ຫຼາຍແຫ່ງໄຂບັ້ນດຳເນີນຊີວິດການເມືອງປັບປຸງ ປົວແປງພັກ


...

    ໃນວັນທີ 28 ມີຖຸນານີ້, ຫຼາຍກະຊວງໄດ້ໄຂບັ້ນດຳ ເນີນຊີວິດການເມືອງປັບປຸງ ປົວແປງພັກເຊັ່ນ: ກະຊວງ ວິທະຍາສາດ ແລະ ເຕັກໂນໂລ ຊີ ພາຍໃຕ້ການເປັນປະທານ ຂອງສະຫາຍ ບໍ່ວຽງຄຳ ວົງດາລາ ກຳມະການສູນກາງພັກ ເລຂາ ຄະນະພັກ, ລັດຖະມົນຕີກະ ຊວງວິທະຍາສາດ ແລະ ເຕັກ ໂນໂລຊີ ໂດຍການເຂົ້າຮ່ວມ ຂອງສະຫາຍ ຄຳພັນ ພົມມະ ທັດ ກຳມະການກົມການເມືອງ ສູນກາງພັກ ເລຂາທິການສູນ ກາງພັກ ຫົວໜ້າຫ້ອງວ່າການ ສູນກາງພັກ, ມີບັນດາສະຫາຍ ສະມາຊິກພັກ ແລະ ພາກສ່ວນ ກ່ຽວຂ້ອງເຂົ້າຮ່ວມ. ນອກຈາກນີ້, ກະຊວງ ແຮງງານ ແລະ ສະຫວັດດີການ ສັງຄົມກໍໄດ້ໄຂບັ້ນດຳເນີນຊີ ວິດການເມືອງປັບປຸງປົວແປງ ພັກ ພາຍໃຕ້ການເປັນປະທານຂອງສະຫາຍ ຄຳແພງ ໄຊສົມ ແພງ ກຳມະການສູນກາງພັກ ເລຂາຄະນະພັກ ລັດຖະມົນຕີ ກະຊວງແຮງງານ ແລະ ສະ ຫວັດດີການສັງຄົມ ໂດຍການ ເຂົ້າຮ່ວມຂອງສະຫາຍ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນ ກາງພັກ ລັດຖະມົນຕີ ກະຊວງ ປ້ອງກັນປະເທດ, ມີບັນດາສະ ມາຊິກພັກ ແລະ ພາກສ່ວນ ກ່ຽວຂ້ອງເຂົ້າຮ່ວມ. ສຳລັບບັ້ນດຳເນີນຊີວິດ ການເມືອງປັບປຸງປົວແປງພັກ ຂອງສະຖາບັນວິທະຍາສາດ ສັງຄົມແຫ່ງຊາດ ພາຍໃຕ້ການ ເປັນປະທານຂອງສະຫາຍ ສຸກ ກົງແສງ ໄຊຍະເລີດ ກຳມະ ການສູນກາງພັກ ເລຂາຄະນະ ພັກ ປະທານສະຖາບັນວິທະ ຍາສາດ-ສັງຄົມແຫ່ງຊາດ ໂດຍ ການເຂົ້າຮ່ວມຂອງສະຫາຍ ກິແກ້ວ ໄຂຄຳພິທູນ ເລຂາທິ ການສູນກາງພັກ ຫົວໜ້າຄະ ນະໂຄສະນາອົບຮົມສູນກາງ ພັກ, ມີບັນດາສະມາຊິກພັກ ແລະ ແຂກຖືກເຊີນເຂົ້າຮ່ວມ. ນອກຈາກນີ້ຍັງມີອົງການ ກວດສອບແຫ່ງລັດທີ່ໄດ້ດຳ ເນີນຊີວິດການເມືອງປັບປຸງປົວ ແປງພັກ ພາຍໃຕ້ການເປັນປະ ທານຂອງສະຫາຍ ນາງ ວຽງ ທອງ ສີພັນດອນ ກຳມະການ ສູນກາງພັກ ເລຂາຄະນະພັກ ປະທານອົງການກວດສອບ ແຫ່ງລັດ ໂດຍການເຂົ້າຮ່ວມ ຂອງສະຫາຍ ພົນໂທ ແສງ ນວນ ໄຊຍະລາດ ຄະນະເລຂາ ທິການສູນກາງພັກ ຮອງປະ ທານສະພາແຫ່ງຊາດ, ມີບັນ ດາສະມາຊິກພັກ ແລະ ພາກ ສ່ວນກ່ຽວຂ້ອງເຂົ້າຮ່ວມ. ການດຳເນີນຊີວິດການ ເມືອງປັບປຸງປົງແປງພັກຄັ້ງນີ້ ແມ່ນເພື່ອເສີມຂະຫຍາຍມູນ ເຊື້ອຜົນງານດ້ານດີຂອງພັກ ໃນໄລຍະຜ່ານມາ, ການແກ້ໄຂ ຈຸດອ່ອນ, ຂໍ້ບົກຜ່ອງ ແລະ ສິ່ງ ທ້າທາຍທົດສອບທີ່ເປັນໄພອັນ ຕະລາຍຕໍ່ພັກເຮົາທີ່ໄດ້ກຳນົດ ໄວ້ ໃນມະຕິກອງປະຊຸມໃຫຍ່ ຄັ້ງທີ X ຂອງພັກ ໃຫ້ມີການ ຫັນປ່ຽນໃໝ່ທີ່ຕັ້ງໜ້າດ້ວຍຈິດ ໃຈບຸກທະລຸ ແນໃສ່ຍົກສູງຄວາມ ສາມາດນຳພາ ແລະ ລັກສະ ນະນຳໜ້າຂອງພັກ, ເພີ່ມທະວີ ຄວາມສາມັກຄີເປັນປຶກແຜ່ນ ພາຍໃນພັກ, ພາຍໃນຊາດ, ສືບ ຕໍ່ປະຕິບັດແນວທາງປ່ຽນແປງ ໃໝ່ຮອບດ້ານ ແລະ ມີຫຼັກ ການຂອງພັກ, ເດັດດ່ຽວປົກປັກຮັກສາ ແລະ ພັດທະນາປະ ເທດຊາດ, ກ້າວຂຶ້ນສູ່ຈຸດໝາຍ ສັງຄົມນິຍົມຢ່າງໜັກແໜ້ນ; ສ້າງ ແລະ ຍົກລະດັບຄວາມ ສາມາດນຳພາຂອງພັກ, ຄວາມ ເປັນແບບຢ່າງນຳໜ້າຂອງຄະ ນະພັກແຕ່ລະຂັ້ນ ແລະ ສະມາ ຊິກພັກ; ໂດຍຕິດພັນກັບການ ກວດກາຄືນການຮັບຮູ້ເຂົ້າໃຈ ຕໍ່ແນວທາງຂອງພັກເປັນຕົ້ນ ແມ່ນມະຕິ X ຂອງພັກ ສ້າງ ໃຫ້ມີການຫັນປ່ຽນຕົວຈິງທາງ ດ້ານແນວຄິດຄຸນສົມບັດແບບ ແຜນນຳພາ ແລະ ວິທີເຮັດ ວຽກຄວາມຮັບຜິດຊອບການ ເມືອງຂອງຄະນະພັກ ແຕ່ລະ ຂັ້ນຂອງສະມາຊິກພັກສ້າງ ຄວາມເປັນເອກະພາບ ແລະ ຄວາມຕັດສິນໃຈສູງຂອງທົ່ວພັກໃນການກຳນົດທິດທາງ, ມາດ ຕະການແກ້ໄຂບັນຫາຕົວຈິງ ແຕ່ເທິງລົງລຸ່ມ; ສະນັ້ນ ການ ດຳເນີນຊີວິດການເມືອງປັບ ປຸງປົວແປງທົ່ວພັກຄັ້ງນີ້ແມ່ນ ຄວາມຈຳເປັນພາວະວິໄສ, ແມ່ນຄວາມຮຽກຮ້ອງຕ້ອງ ການອັນຮີບດ່ວນ ເພື່ອປັບປຸງ, ເຊີດຊູຄວາມຮັບຜິດຊອບຂອງ ຄະນະພັກ, ສະມາຊິກພັກ, ໃນການເຄົາລົບ ແລະ ປະຕິບັດບັນດາຫຼັກການກໍ່ສ້າງພັກ ຊຶ່ງ ກ່ອນອື່ນໝົດ ແມ່ນການລວມ ສູນປະຊາທິປະໄຕ, ຕິຊົມຕົນ ເອງ ແລະ ຕິຊົມໝູ່ເພື່ອນ, ແກ້ ໄຂປະກົດການຫຍໍ້ທໍ້ຕ່າງໆ ພາຍໃນພັກ.