ກຜງສ ສະຫຼຸຸບຜົນງານປະຈຳປີ 2017 ແລະ ວາງແຜນປີ 2018


...

09.02.2018 9:24     

   (ສພຊ) ຕອນເຊົ້າວັນພຸດ ທີ 7 ກຸມພານີ້, ທີ່ຫ້ອງປະຊຸມ ຄະນະເລຂາທິການສະພາ ແຫ່ງຊາດ (ຫຼັກ 6) ນະຄອນ ຫຼວງວຽງຈັນ ໄດ້ມີກອງປະຊຸມ ສະຫຼຸຸບການເຄື່ອນໄຫວວຽກ ງານປະຈຳປີ 2017 ແລະ ທິດ ທາງແຜນການປີ 2018 ຂອງ ກຳມາທິການແຜນການ ການ ເງິນ ແລະ ການກວດສອບ (ກຜງສ) ໂດຍການເປັນ ປະທານຂອງທ່ານ ວິໄລວົງ ບຸດດາຄຳ ປະທານກຳມາທິ ການ ກຜງສ, ມີທ່ານ ບຸນປອນ ບຸດຕະນະວົງ ຮອງປະທານ ສະພາແຫ່ງຊາດ, ປະທານ-ຮອງປະທານກຳມາທິການ, ຕາງໜ້າຄະນະເລຂາທິການ, ຄະນະຮັບຜິດຊອບວຽກງານເຂດເລືອກຕັ້ງ, ຄະນະສະມາ ຊິກສະພາແຫ່ງຊາດເພດຍິງ, ສະຖາບັນຄົ້ນຄວ້າເສດຖະກິດ ແຫ່ງຊາດ, ສູນສະຖິຕິແຫ່ງ ຊາດ, ທະນາຄານແຫ່ງ ສປປ ລາວ, ກະຊວງແຜນການ ແລະ ການລົງທຶນ, ກະຊວງການເງິນ, ອົງການກວດກາລັດຖະບານ ແລະ ອົງການກວດສອບແຫ່ງ ລັດເຂົ້າຮ່ວມ.
   ກອງປະຊຸມຄັ້ງນີ້, ແມ່ນ ເພື່ອສະຫຼຸຸບຕີລາຄາຜົນການ ເຄື່ອນໄຫວວຽກງານໃນປີຜ່ານ ມາ ແລະ ວາງທິດທາງແຜນ ການປີໃນຕໍ່ໜ້າ, ທັງເປັນການ ປະເມີນຜົນການປະຕິບັດວຽກ ງານ ໃນການເປັນເສນາທິການ ໃຫ້ແກ່ຄະນະປະຈຳສະພາ ແຫ່ງຊາດ, ການສົມທົບ ແລະ ປະຕິບັດໜ້າທີ່ດ້ານວິຊາສະ ເພາະກັບບັນດາກຳມາທິການ, ຄະນະກຳມະການເສດຖະກິດ ແຜນການ ແລະ ການເງິນ ສະພາປະຊາຊົນຂັ້ນແຂວງ ຕາມຂອບເຂດສິດ ແລະ ໜ້າ ທີ່ໆໄດ້ກຳນົດໄວ້ໃນກົດໝາຍ ເປັນຕົ້ນແມ່ນການພົວພັນປະ ສານງານກັບກະຊວງ-ອົງການ ທີ່ກ່ຽວຂ້ອງຂອງລັດຖະບານ ເພື່ອຄົ້ນຄວ້າປະກອບຄຳເຫັນ ໃສ່ບັນຫາສຳຄັນຕ່າງໆ ທີ່ນຳ ເຂົ້າພິຈາລະນາໃນກອງປະຊຸມ ຄະນະປະຈຳ ແລະ ກອງປະ ຊຸມສະໄໝສາມັນຂອງສະພາ ແຫ່ງຊາດ.
   ໃນກອງປະຊຸມ, ຜູ້ເຂົ້າ ຮ່ວມໄດ້ຮັບຟັງບົດສະຫຼຸຸບຕີລາ ຄາການເຄື່ອນໄຫວວຽກງານ ຂອງ ກຜງສ ປະຈຳປີ 2017 ແລະ ທິດທາງແຜນການປີ 2018 ຊຶ່ງໃນປີຜ່ານມາ ກຜງສ ສາມາດສ້າງ ແລະ ປັບປຸງກົດ ໝາຍໄດ້ 4 ສະບັບ, ຜັນຂະ ຫຍາຍເປັນນິຕິກຳລຸ່ມກົດໝາຍ ໄດ້ 62 ມາດຕາ ໃນຈຳນວນ ກົດໝາຍ 21 ສະບັບ 116 ມາດ ຕາ, ການລົງທຶນ ແລະ ຈັດ ສັດສ່ວນການລົງທຶນຂອງລັດ ເຂົ້າໃສ່ການແກ້ໄຂໂຄງການ ໜີ້ສິນທີ່ສຳເລັດແລ້ວ 100% ໃນອັດຕາສ່ວນ 40% ຈັດສັນໃຫ້ ໂຄງການສືບຕໍ່ 35%, ຈັດສັນ ໃຫ້ໂຄງການສະເໜີໃໝ່, ໂຄງ ການສົມທົບທຶນກັບຕ່າງປະ ເທດອັດຕາສ່ວນ 15% ແລະ ໂຄງການພັດທະນາຊົນນະບົດ ແລະ ແກ້ໄຂຄວາມທຸກຍາກ 100% ຂອງມູນຄ່າລວມທົ່ວ ປະເທດ (ສຳລັບປີ 2018), ຄົ້ນ ຄວ້າໜັງສືສະເໜີຂອງລັດຖະ ບານທີ່ພົວພັນກັບການນຳໃຊ້ ງົບປະມານຂອງລັດເຂົ້າໃນ ໂຄງການພັດທະນາພື້ນຖານ ໂຄງລ່າງຕ່າງໆເປັນຕົ້ນແມ່ນ ການອະນຸມັດໃຫ້ດັດແກ້ມູນ ຄ່າລວມຂອງໂຄງການກໍ່ສ້າງ ທາງປູຢາງກາສີ-ທົ່ງເມືອດ, ການອອກພັນທະບັດ ເພື່ອຊຳ ລະໜີ້ໂຄງການລົງທຶນຂອງ ລັດ, ການອວ່າຍທຶນສົມທົບ ເສັ້ນທາງກໍ່ສ້າງເສັ້ນທາງລົດ ໄຟ ລາວ-ຈີນ, ການອະນຸຍາດ ເກັບອາກອນກຳໄລໃນອັດຕາ 1% ຂອງມູນຄ່າຮັບເໝົາກໍ່ສ້າງ ໂຄງການສາຍສົ່ງ-ສະຖານີ ໄຟຟ້າ ແລະ ເຂື່ອນໄຟຟ້າ, ການຂໍນຳໃຊ້ເງິນເກີນແຜນ, ເງິນຍອດເຫຼືອງົບປະມານທາງ ດ້ານການບັນຊີ ປະຈຳສົກປີ 2015-2016 ແລະ 3 ເດືອນ ຂ້າມຜ່ານທ້າຍປີ 2016 ລາຍ ຮັບວິຊາການປີ 2017, ຄົ້ນຄວ້າ ຄຳສະເໜີ ແລະ ຄຳຮ້ອງຂໍ ຄວາມເປັນທຳຂອງບຸກຄົນ, ນິ ຕິບຸກຄົນ ແລະ ການຈັດຕັ້ງຈຳ ນວນ 36 ສະບັບ (ວຽກແຜນ ການ ແລະ ການລົງທຶນ 22 ສະບັບ, ວຽກງານການເງິນ 9 ສະບັບ ແລະ ວຽກທະນາຄານ 5 ສະບັບ) ໃນນີ້ ໄດ້ຄົ້ນຄວ້າ ສຳເລັດແລ້ວ.
