ກະຊວງ ຖວທ ເຜີຍແຜ່ກົດໝາຍ ວ່າດ້ວຍສິລະປະ ການສະແດງ


...

...

12.02.2018 10:03     

ກົມສິລະປະການສະແດງ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມເຜີຍແຜ່ກົດ ໝາຍວ່າດ້ວຍສິລະປະການ ສະແດງຂຶ້ນເມື່ອວັນທີ 9 ກຸມ ພາ ຜ່ານມານີ້ ທີ່ຫໍວັດທະນະ ທຳແຫ່ງຊາດ ໂດຍການເປັນ ປະທານຂອງທ່ານ ບົວເງິນ ຊາພູວົງ ຮອງລັດຖະມົນຕີ ກະ ຊວງຖະແຫຼງຂ່າວ, ວັດທະນາ ທຳ ແລະ ທ່ອງທ່ຽວ ມີບັນດາ ຫົວໜ້າກົມ, ຮອງກົມ, ຫົວໜ້າ ພະແນກ ຖວທ ແຂວງ, ນະຄອນ ຫຼວງວຽງຈັນ, ພາກສ່ວນທີ່ກ່ຽວ ຂ້ອງ ແລະ ພະນັກງານອ້ອມ ຂ້າງກະຊວງ ຖວທ ເຂົ້າຮ່ວມ ຮັບຟັງຢ່າງພ້ອມພຽງ. ໃນພິທີທ່ານ ບົວເງິນ ຊາ ພູວົງ ໄດ້ໃຫ້ກຽດເຜີຍແຜ່ກົດ ໝາຍດັ່ງກ່າວໂດຍໄດ້ຍົກໃຫ້ ເຫັນສະພາບການຕົວຈິງໃນ ເຄື່ອນໄຫວວຽກງານສິລະປະ ການສະແດງໃນໄລຍະທີ່ຜ່ານ ມາ, ເຫດຜົນ ແລະ ຄວາມຈຳ ເປັນໃນການສ້າງກົດໝາຍວ່າ ດ້ວຍສິລະປະການສະແດງ, ສະພາບການສ້າງກົດໝາຍວ່າ ດ້ວຍສິລະປະການສະແດງ, ໂຄງປະກອບ ແລະ ເນື້ອໃນຕົ້ນ ຕໍຂອງຮ່າງກົດໝາຍວ່າດ້ວຍ ສິລະປະການສະແດງ, ກົດ ໝາຍດັ່ງກ່າວ ໄດ້ກຳນົດຫຼັກ ການ, ລະບຽບການ ແລະ ມາດ ຕະການກ່ຽວກັບການຄຸ້ມຄອງ ຕິດຕາມກວດກາການຈັດຕັ້ງ, ການເຄື່ອນໄຫວວຽກງານສິລະ ປະການສະແດງ ເພື່ອຮັບປະ ກັນໃຫ້ວຽກງານດັ່ງກ່າວ ມີຄຸນ ນະພາບ ແລະ ເຂັ້ມແຂງແນ ໃສ່ເສີມຂະຫຍາຍສິດເປັນເຈົ້າ ຂອງປະຊາຊົນລາວບັນດາເຜົ່າ ເຂົ້າໃນການຟື້ນຟູ, ອານຸລັກ, ພັດທະນາ, ເຜີຍແຜ່, ຊົມໃຊ້ ສິລະປະວັດທະນະທຳທີ່ມີລັກ ສະນະຊາດ, ກ້າວໜ້າ, ມະ ຫາຊົນ, ສະກັດກັ້ນປາກົດການ ຫຍໍ້ທໍ້ທາງດ້ານສິລະປະວັດທະ ນະທຳໃນສັງຄົມ, ສາມາດ ເຊື່ອມໂຍງກັບພາກພື້ນ ແລະ ສາກົນ, ປະກອບສ່ວນເຂົ້າໃນ ພາລະກິດປົກປັກຮັກສາ ແລະ ພັດທະນາປະເທດຊາດ, ກົດ ໝາຍສະບັບນີ້ປະກອບມີ 10 ພາກ, 74 ມາດຕາ. ຈາກນັ້ນ, ບັນດາຜູ້ເຂົ້າຮ່ວມຍັງໄດ້ປະ ກອບຄຳຄິດຄຳເຫັນ ໃສ່ກົດ ໝາຍດັ່ງກ່າວ ເພື່ອເຮັດໃຫ້ມີ ເນື້ອໃນຄົບຖ້ວນ, ກະທັດຮັດ ແລະ ຮັດກຸມ ແນໃສ່ເພື່ອກ້າວ ໄປເຖິງການຈັດຕັ້ງປະຕິບັດ ໃຫ້ ມີຄວາມຖືກຕ້ອງ ແລະ ສອດ ຄ່ອງກັບສະພາບຄວາມເປັນ ຈິງ.