ອອປສ ໄຂກອງປະຊຸມກຳນົດພະນັກງານນຳພາ-ຄຸ້ມຄອງ


...

13.02.2018 8:59     

   ອົງການໄອຍະການປະ ຊາຊົນສູງສຸດ (ອອປສ) ໄດ້ຈັດ ກອງປະຊຸມແຜນກຳນົດພະ ນັກງານນຳພາ-ຄຸ້ມຄອງ ຂັ້ນ ສູນກາງຄຸ້ມຄອງ ຂອງອົງການ ໄອຍະການປະຊາຊົນສູງສຸດ ແລະ ອົງການໄອຍະການປະ ຊາຊົນພາກ ຂຶ້ນໃນວັນທີ 12- 16 ກຸມພານີ້ທີ່ ອອປສ ໂດຍ ການເປັນປະທານຂອງ ທ່ານ ຄຳສານ ສຸວົງ ກຳມະການສູນ ກາງພັກ ຫົວໜ້າອົງການໄອ ຍະການປະຊາຊົນສູງສຸດ, ມີ ຕາງໜ້າຄະນະຈັດຕັ້ງສູນກາງ ພັກ, ຄະນະພັກ, ຄະນະນຳອົງ ການໄອຍະການປະຊາຊົນສູງ ສຸດ, ບັນດາຫົວໜ້າອົງການໄອ ຍະການປະຊາຊົນພາກ, ຫົວ ໜ້າກົມ, ຫົວໜ້າຫ້ອງການ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມວຽກງານໄອ ຍະການ ແລະ ພະນັກງານເຂົ້າ ຮ່ວມ.
    ກອງປະຊຸມດັ່ງກ່າວບັນ ດາຜູ້ເຂົ້າຮ່ວມໄດ້ຮັບຟັງການ ເຜີຍແຜ່ມະຕິເລກທີ 032/ກມສພ, ຂອງກົມການເມືອງ ສູນກາງພັກ ແລະ ມະຕິເລກທີ 030/ກມສພ ວ່າດ້ວຍມາດຕະ ຖານພະນັກງານນຳພາ-ຄຸ້ມ ຄອງ, ຕຳແໜ່ງບໍລິຫານຂອງ ລັດຖະກອນ ອົງການໄອຍະ ການປະຊາຊົນ, ການສ້າງແຜນ ກຳນົດພະນັກງານແມ່ນການ ກະກຽມບຸກຄະລາກອນໃນລັກ ສະນະເປີດກວ້າງເລືອກເຟັ້ນ ພະນັກງານນຳພາ-ຄຸ້ມຄອງ ຕອບສະໜອງດ້ານຈຳນວນ, ຄຸນນະພາບຕາມຄວາມຮຽກ ຮ້ອງຕ້ອງການຕາມຕຳແໜ່ງ ງານທີ່ເໝາະສົມ ແລະ ແທດ ເໝາະ, ການຄາດຄະເນເປົ້າ ໝາຍພະນັກງານທີ່ຈະຈັດວາງ ເຂົ້າຕຳແໜ່ງງານ ແລະ ແມ່ນ ຄວາມຮັບຜິດຊອບໂດຍກົງ ຂອງຄະນະພັກແຕ່ລະຂັ້ນ, ເປັນສູນລວມປະຕິບັດຫຼັກການ ປະຊາທິປະໄຕຢ່າງເຂັ້ມງວດ, ຄົ້ນຄວ້າເປົ້າໝາຍເຂົ້າໃນແຜນ ກຳນົດພະນັກງານເປັນໝູ່ຄະ ນະ ແລະ ຕົກລົງຕາມສຽງສ່ວນ ຫຼາຍ, ຮັບປະກັນຄວາມຖືກ ຕ້ອງໂປ່ງໃສ, ພາວະວິໄສ, ຮອບດ້ານ, ຍຸຕິທຳ, ຄຳນຶງເຖິງ ໂຄງປະກອບ ເພດ, ເຜົ່າ ແລະ ເລັ່ງໃສ່ພະນັກງານໜຸ່ມໃຫ້ ກວມອັດຕາສ່ວນຫຼາຍຫັນໄປ ສູ່ຄວາມກ້າວໜ້າ ແລະ ທັນ ສະໄໝຮອບດ້ານໃນປັດຈຸບັນ ແລະ ອະນາຄົດ.