ປະທານປະເທດຢ້ຽມຊົມຟາມງົວຍີ່ປຸ່ນຢູ່ຊຽງຂວາງ


...

    ທ່ານ ບຸນຍັງ ວໍລະຈິດ ເລຂາທິການໃຫຍ່ພັກປະຊາຊົນ ປະຕິວັດລາວ ປະທານປະເທດເຮົາ ພ້ອມດ້ວຍຄະນະໄດ້ຢ້ຽມຢາມຟາມງົວຂອງບໍລິສັດພັດທະນາກະສິກຳລາວ - ຍີ່ປຸ່ນ ຊຽງຂວາງ ຈຳ ກັດ ໃນຕອນເຊົ້າວັນທີ 27 ມີຖຸນາຜ່ານມານີ້, ຢູ່ທີ່ບ້ານລາດແສນ ເມືອງຜາໄຊ ແລະ ບ້ານຄັງສີ ເມືອງແປກ ຊຶ່ງໄດ້ຮັບຟັງການລາຍງານຈາກບໍລິສັດ, ໃນການປະຕິບັດໂຄງການລ້ຽງງົວ ໄດ້ສຳປະທານທີ່ດິນຈາກ ແຂວງຊຽງຂວາງແລ້ວ 500 ເຮັກຕາ ແລະ ໄດ້ລົງທຶນ ຕົວຈິງໃສ່ບໍລິສັດແລ້ວເປັນ ເງິນ 11 ລ້ານໂດລາສະຫະລັດ. ຕະຫຼອດໄລຍະການສຳປະ ທານ 30 ປີ ນີ້ບໍລິສັດຄາດວ່າ ຈະລົງທຶນທັງໝົດປະມານ 70 ລ້ານໂດລາສະຫະລັດ. ບໍລິສັດມີພະນັກງານທັງໝົດ 157 ຄົນ. ບໍລິສັດໄດ້ນຳເຂົ້າ ງົວຈາກປະເທດອົສຕຣາລີແລ້ວ 3 ຄັ້ງ ລວມທັງໝົດ 859 ໂຕ ໃນນັ້ນແມ່ນງົວນົມ 250 ໂຕ, ມາຮອດປັດຈຸບັນນີ້ ມີງົວແມ່ ປະມານ 700 ໂຕ ໄດ້ຮັບການ ປະສົມພັນທຽມທັງໝົດແລ້ວ ແລະ ດຽວນີ້ກຳລັງເກີດລູກທຸກ ມື້ (ໃນສອງເດືອນຜ່ານມານີ້ ເກີດໄດ້ 80 ໂຕ). ແຜນການໃນ ຕໍ່ໜ້າ, ບໍລິສັດຈະສ້າງໂຮງງານ ບີບນົມງົວທີ່ທັນສະໄໝເທື່ອ ໜຶ່ງ ບີບໄດ້ 100 ໂຕ. ຖ້າ ບີບເຕັມກຳລັງຈະບີບນົມໄດ້ 25.000 ລິດຕໍ່ມື້, ສ້າງໂຮງງານ ຫຸ້ມຫໍ່ນົມບັນຈຸນົມ ເພື່ອເຮັດ ເປັນກ່ອງ, ເປັນຕຸກຂາຍຢູ່ພາຍ ໃນແຂວງ ແລະ ພາຍໃນປະ ເທດ. ສ້າງໂຮງງານຂ້າສັດທັນ ສະໄໝ, ສ້າງສາງເຢັນ ແລະ ສ້າງໂຮງງານປາດຊີ້ນ ແລະ ຫຸ້ມຫໍ່ຊີ້ນ ເພື່ອຂາຍສົ່ງພາຍໃນ ແລະ ຕ່າງປະເທດ ໃນໂອກາດ ນີ້, ທ່ານເລຂາທິການໃຫຍ່ກໍ ໄດ້ ສະແດງຄວາມຍ້ອງຍໍຊົມເຊີຍ ຕໍ່ບໍລິສັດທີ່ມາລົງທຶນພັດທະ ນາແຂວງຊຽງຂວາງເຮັດໃຫ້ ປະຊາຊົນມີວຽກເຮັດງານທຳ, ມີລາຍໄດ້ເພີ່ມຂຶ້ນຈາກການ ຖອດຖອນບົດຮຽນກັບບໍລິສັດ ນຳເອົາຄວາມຮູ້ຄວາມສາມາດ ໄປຈັດຕັ້ງປະຕິບັດໃນຄອບຄົວ ມີຄວາມຮູ້ວິທະຍາສາດອັນ ໃໝ່, ມີເຕັກນິກການປູກການ ລ້ຽງທີ່ທັນສະໄໝ, ປະຊາຊົນ ມີສ່ວນຮ່ວມກັບບໍລິສັດເປັນ ການຊ່ວຍປະຊາຊົນກໍຄື ແຂວງ ຊຽງຂວາງໄດ້ເປັນຢ່າງດີ. (ຂ່າວ: ບຸນມີ ແສງທຸມມີ)