   ພ້ອມກັນນັ້ນ, ຜູ້ເຂົ້າຮ່ວມ ຍັງໄດ້ປະກອບຄຳຄິດຄຳເຫັນ ຕໍ່ບົດສະຫຼຸຸບປະຈຳປີ ແລະ ທິດ ທາງແຜນການຂອງ ກຜງສ, ຮັບຟັງການນຳສະເໜີບົດຮຽນ ຄວາມຮູ້ພື້ນຖານກ່ຽວກັບການ ຄິດໄລ່ GDP ຂອງ ສປປ ລາວ ຈາກຜູ້ຕາງໜ້າສູນສະຖິຕິແຫ່ງ ຊາດ, ພ້ອມທັງມີການເຊັນບົດ ບັນທຶກກ່ຽວກັບກົນໄກການປະ ສານງານລະຫວ່າງ ກຜງສ ກັບ ກະຊວງແຜນການ ແລະ ການ ລົງທຶນ, ກະຊວງການເງິນ, ອົງການກວດກາລັດຖະບານ, ອົງການສອບແຫ່ງລັດ ແລະ ທະນາຄານແຫ່ງ ສປປ ລາວ.
ໂອກາດດຽວກັນນີ້, ທ່ານ ຮອງປະທານສະພາແຫ່ງຊາດ ໄດ້ຍ້ອງຍໍຊົມເຊີຍຕໍ່ຜົນສຳ ເລັດທີ່ ກຜງສ ແລະ ບັນດາອົງ ການຕ່າງໆທີ່ກ່ຽວຂ້ອງສາມາດ ຍາດມາໄດ້ໃນປີຜ່ານມາ, ພ້ອມ ທັງເນັ້ນໜັກໃຫ້ເອົາໃຈໃສ່ໃນ ການຈັດຕັ້ງປະຕິບັດບັນດານິຕິ ກຳ, ນິຕິບັນຍັດຂອງກຳມາທິ ການ ຊຶ່ງພົວພັນເຖິງບັນດາອົງ ການ ແລະ ກະຊວງຕ່າງໆໃນ ການດຳເນີນການສ້າງກົດ ໝາຍ ແລະ ການຜັນຂະຫຍາຍ ໃຫ້ເປັນນິຕິກຳລຸ່ມກົດໝາຍ, ສືບຕໍ່ເອົາໃຈໃສ່ໃນການຄົ້ນ ຄວ້າ ແລະ ຕົກລົງບັນຫາສຳຄັນ ຂອງຊາດ ໂດຍມີການປະສານ ສົມທົບກັບຂະແໜງການ, ອົງ ການ ແລະ ພາກສ່ວນທີ່ກ່ຽວ ຂ້ອງ, ເອົາໃຈໃສ່ຕິດຕາມການ ປະຕິບັດມະຕິຕົກລົງຂອງສະ ພາແຫ່ງຊາດ ແລະ ມະຕິຕົກລົງ ຂອງກອງປະຊຸມຮ່ວມລະ ຫວ່າງຄະນະລັດຖະບານກັບ ສະພາແຫ່ງຊາດ, ເອົາໃຈໃສ່ ປະສານງານ ແລະ ປະສານສົມ ທົບກັບກະຊວງ, ອົງການຂອງ ລັດຖະບານ ແລະ ບັນດາກຳ ມາທິການພາຍໃນສະພາແຫ່ງ ຊາດ ແລະ ສະພາປະຊາຊົນ ແຂວງ, ປັບປຸງແບບແຜນວິທີ ເຮັດວຽກ ແລະ ການນຳພາ ການເຄື່ອນໄຫວວຽກງານຂອງ ກຳມາທິການ ເພື່ອສ້າງຂີດ ຄວາມສາມາດໃຫ້ແກ່ການສ້າງ ແລະ ປັບປຸງກົດໝາຍ.
(ຂ່າວ: ນ. ອາລິນ ສຸພິມ ມະປະດິດ)