ພິທີມອບ-ຮັບ ໂຄງການກໍ່ສ້າງຂົວມິດຕະພາບລາວ-ຍີ່ປຸ່ນ ແຂວງເຊກອງ


...

13.02.2018 8:56     

   ໃນຕອນເຊົ້າວັນທີ 12 ກຸມພານີ້ ທີ່ເມືອງລະມາມ ແຂວງເຊກອງ ໄດ້ຈັດພິທີມອບ- ຮັບໂຄງການກໍ່ສ້າງຂົວມິດຕະ ພາບລາວ-ຍີ່ປຸ່ນ ຊຶ່ງເປັນຂົວ ຂ້າມນ້ຳເຊກອງ ແຕ່ເມືອງລະ ມາມຫາເມືອງດາກຈຶງ ແຂວງ ເຊກອງ ໂດຍມີທ່ານ ບຸນທອງ ຈິດມະນີ ຮອງນາຍົກລັດຖະ ມົນຕີ, ທ່ານ ທາເຄຊິ ຮິຄິຮາຣະ ເອກອັກຄະລາຊະທູດຍີ່ປຸ່ນ ປະຈຳ ສປປ ລາວ, ທ່ານ ບຸນ ຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ຄຳເຜີຍ ບຸດດາ ວຽງ ເຈົ້າແຂວງເຊກອງ, ທ່ານ ລັດຖະມົນຕີກະຊວງແຜນການ ແລະ ການລົງທຶນ, ທ່ານປະ ທານກຳມາທິການແຜນການ, ການເງິນ ແລະ ກວດສອບ, ຕາງໜ້າຈາກອົງການໄຈກາ ພ້ອມດ້ວຍພາກສ່ວນທີ່ກ່ຽວ ຂ້ອງ ແລະ ມວນຊົນຊາວແຂວງ ເຊກອງເຂົ້າຮ່ວມຢ່າງຫຼວງຫຼາຍ.
   ໂຄງການກໍ່ສ້າງຂົວຂ້າມ ນ້ຳເຊກອງມິດຕະພາບລາວ-ຍີ່ ປຸ່ນ ແມ່ນໄດ້ສ້າງມາແຕ່ຕົ້ນປີ 2015 ຊຶ່ງໃຊ້ເວລາກໍ່ສ້າງ 39 ເດືອນ, ຂົວມີຄວາມຍາວ 300 ແມັດ, ອອກແບບກໍ່ສ້າງຕາມ ມາດຕະຖານເຕັກນິກຂອງສາ ກົນ, ເປັນຂົວເບຕົງເສີມເຫຼັກ ອັດແຮງແບບປະສົມລະຫວ່າງ ສາຍກາບຖ່ວງດຶງ ແລະ ຂາງ ແບບຮູບກັບ 4 ຫຼ່ຽມ, ສາມາດ ຮັບນ້ຳໜັກໄດ້ 800 ໂຕນ, ມີ 3 ເສົາກາງນ້ຳ ແລະ ເສົາຫົວຂົວ 2 ເສົາ, ລະບົບຮາກຖານຈຳ ນວນໜຶ່ງຕອກເສົາເຂັມ, ມີຈຳ ນວນ 17 ຕົ້ນ, ມີ 4 ໄລຍະ, ໄລຍະກາງນ້ຳທີ່ກວ້າງທີ່ສຸດ 110 ແມັດ, ຄວາມກວ້າງຂອງ ໜ້າຂົວ 11 ແມັດ, ໜ້າທາງລົດ ແລ່ນ 8 ແມັດ, ທາງຍ່າງເບື້ອງ ລະ 1,5 ແມັດ, ປູດ້ວຍຢາງຂົ້ວ ໜາ 8 ຊັງຕີແມັດ, ມີທາງເຂົ້າ ຂົວ 2 ເບື້ອງ, ຍາວ 528 ແມັດ, ກວ້າງ 10 ແມັດ, ປູດ້ວຍຢາງ ຂົ້ວ ໜາ 10 ຊັງຕີແມັດ, ມີລະ ບົບໄຟເຍືອງທາງ ເພື່ອຮັບປະ ກັນຄວາມປອດໄພໃນເວລາ ການສັນຈອນ. ໃນໂອກາດນີ້, ທ່ານ ບຸນ ຈັນ ສິນທະວົງ ໄດ້ກ່າວວ່າ: ໂຄງການສ້າງຂົວນ້ຳເຊກອງ ແຕ່ເມືອງລະມາມຫາເມືອງ ດາກຈຶງແຂວງເຊກອງນີ້ ແມ່ນ ໄດ້ຮັບການຊ່ວຍເຫຼືອຈາກລັດ ຖະບານ ແລະ ປະຊາຊົນຍີ່ປຸ່ນ ໃນມູນຄ່າທັງໝົດ 1,62 ຕື້ເຢັນ ຫຼື ປະມານ 16,20 ລ້ານໂດ ລາ ໂດຍຜ່ານອົງການໄຈກາ, ພິເສດແມ່ນທ່ານເອກອັກຄະ ລາຊະທູດ ຍີ່ປຸ່ນ ປະຈຳ ສປປ ລາວ ທີ່ໄດ້ ໃຫ້ການສະໜັບສະ ໜູນຊ່ວຍ ເຫຼືອລັດຖະບານ ລາວ, ຕາງໜ້າໃຫ້ລັດຖະບານ ແຫ່ງ ສປປ ລາວ ຂໍຂອບໃຈຕໍ່ ລັດຖະບານ ແລະ ປະຊາຊົນ ຍີ່ປຸ່ນ ແລະ ອົງການໄຈກາ. ໃນໂອກາດນີ້ ຂ້າພະເຈົ້າຂໍຮັບ ເອົາໂຄງການຈາກທ່ານເອກ ອັກຄະລາຊະທູດຍີ່ປຸ່ນ ປະຈຳ ສປປ ລາວ ຊຶ່ງເປັນຂອງຂວັນ ອັນລ້ຳຄ່າຈາກລັດຖະບານ ແລະ ປະຊາຊົນຍີ່ປຸ່ນ ທີ່ມອບ ໃຫ້ລັດຖະບານ ແລະ ປະຊາ ຊົນລາວ ແລະ ພ້ອມດຽວກັນນີ້ ຂ້າພະເຈົ້າຂໍມອບຂົວນີ້ໃຫ້ ທ່ານເຈົ້າແຂວງເຊກອງ ເພື່ອ ສືບຕໍ່ຄຸ້ມຄອງປົກປັກຮັກສານຳ ໃຊ້ໃຫ້ຍາວນານ ແລະ ມີປະ ໂຫຍດສູງສຸດ.
   ພິທີດັ່ງກ່າວ ທ່ານເຈົ້າ ແຂວງເຊກອງກ່າວບາງຕອນ ວ່າ: ການເປີດນຳໃຊ້ຂົວຂ້າມ ນ້ຳເຊກອງໃນມື້ນີ້ ນອກຈາກ ສ້າງຄວາມສະດວກໃຫ້ແກ່ ການຄົມມະນາຄົມຂົນສົ່ງ, ການໄປມາຫາສູ່ຄ້າຂາຍ ແລະ ການເຂົ້າເຖິງການບໍລິການ ດ້ານການສຶກສາ-ສາທາລະ ນະສຸກຂອງປະຊາຊົນທີ່ອາໄສ ຢູ່ 2 ຟາກຝັ່ງແມ່ນ້ຳເຊກອງ ແລ້ວ, ຍັງເປັນການເປີດເສັ້ນ ທາງໃຫ້ແກ່ການເຊື່ອມໂຍງ ດ້ານເສດຖະກິດ, ການຄ້າ, ການລົງທຶນ ແລະ ການທ່ອງ ທ່ຽວທີ່ອັດຕັນມາດົນນານລະ ຫວ່າງພາກພື້ນ ແລະ ອະນຸ ພາກພື້ນ, ການເຊື່ອມໂຍງລະ ຫວ່າງ ສປປ ລາວ, ສສ ຫວຽດ ນາມ, ກຳປູເຈຍ ແລະ ລາຊະ ອານາຈັກໄທ. ຈາກການເຊື່ອມ ໂຍງດັ່ງກ່າວ ຈະເຮັດໃຫ້ມູນ ຄ່າດ້ານການຄ້າ, ການລົງທຶນ ແລະ ການຂົນສົ່ງສິນຄ້າຂະ ຫຍາຍໄປເຖິງຊາຍແດນຈີນ ໂດຍຜ່ານ ສສ ຫວຽດນາມ ອີກດ້ວຍ.
   ພິທີດັ່ງກ່າວ ໄດ້ມອບ ຫຼຽນໄຊພັດທະນາ ແລະ ຫຼຽນ ໄຊແຮງງານໃຫ້ຜູ້ສະໜອງທຶນ ແລະ ລັ່ນຄ້ອງ ເປີດຢ່າງເປັນ ທາງການ ໂດຍທ່ານ ບຸນທອງ ຈິດມະນີ ຮອງນາຍົກລັດຖະ ມົນຕີ.
(ຂ່າວ: ສີອາມອນ)