ຊົນ, ສໍ້ລາດບັງຫຼວງ, ການຝ່າ ຝືນລະເມີດລະບຽບກົດໝາຍ ທີ່ພວມປະກົດຂຶ້ນຢ່າງແຜ່ຫຼາຍ ພາຍໃນພະນັກງານ, ສະມາຊິກ ພັກພວກເຮົາ ເພື່ອແນໃສ່ສ້າງ ພັກໃຫ້ມີຄວາມປອດໃສ, ເຂັ້ມ ແຂງ ແລະ ໜັກແໜ້ນ. ການດຳເນີນຊີວິດການ ເມືອງ ປັບປຸງປົວແປງພາຍໃນ ອົງຄະນະພັກ ຄະນະຈັດຕັ້ງສູນ ກາງພັກ ຕ້ອງບັນລຸໄດ້ຕາມເນື້ອ ໃນຄຳສັ່ງຂອງກົມການເມືອງ ສູນກາງພັກ ແລະ ບົດແນະນຳ ຂອງຄະນະຮັບຜິດຊອບດຳເນີນ ຊີວິດການເມືອງຂັ້ນສູນກາງ. ຄະນະພັກ, ຄະນະນຳ, ສະມາ ຊິກພັກທຸກສະຫາຍຕ້ອງເຊື່ອມ ຊຶມ, ກຳແໜ້ນຕໍ່ເນື້ອໃນເອກະ ສານ ເດັດດ່ຽວ ປັບປຸງທົ່ວພັກ ໃຫ້ປອດໃສ, ເຂັ້ມແຂງ, ໜັກ ແໜ້ນ ແລະ ການສະຫຼຸຸບຕີລາ ຄາການນຳພາລວມຂອງຄະ ນະພັກ ຄະນະຈັດຕັ້ງສູນກາງ ພັກ ເພື່ອເຮັດໃຫ້ການດຳເນີນ ຊີວິດການເມືອງຄັ້ງນີ້ມີຄວາມ ເລິກເຊິ່ງ ແລະ ມີປະສິດທິຜົນ ສູງ. ພ້ອມກັນນັ້ນ ການດຳເນີນ ຊີວິດການເມືອງຄັ້ງນີ້ເປັນການ ສຳຫຼວດກວດກາຄືນຄວາມຮັບ ຜິດຊອບການຊີ້ນຳ-ນຳພາ ຂອງອົງຄະນະພັກ, ການຈັດ ຕັ້ງປະຕິບັດມະຕິກອງປະຊຸມ ໃຫຍ່ ຄັ້ງທີ X ຂອງພັກ, ມະຕິ ກອງປະຊຸມວຽກງານຈັດຕັ້ງ ທົ່ວປະເທດ ຄັ້ງທີ 10, ມະຕິ ກອງປະຊຸມໃຫຍ່ ຄັ້ງທີ VIII ຂອງອົງຄະນະພັກ ຄະນະຈັດ ຕັ້ງສູນກາງພັກ ໃນໄລຍະຜ່ານ ມາ.