ຫ້ອງວ່າການປະທານປະເທດຈັດກອງປະຊຸມ ເປີດກວ້າງຄົບຄະນະພັກ ຄັ້ງທີ 5 ສະໄໝທີ I


...

...

09.02.2018 10:07     

   ຫ້ອງວ່າການປະທານ ປະເທດ ຈັດກອງປະຊຸມເປີດ ກວ້າງຄົບຄະນະພັກ ຄັ້ງທີ 5 ສະໄໝທີ I ຂອງຄະນະພັກຮາກ ຖານ ຂຶ້ນໃນວັນທີ 7 ກຸມພາ 2018 ທີ່ຫ້ອງປະຊຸມຫ້ອງວ່າ ການປະທານປະເທດ ໂດຍການ ເປັນປະທານຂອງ ສະຫາຍ ຄຳເມິງ ພົງທະດີ ກຳມະການ ສູນກາງພັກ ເລຂາຄະນະພັກ ລັດຖະມົນຕີ ຫົວໜ້າຫ້ອງວ່າ ການປະທານປະເທດ, ມີຄະນະ ພັກຮາກຖານ, ຄະນະໜ່ວຍ ພັກ, ສະມາຊິກພັກ ພາຍໃນ ຫ້ອງວ່າການປະທານປະເທດ ເຂົ້າຮ່ວມ.
   ສະຫາຍ ເພັດສະໝອນ ພັນທະວົງ ຄະນະພັກ ປະທານ ກວດກາພັກ, ຮອງລັດຖະມົນຕີ, ຮອງຫົວໜ້າຫ້ອງວ່າການປະ ທານປະເທດ ໄດ້ຂຶ້ນຜ່ານບົດ ສະຫຼຸຸບຕີລາຄາການນຳພາຄະ ນະພັກໃນການຈັດຕັ້ງປະຕິບັດ ມະຕິກອງປະຊຸມຄົບຄະນະພັກ ຄັ້ງທີ 4 ສະໄໝທີ I ໄລຍະຜ່ານ ມາ. ຕະຫຼອດໄລຍະດັ່ງກ່າວ ຄະນະພັກໄດ້ເອົາໃຈໃສ່ ແລະ ຖືສຳຄັນໃນການສຶກສາອົບຮົມ ວຽກງານແນວຄິດໃຫ້ແກ່ສະມາ ຊິກພັກ, ພະນັກງານ-ລັດຖະ ກອນ ດ້ວຍການຈັດຕັ້ງເຜີຍແຜ່, ເຊື່ອມຊຶມມະຕິ, ຄຳສັ່ງ, ແນວ ທາງນະໂຍບາຍຂອງພັກ, ລະ ບຽບ-ກົດໝາຍຂອງລັດ ເອກະ ສານວັນສຳຄັນຕ່າງໆຂອງພັກ, ຂອງຊາດ, ຂອງສາກົນ ເພື່ອ ແນໃສ່ໃຫ້ມີຄຸນທາດການເມືອງ ທີ່ໜັກແໜ້ນ, ມີຄຸນສົມບັດ ປະຕິບັດ ແລະ ເຮັດສຳເລັດ ໜ້າທີ່ວຽກງານຕາມພາລະບົດ ບາດຂອງຕົນພ້ອມກັນນັ້ນ ກໍໄດ້ ວາງທິດທາງແຜນການ ປະຕິບັດໃນຕໍ່ໜ້າຕື່ມອີກ.
ໃນຕອນບ່າຍຂອງວັນດຽວກັນຍັງໄດ້ເປີດກອງປະຊຸມສະຫຼຸຸບຜົນງານປະຈຳປີ 2017 ແລະ ວາງທິດທາງແຜນການປີ 2018 ຕື່ມອີກ.