ຍ່ີປຸ່ນ ໃຫ້ການຊ່ວຍເຫຼືອມູນຄ່າ 1.940 ລ້ານເຢັນ ແກ່ ສປປ ລາວ


...

12.02.2018 10:03     

ພິທີເຊັນສັນຍາຊ່ວຍເຫຼືອ ຂອງ “ໂຄງການປັບປຸງໂຮງໝໍ ເຊດຖາທິຣາດ ແລະ ໂຮງໝໍ ແຂວງຈຳປາສັກ” ໃນວັນທີ 9 ກຸມພາ ທີ່ສຳນັກງານນາຍົກ ລັດຖະມົນຕີ ລະຫວ່າງທ່ານ ທາເຄຊິ ຮິຄິຮາຣະ ເອກອັກ ຄະຣາຊະທູດ ຍີ່ປຸ່ນ ປະຈຳ ສປປ ລາວ ແລະ ທ່ານ ນາງ ຄຳເພົາ ເອີນທະວັນ ຮອງລັດ ຖະມົນຕີ ກະຊວງການຕ່າງປະເທດ ປະຈຳ ສປປ ລາວ ໂດຍມີທ່ານ ອາລຸນແກ້ວ ກິດຕິຄຸນ ລັດ ຖະມົນຕີປະຈຳສຳນັກງານ ນາຍົກລັດຖະມົນຕີ ແຫ່ງ ສປປ ລາວ, ທ່ານ ເຄັນທາ ໂຣໂຊ ໂນອຸຣະ ທີ່ປຶກສາພິ ເສດຂອງທ່ານນາຍົກລັດຖະ ມົນ ຕີຍີ່ປຸ່ນ ແລະ ພາກສ່ວນ ທີ່ກ່ຽວຂ້ອງໃຫ້ກຽດເຂົ້າຮ່ວມ ເປັນສັກຂີພິຍານ. ລັດຖະບານ ຍີ່ ປຸ່ນ ໄດ້ໃຫ້ການຊ່ວຍເຫຼືອເປັນ ຈຳນວນ ເງິນ 1.940 ລ້ານເຢັນ (ປະມານ 17.700.000 ໂດລາ) ເພື່ອຈັດຕັ້ງປະຕິບັດໂຄງການ ດັ່ງກ່າວ. ໃນແຜນການພັດທະນາ ເສດຖະກິດ - ສັງຄົມ ຄັ້ງທີ 8, ລັດຖະບານ ສປປ ລາວ ໄດ້ຖື ເອົາຂະແໜງສາທາລະນະສຸກ ເປັນຂະແໜງການໜຶ່ງທີ່ມີຄວາມ ສຳຄັນ ແລະ ການປັບປຸງ ການ ບໍລິການທາງດ້ານສາທາລະ ນະສຸກນັ້ນຍັງເປັນຂະແໜງບຸລິ ມະສິດໃນແຜນພັດທະນາຂະ ແໜງສາທາລະນະສຸກ 2016 - 2020 ຄັ້ງທີ 8. ນອກຈາກນີ້ ກະຊວງສາທາລະນະສຸກ ຍັງມີ ແຜນສົ່ງເສີມການຈັດຕັ້ງ “ແຜນ ປະຕິຮູບຂະແໜງສາທາລະນະ ສຸກ” ໂດຍໄດ້ຕັ້ງເປົ້າໝາຍບັນ ລຸການປະກັນສຸຂະພາບທຸກ ທົ່ວໜ້າ (Universal Helth Coverage:UHC) ໃນປີ 2025. ໂຮງໝໍເຊດຖາທິຣາດ ຊຶ່ງ ເປັນ 1 ໃນ 5 ໂຮງໝໍໃຫຍ່ທີ່ ນະຄອນຫຼວງວຽງຈັນ ແລະ ໄດ້ ຮັບການສ້າງຕັ້ງຂຶ້ນ ໂດຍການ ຊ່ວຍເຫຼືອຈາກປະເທດຍີ່ປຸ່ນ ໃນປີ 2000 ກໍແມ່ນໜຶ່ງໃນໂຮງ ໝໍທີ່ນອນຢູ່ໃນກຸ່ມເປົ້າໝາຍ ຂອງໂຄງການດັ່ງກ່າວ ໃນປີທີ່ ຜ່ານມາ, ສິິ່ງອຳນວຍຄວາມ ສະດວກຕ່າງໆແມ່ນມີສະພາບ ທີ່ຊຸດໂຊມ. ເນື່ອງຈາກວ່າຖືກ ນຳໃຊ້ເປັນເວລາດົນນານ ພ້ອມ ດຽວກັນນັ້ນ ຜູ້ປ່ວຍກໍມີຈຳນວນ ຫຼາຍຂຶ້ນ ພາໃຫ້ການວິນິດໄສ ແລະ ການຮັກສາປະສົບຄວາມ ຫຍຸ້ງຍາກ. ສ່ວນວ່າໂຮງໝໍ ແຂວງຈຳປາສັກນັ້ນແມ່ນຢູ່ໃນ ເມືອງປາກເຊ ແລະ ໄດ້ໃຫ້ ການບໍລິການດ້ານການແພດ ທຽບເທົ່າກັບລະດັບໂຮງໝໍ ໃຫຍ່. ແນວໃດກໍຕາມ, ເຄື່ອງ ມືທີ່ທັນສະໄໝແມ່ນມີຄວາມ ຈຳເປັນໃນການຮັບມືຈຳນວນ ເຫດສຸກເສີນ ແລະ ການຜ່າຕັດ ທີ່ເພີ່ມຂຶ້ນ. ຄາດວ່າໂຄງການ ນີ້ຈະສາມາດຊ່ວຍເຫຼືອລັດຖະ ບານລາວຍົກລະດັບການບໍລິ ການດ້ານການແພດໃຫ້ດີຂຶ້ນ. ເປັນເວລາຫຼາຍປີທີ່ລັດ ຖະບານຍີ່ປຸ່ນໄດ້ຍົກສູງວາລະ ດ້ານສາທາລະນະສຸກສາກົນ ໂດຍການອີງໃສ່ຄວາມປອດ ໄພຂອງຊີວິດມະນຸດ ໂດຍສະ ເພາະການບັນລຸການປະກັນສຸ ຂະພາບທຸກທົ່ວໜ້າ (UHC) ແມ່ນ ປັດໄຈໜຶ່ງທີ່ສຳຄັນ ເພື່ອທີ່ຈະ ເຮັດໃຫ້ມະນຸດທຸກຄົນໃນສັງຄົມ ບໍ່ຖິ້ມກັນ ແລະ ກັນ ໃຫ້ປະກົດ ຜົນເປັນຈິງ ຊື່ງເປັນແກນສຳຄັນ ຂອງເປົ້າໝາຍການພັດທະນາ ຢ່າງຍືນຍົງ (SDGs). ໂດຍຜ່ານ ການຈັດຕັ້ງປະຕິບັດໂຄງການ ນີ້, ປະເທດຍີ່ປຸ່ນໄດ້ສະໜັບສະໜູນຄວາມພະຍາຍາມຂອງ ປະເທດລາວໃນການບັນລຸການ ປະກັນສຸຂະພາບທຸກທົ່ວໜ້າ (UHC).