ທູດລາວ ແລະ ຫວຽດນາມ ທີ່ບາງກອກ ສະເຫຼີມສະຫຼອງສອງວັນປະຫວັດສາດ


...

     ເມື່ອບໍ່ດົນຜ່ານມານີ້, ຢູ່ ທີ່ສະຖານທູດລາວທີ່ບາງກອກ ຣາຊະອານາຈັກໄທ, ສະຖານ ເອກອັກຄະລັດຖະທູດ ແຫ່ງ ສປປ ລາວ ແລະ ສສ ຫວຽດ ນາມ ປະຈຳຣາຊະອານາຈັກ ໄທ ໄດ້ຮ່ວມກັນຈັດພິທີໂຮມ ຊຸມນຸມເພື່ອສະເຫຼີມສະຫຼອງ ສອງວັນປະຫວັດສາດ ລາວ - ຫວຽດນາມ ຄືວັນສ້າງຕັ້ງສາຍພົວພັນ ການທູດ ຄົບຮອບ 55 ປີ (5/9/1962-5/9/2017) ແລະ ວັນເຊັນສົນທິສັນຍາມິດ ຕະພາບ ແລະ ການຮ່ວມມື ຄົບຮອບ 40 ປີ (18/7/1977-18/7/2017) ຂຶ້ນຢ່າງມີເນື້ອ ໃນ ແລະ ຄຶກຄື້ນມ່ວນຊື່ນ. ພິທີໂຮມຊຸມນຸມດັ່ງ ກ່າວ ໂດຍການເປັນປະທານ ຮ່ວມຂອງທ່ານ ຫຼີ ບຸນຄ້ຳ ເອກອັກຄະລັດຖະທູດ ແຫ່ງ ສປປ ລາວ ແລະ ທ່ານ ຫງວຽນ ຕັດ ຖັງ ເອກອັກຄະລັດຖະທູດ ແຫ່ງ ສສ ຫວຽດນາມ ປະຈຳ ຣາຊະອານາຈັກໄທ ໂດຍມີ ອ້າຍນ້ອງພະນັກງານ ຂອງທັງ ສອງສະຖານທູດເຂົ້າຮ່ວມຢ່າງ ພ້ອມພຽງ. ໃນໂອກາດກ່າວ ທ່ານ ເອກ ອັກຄະລັດຖະທູດ ຫຼີ ບຸນ ຄ້ຳ ແລະ ທ່ານເອກອັກຄະລັດ ຖະທູດ ຫງວຽນ ຕັດ ຖັງ ໄດ້ພັດ ປ່ຽນກັນກ່າວຫວນຄືນເຖິງມູນ ເຊື້ອແຫ່ງຄວາມສາມັກຄີພິ ເສດ ແລະ ມິດຕະພາບອັນຍິ່ງ ໃຫຍ່ - ດູດດື່ມ ແລະ ສະຫງ່າ ລາສີຂອງທັງສອງພັກ, ສອງລັດ ແລະ ປະຊາຊົນສອງຊາດ ລາວ - ຫວຽດນາມ ທີ່ໄດ້ຮ່ວມກັນຕໍ່ ສູ້ຢ່າງຄຽງບ່າຄຽງໄຫຼ່ ເພື່ອຕີ ເອົາຊະນະສັດຕູໂຕດຽວກັນ ແລະ ນຳພາປະເທດຊາດໄປສູ່ ປະເທດທີ່ມີເອກະລາດ ແລະ ອະທິປະໄຕທີ່ຄົບຖ້ວນ. ທ່ານ ທູດທັງສອງໄດ້ກ່າວວ່າ: ຕັ້ງ ແຕ່ອະດີດຈົນມາຮອດປັດຈຸ ບັນ ເຖິງແມ່ນວ່າສະພາບການ ຂອງໂລກ ແລະ ພາກພື້ນຈະ ຜັນແປໄປປ່ຽນແນວໃດກໍຕາມ, ແຕ່ສອງພັກ - ສອງລັດ ແລະ ປະຊາຊົນສອງຊາດ ລາວ - ຫວຽດນາມ ກໍຍັງຢຶດໝັ້ນທະນຸ ຖະໜອມເພີ່ມພູນຄູນສ້າງ ມູນເຊື້ອການພົວພັນດັ່ງກ່າວ ນັ້ນຢ່າງບໍ່ຢຸດຢັ້ງ, ຊຶ່ງເປັນ ການປະກອບສ່ວນທີ່ມີລັກສະ ນະຕັດສິນເຂົ້າໃນໄຊຊະນະ ແລະ ຜົນສຳເລັດແຫ່ງການ ປົກປັກຮັກສາໝາກຜົນຂອງ ການປະຕິວັດ ແລະ ການພັດ ທະນາຂອງແຕ່ລະປະເທດ ພ້ອມກັນນັ້ນ, ກໍເປັນການປະ ກອບສ່ວນເຂົ້າໃນພາລະກິດ ສັນຕິພາບ, ເອກະລາດແຫ່ງ ຊາດ, ມິດຕະພາບ ແລະ ການ ຮ່ວມມືພັດທະນາຢູ່ໃນພາກ ພື້ນ ແລະ ໃນໂລກອີກດ້ວຍ. ທ່ານທູດທັງສອງຍັງໃຫ້ ການຢືນຢັນຢ່າງໜັກແໜ້ນວ່າ: ທັງສອງສະຖານທູດຈະສຸມກຳ ລັງ ແລະ ຄວາມພະຍາຍາມ ເພື່ອປະຕິບັດໃຫ້ໄດ້ຕາມຄວາມ ຕັດສິນໃຈຂອງຜູ້ນຳສູງສຸດ ກໍຄື ຄວາມມຸ່ງມາດປາຖະໜາຂອງ ປະຊາຊົນສອງຊາດລາວ - ຫວຽດນາມ ໃນການສືບຕໍ່ເສີມ ຂະຫຍາຍ ແລະ ຮັດແໜ້ນສາຍ ພົວພັນມິດຕະພາບ, ຄວາມ ສາມັກຄີພິເສດລະຫວ່າງສອງ ພັກ, ສອງລັດ ແລະ ປະຊາຊົນ ສອງຊາດລາວ ແລະ ຫວຽດ ນາມ ທີ່ໄດ້ຮັບການສ້າງຕັ້ງ ແລະ ຫຼໍ່ຫຼອມ ໂດຍປະທານ ໂຮ່ຈິມິນ ແລະ ປະທານ ໄກສອນ ພົມວິຫານ ນັ້ນໃຫ້ມໍລະດົກອັນ ລ້ຳຄ່າຕົກທອດຮອດເຊັ່ນລູກ ເຊັ່ນຫຼານຕໍ່ໄປ. ນອກຈາກການຈັດພິທີ ໂຮມຊຸມນຸມແລ້ວ, ທັງສອງສະ ຖານທູດໄດ້ຮ່ວມກັນຈັດກິດ ຈະກຳຕື່ມອີກ, ຊຶ່ງລວມມີທັງ ການແຂ່ງຂັນກ໊ອຟ, ປິ່ງປ໋ອງ, ຕີດອກປີກໄກ່, ຕີບູນ ແລະ ກິນເຂົ້າສາມັກຄີຮ່ວມກັນຢ່າງ ເບີກບານມ່ວນຊື່ນ. ທ່ານເອກອັກຄະລັດຖະ ທູດ ຫຼີ ບຸນຄ້ຳ ແລະ ທ່ານ ເອກອັກຄະລັດຖະທູດ ຫງວຽນ ຕັດຖັງ ໄດ້ຕີລາຄາສູງຕໍ່ການ ຈັດກິດຈະກຳໃນຄັ້ງນີ້ວ່າ: ເປັນ ການປະກອບສ່ວນສ້າງບັນຍາ ກາດປີແຫ່ງຄວາມສາມັກຄີ ຂອງລາວ-ຫວຽດນາມ ໃຫ້ຟົດ ຟື້ນ ແລະ ມີຄວາມໝາຍເລີກ ເຊິ່ງຫຍິ່ງຂຶ້ນ, ເປັນການຢືນຢັນ ອີກເທື່ອໜຶ່ງເຖິງການພົວພັນ ແລະ ການຮ່ວມມືທີ່ດີລະຫວ່າງ ລາວ-ຫວຽດນາມ ໃຫ້ໄດ້ຮັບ ການຈັດຕັ້ງປະຕິບັດໃນທຸກຂົງ ເຂດວຽກງານ.