ງານສະເຫຼີມສະຫຼອງປີໃໝ່ຈີນ


...

13.02.2018 8:57     

   ງານມະໂຫລານເທດສະ ການກຸດຈີນ ປີ 2018 ຈັດຂຶ້ນ ໃນວັນທີ 10-11 ກຸມພາຜ່ານ ມານີ້ ທີ່ຫໍວັດທະນະທຳແຫ່ງ ຊາດ ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວ ໜ້າຄະນະໂຄສະນາອົບຮົມ ສູນກາງພັກ, ທ່ານ ຫວ່າງເວີນ ທຽນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ສປ ຈີນ ປະຈຳ ສປປ ລາວ ແລະ ແຂກຖືກເຊີນເຂົ້າຮ່ວມ.
   ຕາມປະຕິທິນຈັນທະຄະ ຕິຂອງຈີນແລ້ວປີໃໝ່ຈີນ ຫຼື ກຸດຈີນຂອງປີ 2018 ແມ່ນກົງ ກັບວັນທີ 16 ກຸມພາທີ່ຈະມາ ເຖິງນີ້, ສູນວັດທະນະທຳຈີນ ປະຈຳ ສປປ ລາວ ໄດ້ຈັດງານ ສະເຫຼີມສະຫຼອງປີໃໝ່ຈີນ ໃນ ທຸກໆປີ. ສຳລັບງານໃນປີນີ້ ຈະ ມີກິດຈະກຳ ແລະ ການສະແດງ ທີ່ໜ້າສົນໃຈ, ມີການຕອບຄຳ ທວາຍເອົາລາງວັນ ແລະ ຕອບ ຄຳຖາມຄວາມຮູ້ກ່ຽວກັບປະ ເທດຈີນ, ການວາງສະແດງຮູບ ພາບ, ມີນາຍຊ່າງຫັດຖະກຳ ຈາກ ຈີນມາສາທິດການເຮັດ ງານ ສີມືປານີດສວຍງາມ ແລະ ມີເກມການແຂ່ງຂັນຕ່າງໆ ເພື່ອຊີງລາງວັນຢ່າງຫຼວງຫຼາຍ. ພ້ອມທັງວາງສະແດງອາຫານ ຈີນທີ່ລືຊື່. ນອກນັ້ນ ຍັງມີການ ວາງສະແດງສິລະປະການ ແຕ້ມຮູບດ້ວຍນ້ຳຕານ, ການ ປັ້ນຫຸ່ນແປ້ງ, ການຂູດລາຍໃສ່ ໝາກນ້ຳເຕົ້າ ໂດຍສິລະປະ ທີ່ ມາຈາກຊານຕຸງ, ການສາທິດ ສິລະປະການຊົງຊາ-ດື່ມຊາ, ການຂຽນອັກສອນຈີນດ້ວຍ ແປງຂົນສັດ ແລະ ອື່ນໆ.