ຄະນະຜູ້ແທນ ສນຊ ສຳເລັດການເຂົ້າຮ່ວມ ກອງປະຊຸມແນວໂຮມ 3 ປະເທດ


...

    ຄະນະຜູ້ແທນຂັ້ນສູງສູນ ກາງແນວລາວສ້າງຊາດ (ສນຊ) ນຳໂດຍ ທ່ານ ໄຊສົມພອນ ພົມວິຫານ ກຳມະການກົມການ ເມືອງສູນກາງພັກ ປະທານ ສນຊ ພ້ອມດ້ວຍຄະນະໄດ້ເດີນທາງ ແລະ ສຳເລັດການເຂົ້າຮ່ວມ ກອງປະຊຸມແນວໂຮມ 3 ປະ ເທດ ລາວ - ຫວຽດນາມ ແລະ ກຳປູເຈຍ ທີ່ຈັດຂຶ້ນຢູ່ນະຄອນ ຫຼວງຮ່າໂນ້ຍ ສສ ຫວຽດນາມ ລະຫວ່າງວັນທີ 24 - 28 ມີຖຸ ນານີ້. ກອງປະຊຸມໄດ້ທົບທວນ ຄືນກ່ຽວກັບການຍົກສູງປະສິດ ທິຜົນ ໃນການຮ່ວມມືຈັດຕັ້ງ ປະຕິບັດບົດບັນທຶກຊ່ວຍຈຳ ລະຫວ່າງສູນກາງແນວລາວ ສ້າງຊາດ, ແນວໂຮມປະເທດ ຊາດຫວຽດນາມ ແລະ ແນວ ໂຮມສາມັກຄີມາຕຸພູມກຳປູ ເຈຍ ທີ່ໄດ້ຮ່ວມລົງນາມໃນປີ 2013 ຜ່ານມາ ທີ່ນະຄອນຫຼວງ ວຽງຈັນ ສປປ ລາວ ເຫັນວ່າ ການຮ່ວມມື ລະຫວ່າງ 3 ປະ ເທດ ໃນແຕ່ລະຂົງເຂດວຽກ ງານແນວໂຮມມີບາດກ້າວໃໝ່ ອັນຕັ້ງໜ້າດ້ວຍເນື້ອໃນ ແລະ ຮູບການທີ່ອຸດົມສົມບູນ, ມີປະ ສິດທິຜົນ ຊຶ່ງເປັນການປະກອບ ສ່ວນເຂົ້າໃນການຮັດແໜ້ນ ສາຍພົວພັນມິດຕະພາບອັນ ເປັນມູນເຊື້ອຄວາມສາມັກຄີ ລະຫວ່າງ 3 ປະເທດກໍຄື 3 ແນວໂຮມເຂົ້າສູ່ລວງເລິກ. 3 ແນວໂຮມຍາມໃດກໍໄດ້ເພີ່ມ ທະວີຄວາມເອົາໃຈໃສ່ໃນການ ຊຸກຍູ້ ແລະ ສົ່ງເສີມປະຊາຊົນທີ່ ດຳລົງຊີວິດຢູ່ຕາມເຂດຊາຍ ແດນຕິດຈອດກັນລະຫວ່າງ ລາວ-ຫວຽດນາມ ແລະ ກຳປູ ເຈຍ ຮັດແໜ້ນຄວາມສາມັກຄີ ຮ່ວມມືຊ່ວຍເຫຼືອເຊິ່ງກັນ ແລະ ກັນ, ປະຕິບັດກົດໝາຍຂອງ ແຕ່ລະປະເທດ, ເຫັນວ່າມີຄວາມ ເປັນລະບຽບຮຽບຮ້ອຍ ແລະ ມີ ຄວາມສະຫງົບໂດຍພື້ນຖານ ຕາມຊາຍແດນ, ນອກນີ້ກໍໄດ້ ສົ່ງຄະນະຜູ້ແທນຂັ້ນສູງ ແລະ ຂັ້ນວິຊາການໄປຢ້ຽມຢາມ, ພົບປະ, ແລກປ່ຽນບົດຮຽນເຊິ່ງ ກັນ ແລະ ກັນ, ແຕ່ຄຽງຄູ່ກັບ ຜົນງານນັ້ນ, ຍັງມີບາງບັນຫາ ຄົງຄ້າງທີ່ 3 ແນວໂຮມຈະຕ້ອງ ໄດ້ເອົາໃຈໃສ່, ເປັນຕົ້ນແມ່ນ ຄວາມສະຫງົບ, ຄວາມເປັນ ລະບຽບຮຽບຮ້ອຍຢູ່ບາງບ່ອນ ຕາມເຂດຊາຍແດນລາວ-ຫວຽດ ນາມ ແລະ ກຳປູເຈຍ ໃນຊຸມປີ ຜ່ານມາ ເນື່ອງຈາກພວກອິດທິ ກຳລັງປໍລະປັກ ແລະ ບຸກຄົນທີ່ ບໍ່ຫວັງດີຕໍ່ປະເທດຊາດພວກ ເຮົາຍັງບໍ່ປະລະກົນອຸບາຍຫັນ ປ່ຽນໂດຍສັນຕິ, ສວຍໃຊ້ບັນ ຫາຊົນເຜົ່າ, ສາສະໜາ, ສິດທິ ມະນຸດ ແລະ ດ້ານຕ່າງໆກົດ ດັນ, ໃສ່ຮ້າຍປ້າຍສີ ເພື່ອແບ່ງ ແຍກຄວາມສາມັກຄີມິດຕະ ພາບທີ່ເປັນມູນເຊື້ອຂອງ 3 ປະ ເທດຂອງພວກເຮົາ ເພື່ອສືບຕໍ່ ເສີມຂະຫຍາຍການຮ່ວມມືລະ ຫວ່າງ 3 ແນວໂຮມໃຫ້ມີບາດ ກ້າວໃໝ່ນັ້ນ, ກອງປະຊຸມຄັ້ງນີ້ ໄດ້ຄົ້ນຄວ້າ, ປຶກສາຫາລືຢ່າງ ພາວະວິໄສ ແລະ ມີຄວາມຮັບ ຜິດຊອບສູງຕໍ່ບັນດາເນື້ອໃນ ຂອງບົດຊ່ວຍຈຳແຜນການ ຮ່ວມມື ລະຫວ່າງຄະນະກຳມະ ການສູນກາງແນວລາວສ້າງ ຊາດ, ແນວໂຮມປະເທດຊາດ ຫວຽດນາມ ແລະ ແນວໂຮມ ສາມັກຄີມາຕຸພູມກຳປູເຈຍ ເປັນບ່ອນອີງໃນການຜັນຂະ ຫຍາຍເຂົ້າສູ່ວຽກງານຕົວຈິງ ຂອງແຕ່ລະປະເທດ, ຫຼັງຈາກ ນັ້ນກໍໄດ້ມີພິທີລົງນາມບົດບັນ ທຶກຊ່ວຍຈຳແຜນການຮ່ວມມື ຂອງ 3 ແນວໂຮມຮ່ວມກັນ. ນອກຈາກເຂົ້າຮ່ວມກອງ ປະຊຸມແລ້ວ ຄະນະຜູ້ແທນຂັ້ນ ສູງສູນກາງແນວລາວສ້າງຊາດ ຍັງໄດ້ເຂົ້າຢ້ຽມຂ່ຳນັບທ່ານ ຫງວຽນ ຝູ ຈ້ອງ ເລຂາທິການ ໃຫຍ່ພັກກອມມູນິດຫວຽດ ນາມ, ເຂົ້າຢ້ຽມສຸສານທ່ານປະ ທານ ໂຮ່ຈິມິນ, ພົບປະກັບນັກ ສຶກສາລາວຢູ່ທີ່ມະຫາວິທະຍາ ໄລແຫ່ງຊາດ ຮ່າໂນ້ຍ, ຢ້ຽມຢາມ ສະຖານທີ່ຮ່ອງຮອຍທາງປະ ຫວັດສາດການປະຕິວັດລາວ ທີ່ມີ້ບັ່ງ, ເມືອງອຽນເຊີນ, ແຂວງ ຕວຽນກວາງ ແລະ ຢ້ຽມຢາມ ພື້ນຖານວັດທະນະທຳ ແລະ ເສດຖະກິດ-ສັງຄົມຢູ່ແຂວງ ລາວກາຍ. (ຂ່າວ: ສືເຊັ່ງ)