ທູດຫວຽດນາມ ຈັດງານລ້ຽງສະຫຼອງ ປີໃໝ່


...

12.02.2018 10:03     

ສະຖານເອກອັກຄະລັດ ຖະທູດ ສສ ຫວຽດນາມ ປະ ຈຳ ສປປ ລາວ ໄດ້ຈັດງານລ້ຽງ ສະຫຼອງປີໃໝ່ຂອງປະຊາຊົນ ຫວຽດນາມຂຶ້ນໃນວັນທີ 9 ກຸມ ພາ ຜ່ານມາ ໂດຍການເຂົ້າ ຮ່ວມຂອງທ່ານ ຈັນສະໝອນ ຈັນຍາລາດ ລັດຖະມົນຕີກະ ຊວງປ້ອງກັນປະເທດ, ທ່ານ ຫງວຽນ ບາ ຮຸ່ງ ເອກອັກຄະລັດຖະທູດວິສາມັນຜູ້ມີອຳນາດ ເຕັມ ແຫ່ງ ສສ ຫວຽດນາມ ປະ ຈຳລາວ ພ້ອມດ້ວຍພາກສ່ວນ ກ່ຽວຂ້ອງ ແລະ ແຂກຖືກເຊີນ ເຂົ້າຮ່ວມ. ໃນພິທີ, ທ່ານ ຫງວຽນ ບາ ຮຸ່ງ ໄດ້ກ່າວບາງຕອນສຳຄັນວ່າ: ການຈັດງານສະເຫຼີມສະຫຼອງ ປີໃໝ່ ໃນຄັ້ງນີ້ກໍເພື່ອເປັນການ ສະຫຼອງຕາມຮີດຄອງປະເພນີ ໄດ້ສືບທອດກັນມາ, ພິເສດກໍ ເພື່ອເປັນການຮັດແໜ້ນສາຍ ພົວພັນແບບພິເສດກັບ ສປປ ລາວ ອ້າຍນ້ອງທີ່ເປັນມູນເຊື້ອ ມາແຕ່ດົນນານແລ້ວນັ້ນໃຫ້ຈະ ເລີນງອກງາມຍິ່ງໆຂຶ້ນ ຊຶ່ງໄດ້ ສະແດງອອກເຖິງການພົວພັນ ຂອງສອງພັກ ສອງລັດ ແລະ ປະຊາຊົນສອງຊາດ ຫວຽດນາມ - ລາວ, ຕະຫຼອດໄລຍະເວລາ ທີ່ຜ່ານມາ ຫວຽດນາມໄດ້ໃຫ້ ການຊ່ວຍເຫຼືອ ສປປ ລາວ ທັງ ເປັນການຝຶກອົບຮົມການເມືອງ ໃຫ້ແກ່ພະນັກງານ - ລັດຖະ ກອນລວມທັງທຶນການສຶກສາ ໃຫ້ແກ່ນັກສຶກສາຂອງລາວໃນ ແຕ່ລະປີ ພ້ອມດຽວກັນກໍໄດ້ມີ ການພົວພັນແລກປ່ຽນການ ຢ້ຽມຢາມຂອງຜູ້ນຳລະດັບສູງ ຂອງສອງປະເທດ ເພື່ອເສີມ ຂະຫຍາຍສາຍພົວພັນຮ່ວມມື ທີ່ເປັນມູນເຊື້ອນັ້ນໃຫ້ນັບມື້ນັບ ແຕກດອກອອກຜົນຂຶ້ນໄປ ເລືອຍໆ. (ຂ່າວ- ພາບ: ສຸກສາຄອນ)