ປະທານສູນກາງແມ່ຍິງລາວ ເຮັດວຽກຢູ່ ສາລະວັນ


...

09.02.2018 9:24     

   ທ່ານ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານຄະນະບໍລິ ຫານງານສູນກາງສະຫະພັນ ແມ່ຍິງລາວ ພ້ອມຄະນະ ໄດ້ ເຄື່ອນໄຫວຢ້ຽມຢາມເຮັດວຽກ ຢູ່ແຂວງສາລະວັນ ເມື່ອບໍ່ດົນ ມານີ້ ແລະ ໄດ້ເຂົ້າພົບປະທ່ານ ບຸນທຽມ ແກ້ວໄຊຍະວົງ ຮອງ ເລຂາພັກແຂວງ ຫົວໜ້າຄະນະ ຈັດຕັ້ງແຂວງສາລະວັນ.
   ທ່ານ ນາງ ອິນລາວັນ ແກ້ວບຸນພັນ ກໍໄດ້ລາຍງານ ໂດຍຫຍໍ້ກ່ຽວກັບບາງເນື້ອໃນ ທີ່ສຳຄັນ, ຜົນສຳເລັດກອງປະ ຊຸມປຶກສາຫາລືກ່ຽວກັບວຽກ ງານສ້າງພະນັກງານນຳພາ- ຄຸ້ມຄອງເພດຍິງ ຄັ້ງທີ II ໃນ ໄລຍະປີ 2013-2017 ແລະ ທິດທາງວຽກງານປີ 2018- 2020 ຂອງສູນກາງສະຫະພັນ ແມ່ຍິງລາວເຊັ່ນ: ການສ້າງພະ ນັກງານນຳພາຄຸ້ມຄອງເພດຍິງ ໄດ້ປະຕິບັດ 2 ບົດບາດຄື: ຊີ້ ນຳໆພາໂດຍກົງຕໍ່ການບຳລຸງ ກໍ່ສ້າງພະນັກງານ-ລັດຖະກອນ ສັງກັດຢູ່ສະຫະພັນແມ່ຍິງລາວ ແລະ ປະສານສົມທົບກັບຄະ ນະພັກ ຄະນະນຳ ອົງການປົກ ຄອງຂັ້ນກະຊວງ, ອົງການ ແລະ ທ້ອງຖິ່ນໃນການສ້າງພະ ນັກງານນຳພາຄຸ້ມຄອງເພດຍິງ ໂດຍໄດ້ມີແຜນກຳນົດສ້າງ ເພດຍິງເຂົ້າເປັນພະນັກງານ ນຳພາ-ຄຸ້ມຄອງເຂົ້າໃນອົງ ການຈັດຕັ້ງຂັ້ນຕ່າງໆ ໃນສົກ ປີ 2018-2020 ຄື: ຂັ້ນບ້ານ ໃຫ້ໄດ້ 10% ຂຶ້ນໄປ, ຂັ້ນເມືອງ 20% ຂຶ້ນໄປ, ຂັ້ນແຂວງ ແລະ ນະຄອນຫຼວງກວມເອົາ 20%, ກະຊວງ-ອົງການຂັ້ນສູນກາງ ກວມ 30% ຂຶ້ນໄປ ໂດຍສະ ເພາະແມ່ນໃນຂະແໜງການທີ່ ມີເພດຍິງກວມເຄິ່ງໜຶ່ງ, ສະ ມາຊິກສະພາຊຸດທີ VIII ໃຫ້ ໄດ້ 30% ຂຶ້ນໄປ, ໃຫ້ໄດ້ຍົກ ລະດັບທິດສະດີການເມືອງ- ການປົກຄອງ, ກົດໝາຍ, ການ ບໍລິຫານ-ຄຸ້ມຄອງໃຫ້ໄດ້ 30% ຂອງຈຳນວນພະນັກງານທັງ ໝົດທີ່ໄດ້ຮັບການຍົກລະດັບ.
    ທ່ານ ບຸນທຽມ ແກ້ວໄຊ ຍະວົງ ກໍໄດ້ລາຍງານກ່ຽວກັບ ວຽກງານອົງການຈັດຕັ້ງແມ່ຍິງ ຊຶ່ງທາງແຂວງໄດ້ເອົາໃຈໃສ່ ຢ່າງສຸດຂີດ ເພື່ອເປັນການຂະ ຫຍາຍບົດບາດ ແລະ ຄວາມ ສະເໝີພາບລະຫວ່າງຍິງ-ຊາຍ ເປັນຕົ້ນແມ່ນການບັນຈຸສັບ ຊ້ອນບັນດາພະນັກງານເພດ ຍິງໃຫ້ໄດ້ເຂົ້າໃນຕຳແໜ່ງງານ ຕ່າງໆຂອງພັກ-ລັດມອບໝາຍ ໃຫ້ ໃນການເປັນຕົວແທນຊີ້ ນຳໆພາການປະຕິບັດໜ້າທີ່ ວຽກງານ ກໍຄືການຈັດຕັ້ງ ທັງນີ້ ກໍເພື່ອໃຫ້ມີສິດຄຽງຄູ່ເທົ່າທຽມ ກັບເພດຊາຍ ໃນການພັດທະ ນາເສດຖະກິດຊີວິດການເປັນຢູ່.
    ໃນໂອກາດດຽວກັນນີ້ ທ່ານ ນາງ ອິນລາວັນ ແກ້ວບຸນພັນ ພ້ອມຄະນະຍັງໄດ້ເຄື່ອນໄຫວ ຢ້ຽມຢາມສູນພັດທະນາແມ່ຍິງ ຂອງແຂວງ ແລະ ຮ່ວມເຮັດ ວຽກກັບສະຫະພັນແມ່ຍິງແຂວງ ສາລະວັນຕື່ມອີກ.
(ຂ່າວ-ພາບ: ສິດຕາ ເພັດວົງສາ)