ລັດຖະມົນຕີ ຖວທ ຕ້ອນຮັບຄະນະຜູ້ແທນອຸຍແນັສໂກ


...

13.02.2018 9:01     

    ໃທ່ານ ບໍ່ແສງຄຳ ວົງດາ ລາ ລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ)ໄດ້ຕ້ອນຮັບ ການເຂົ້າຢ້ຽມພົບປະຂອງ ທ່ານ ແອກເວ ໂຊລີຍັກ ທີ່ປືກ ສາເຂດແຄ້ວນອາກເດຊ ຜູ້ປະ ສານງານອຸຍແນັສໂກ (UNE-SCO) ສຳລັບຖ້ຳໂຊເວປະຈຳ ສະຫະພັນຄຸ້ມຄອງພື້ນທີ່ອະນຸ ລັກຖ້ຳໂຊເວ (SMERGC)ພ້ອມຄະນະ ເມື່ອວັນທີ 12 ກຸມພານີ້ ທີ່ຫ້ອງຮັບແຂກກະ ຊວງ ຖວທ ໃນໂອກາດທີ່ທ່ານ ເດີນທາງເຄື່ອນໄຫວຢ້ຽມຢາມສປປ ລາວ ລະຫວ່າງວັນທີ 7-12 ກຸມພາ.
    ໃນໂອກາດນີ້ ທ່ານລັດ ຖະມົນຕີ ໄດ້ສະແດງຄວາມ ຕ້ອນຮັບຊົມເຊີຍ ແລະ ຕີລາຄາ ສູງຕໍ່ທ່ານ ທີ່ໄດ້ເຄື່ອນໄຫວ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນອັນ ສຳຄັນເຂົ້າໃນການຮັດແໜ້ນ ສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ອຸຍແນັສໂກ ທີ່ມີ ມາດົນນານແລ້ວນັ້ນ ໃຫ້ແຕກ ດອກອອກຜົນງອກງາມຍິ່ງໆ ຂຶ້ນ ໂດຍສະເພາະແມ່ນການ ຮ່ວມມືຊ່ວຍເຫຼືອໃນຂົງເຂດ ວຽກງານວັດທະນະທຳ ແລະ ທ່ອງທ່ຽວ.
    ໃນໂອກາດດຽວກັນນີ້ ທ່ານ ແອກເວ ໂຊລີຍັກ ກໍໄດ້ ສະແດງຄວາມຂອບໃຈເປັນ ຢ່າງສູງຕໍ່ທ່ານລັດຖະມົນຕີ ທີ່ສະຫຼະເວລາອັນມີຄ່າໃຫ້ ການຕ້ອນຮັບອັນອົບອຸ່ນໃນຄັ້ງ ນີ້ ພ້ອມທັງແຈ້ງຈຸດປະສົງຂອງ ການມາເຄື່ອນໄຫວຢ້ຽມຢາມ ສປປ ລາວ ໃຫ້ທ່ານລັດຖະ ມົນຕີກະຊວງ ຖວທ ຮັບຊາບ.