ທ່ານນາຍົກລັດຖະມົນຕີ ຕ້ອນຮັບຄະນະຜູ້ແທນຣາຊະອານາຈັກໄທ


...

13.02.2018 8:53     

ໃນຕອນບ່າຍຂອງວັນທີ 12 ທັນວາ 2018 ຢູ່ທີ່ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ພົນເອກ ປຣະວິດ ວົງສຸວັນ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ແຫ່ງຣາຊະອານາຈັກໄທ ພ້ອມດ້ວຍຄະນະ ເນື່ອງໃນໂອກາດເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ.
   ກ່ອນອື່ນ, ທ່ານ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການ ເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ຂອງທ່ານ ພົນເອກ ປຣະວິດ ວົງສຸວັນ ພ້ອມດ້ວຍ ຄະນະໃນຄັ້ງນີ້ ອັນເປັນການ ປະກອບສ່ວນສຳຄັນ ໃນການ ເສີມຂະຫຍາຍສາຍພົວພັນ ຮ່ວມມືຂອງສອງປະເທດໃຫ້ ຈະເລີນງອກງາມຍິ່ງໆຂຶ້ນໂດຍ ສະເພາະແມ່ນການພົວພັນ ຮ່ວມມືທາງດ້ານວຽກງານເຕັກ ໂນໂລຊີຂໍ້ມູນຂ່າວສານ ແລະ ການສື່ສານຂອງສອງປະເທດ, ການພັດທະນາຊັບພະຍາ ກອນມະນຸດ ແລະ ການແລກ ປ່ຽນບົດຮຽນຊຶ່ງກັນ ແລະ ກັນ ຕະຫຼອດມາ. ພ້ອມດຽວກັນນີ້, ທ່ານນາຍົກລັດຖະມົນຕີ ຍັງ ໄດ້ເນັ້ນໜັກໃຫ້ຂະແໜງການ ໄປສະນີ, ໂທລະຄົມມະນາ ຄົມ ແລະ ການສື່ສານທັງສອງ ປະເທດ ຈົ່ງສືບຕໍ່ໃຫ້ການພົວ ພັນຮ່ວມມື, ຊ່ວຍເຫຼືອຊຶ່ງກັນ ແລະ ກັນ ໃນດ້ານຕ່າງໆ ເພື່ອ ເຮັດໃຫ້ວຽກງານດັ່ງກ່າວໄດ້ ຮັບການພັດທະນາດີຂຶ້ນ ເລື້ອຍໆ ໂດຍສະເພາະແມ່ນ ການຕິດຕັ້ງໂປຣແກມຄຸ້ມຄອງ ການລົງທະບຽນໝາຍເລກໂທ ລະສັບມືຖືໃຫ້ແກ່ກະຊວງໄປ ສະນີ, ໂທລະຄົມມະນາຄົມ ແລະ ການສື່ສານຂອງລາວ ຊຶ່ງຈະເປັນຜົນດີໃຫ້ແກ່ການ ປ້ອງກັນອາດຊະຍາກຳທາງເອ ເລັກໂຕຣນິກ ແລະ ຕ້ານການ ຄ້າຢາເສບຕິດ ທັງນີ້ກໍເພື່ອ ເປັນການນຳຜົນປະໂຫຍດມາ ສູ່ປະຊາຊົນຂອງສອງປະເທດ ກໍຄືປະຊາຊົນອາຊຽນຢ່າງ ແທ້ຈິງ.
   ໃນໂອກາດເຂົ້າຢ້ຽມຂ່ຳ ນັບໃນຄັ້ງນີ້, ທ່ານ ປຣະວິດ ວົງສຸວັນ ໄດ້ສະແດງຄວາມ ຂອບໃຈມາຍັງທ່ານນາຍົກລັດ ຖະມົນຕີ ທີ່ໄດ້ເສຍສະຫຼະເວ ລາອັນມີຄ່າໃຫ້ການຕ້ອນຮັບ ຢ່າງອົບອຸ່ນໃນຄັ້ງນີ້ ພ້ອມທັງ ໄດ້ແຈ້ງຈຸດປະສົງຂອງການ ເດີນທາງມາເຄື່ອນໄຫວຢ້ຽມ ຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ແລະ ສັນຍາວ່າ ຈະສືບຕໍ່ໃຫ້ການຊຸກຍູ້ຊ່ວຍ ເຫຼືອ, ປຶກສາຫາລື ແລະ ຮ່ວມ ມືກັບ ສປປ ລາວ ໃນດ້ານ ຕ່າງໆຕໍ່ໄປ ໂດຍສະເພາະ ແມ່ນຂະແໜງໄປສະນີ, ໂທ ລະຄົມມະນາຄົມ ແລະ ການ ສື່ສານຂອງລາວ ແນໃສ່ເພື່ອ ສົ່ງເສີມຂະຫຍາຍສາຍພົວພັນ ຮ່ວມມືຂອງສອງປະເທດ ທີ່ມີ ມາດົນນານແລ້ວນັ້ນໃຫ້ຈະ ເລີນງອກງາມຍິ່ງໆຂຶ້ນ.
(ຂ່າວ - ພາບ: ອານິຄົມ ວົງເດືອນ)