ພົບປະລະຫວ່າງຄະນະກຳມະການ ສນຊ ແລະ ຄະນະ ຂົນຂວາຍປະຊາຊົນພັກກອມມູນິດຫວຽດນາມ


...

    ວັນທີ 25 ກໍລະກົດນີ້ ທີ່ສູນກາງແນວລາວສ້າງຊາດ (ສນຊ) ໄດ້ມີການພົບປະສອງຝ່າຍລະ ຫວ່າງຄະນະຜູ້ແທນຄະນະກຳມະການ ສນຊ ຊຶ່ງນຳໂດຍສະຫາຍ ຄຳໃບ ດຳລັດ ກຳມະການສູນ ກາງພັກ ຮອງປະທານ ສນຊ ແລະ ຄະນະຜູ້ແທນຄະນະຂົນຂວາຍປະຊາຊົນ ພັກກອມມູນິດຫວຽດ ນາມ ນຳໂດຍສະຫາຍ ທ່າວຊວນຊຸ່ງ ກຳມະການສູນກາງພັກ ຮອງຫົວໜ້າຄະນະຂົນຂວາຍ ປະຊາຊົນສູນກາງພັກກອມມູ ນິດຫວຽດນາມ ພ້ອມຄະນະ ສອງຝ່າຍເຂົ້າຮ່ວມ. ການພົບປະກັນຄັ້ງນີ້ທັງ ສອງຝ່າຍໄດ້ແຈ້ງສະພາບ ລວມໂດຍຫຍໍ້ຂອງແຕ່ລະຝ່າຍ ໃຫ້ກັນຊາບ ໂດຍສະເພາະ ແມ່ນສະພາບການພັດທະນາ ເສດຖະກິດ - ສັງຄົມຂອງແຕ່ ລະປະເທດ ແລະ ສະພາບແຕ່ ລະອົງການຂອງຕົນ, ສອງຝ່າຍ ຍັງໄດ້ທົບທວນຄືນວຽກງານ ການຮ່ວມມືຊ່ວຍເຫຼືອເຊິ່ງກັນ ແລະ ກັນໃນໄລຍະຜ່ານມາ, ພ້ອມກັນນັ້ນທັງສອງຝ່າຍຍັງ ໄດ້ປຶກສາຫາລື ແລກປ່ຽນບົດ ຮຽນເຊິ່ງກັນ ແລະ ກັນ ເພື່ອ ສືບຕໍ່ຮ່ວມມືກັນໃນຕໍ່ໜ້າໃຫ້ມີ ປະສິດທິຜົນນັບມື້ກ້າວເຂົ້າສູ່ ລວງເລິກ. ຄະນະກຳມະການແນວ ລາວສ້າງຊາດ ແລະ ຄະນະ ຂົນຂວາຍປະຊາຊົນຂອງພັກ ກອມມູນິດຫວຽດນາມໄດ້ມີ ການພົວພັນຮ່ວມມືນຳກັນໃນ ປີ 2011 ເປັນຕົ້ນມາ ຊຶ່ງໄດ້ມີ ການແລກປ່ຽນຄະນະຜູ້ແທນ ຂັ້ນສູງນຳກັນ; ພ້ອມກັນນັ້ນຄະ ນະຂົນຂວາຍປະຊາຊົນຂອງ ພັກກອມມູນິດຫວຽດນາມຍັງ ເຄີຍໄດ້ຊ່ວຍບຳລຸງສ້າງພະນັກ ງານແນວລາວສ້າງຊາດໃນ ທ້າຍປີ 2012 ທີ່ນະຄອນຫຼວງ ຮ່າໂນ້ຍຈຳນວນໜຶ່ງ.