ສານສະແດງຄວາມເສົ້າສະຫຼົດໃຈ

28.03.2018 9:46     

   ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ສົ່ງສານສະແດງຄວາມເສົ້າສະຫຼົດໃຈເຖິງ ທ່ານ ເດີມີຕຼີ ເມດເວເດບ ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ ເມື່ອວັນທີ 25 ມີນານີ້ ຊຶ່ງມີເນື້ອໃນດັ່ງນີ້:
ຂ້າພະເຈົ້າ ໄດ້ຮັບຊາບຂ່າວເສົ້າສະຫຼົດໃຈຕໍ່ກັບເຫດ ການໄຟໄໝ້ຮ້ານສັບພະສິນຄ້າ ຢູ່ເມືອງກາເມໂຣໂວ, ເຂດຊີ ບີຣີ ສະຫະພັນຣັດເຊຍ ໃນວັນທີ 25 ມີນາ 2018 ຊຶ່ງເຮັດໃຫ້ ມີຜູ້ເສຍຊີວິດ ແລະ ເຈັບເປັນຈຳນວນຫຼວງຫຼາຍ.
ໃນນາມລັດຖະບານ ແຫ່ງ ສປປ ລາວ ແລະ ໃນນາມ ສ່ວນຕົວ, ຂ້າພະເຈົ້າ ຂໍສະແດງຄວາມເສົ້າໂສກເສຍໃຈຢ່າງ ສຸດຊຶ້ງ ແລະ ຂໍແບ່ງເບົາຄວາມທຸກໂສກ ມາຍັງທ່ານ ໂດຍ ຜ່ານທ່ານ ໄປຍັງລັດຖະບານ ແລະ ບັນດາຍາດຕິພີ່ນ້ອງຂອງ ຄອບຄົວຜູ້ເສຍຊີວິດ ຈາກເຫດການໄຟໄໝ້ຄັ້ງນີ້.