ກະສິກຳ ແລະ ປ່າໄມ ສຳເລັດຊຸດອົບຮົມທິດສະດີການເມືອງ ໄລຍະສັ້ນ


...

09.02.2018 9:24     

   ພະນັກງານກະຊວງກະສິ ກຳ ແລະ ປ່າໄມ້ ຈຳນວນ 50 ສະຫາຍ, ຍິງ 18 ສະຫາຍ ໄດ້ ສຳເລັດການຍົກລະດັບທິດສະ ດີການເມືອງ-ການປົກຄອງ ໄລສັ້ນ 45 ວັນ ຊຸດທີ XIV ແລະ ຝຶກອົບຮົມວຽກງານພັກ- ພະນັກງານ ຫຼັກສູດ 5 ວັນ ຊຸດ ທີ X ຊຶ່ງຊຸດອົບຮົມດັ່ງກ່າວໄດ້ ປິດລົງໃນວັນທີ 6 ກຸມພານີ້, ທີ່ ສະໂມສອນກະຊວງ ໂດຍການ ເຂົ້າຮ່ວມເປັນປະທານຂອງ ສະຫາຍ ລຽນ ທີແກ້ວ ເລຂາ ຄະນະພັກກະຊວງ ລັດຖະມົນຕີ ກະຊວງກະສິກຳ ແລະ ປ່າໄມ້, ສະຫາຍ ໂອແກ້ວ ສຸພັນທອນ ຮອງຫົວໜ້າກົມຈັດຕັ້ງກະຊວງ ໄດ້ກ່າວວ່າ: ຈຸດປະສົງໃນການ ຝຶກອົບຮົມນີ້ ແມ່ນເພື່ອສືບຕໍ່ ຜັນຂະຫຍາຍເນື້ອໃນຈິດໃຈ ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ກະສິກຳ ແລະ ປ່າໄມ້ ໃຫ້ປະ ກົດຜົນເປັນຈິງ ໂດຍສະເພາະ ແມ່ນການຍົກລະດັບທາງ ດ້ານທິດສະດີການເມືອງ ແລະ ການປົກຄອງ ແລະ ວຽກງານ ກໍ່ສ້າງພັກ-ພະນັກງານໃຫ້ແກ່ ພະນັກງານອ້ອມຂ້າງກະຊວງ ຊຶ່ງແມ່ນຫຼັກມູນພື້ນຖານຂອງ ທິດສະດີມາກເລນິນ, ຄວາມຮູ້ ພື້ນຖານດ້ານການບໍລິຫານລັດ, ການປົກຄອງ ແລະ ກົດໝາຍ ພື້ນຖານຈຳນວນໜຶ່ງ ພ້ອມກັນ ນັ້ນກໍເປັນການເພີ່ມຄວາມຮັບ ຮູ້້ກ່ຽວກັບວຽກງານພັກ-ພະນັກ ງານໃຫ້ເລິກເຊິ່ງ ສາມາດນຳ ເອົາໄປໝູນໃຊ້ເຂົ້າໃນວຽກ ງານທີ່ຕົນຮັບຜິດຊອບຢ່າງມີ ປະສິດທິຜົນ. ໃນໂອກາດດັ່ງ ກ່າວ ສະຫາຍເລຂາຄະນະພັກ ກະຊວງກໍໄດ້ມອບໃບຢັ້ງຢືນ ໃຫ້ແກ່ພະນັກງານທີ່ເຂົ້າຮ່ວມ ຝຶກອົບຮົມຈຳນວນ 50 ສະຫາຍ ແລະ ສະຫາຍ ນາງ ໄກສອນ ຈັນສີນາ ຮັກສາການຫົວໜ້າ ກົມວິຊາການຕາງໜ້າສະຖາ ບັນການເມືອງ ແລະ ການປົກ ຄອງແຫ່ງຊາດເປັນຜູ້ມອບໃບ ຢັ້ງຢືນຝຶກອົບຮົມວຽກງານ ພັກ-ພະນັກງານຫຼັກສູດ 5 ວັນ.
(ຂ່າວ: ພູວຽງຄຳ + ພາບ: ສຸກສາຄອນ)