ນາຍົກລັດຖະມົນຕີ ຈະເດີນທາງເຂົ້າຮ່ວມກອງປະຊຸມ ທີ່ ສສ ຫວຽດນາມ

28.03.2018 9:46     

   ໃນວັນທີ 29 ມີນາ 2018 ທ່ານ ທອງລຸນ ສີສຸລິດ ນາຍົກ ລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ຈະນຳ ພາຄະນະຜູ້ແທນ ສປປ ລາວ ເດີນທາງເຂົ້າຮ່ວມກອງປະຊຸມ ສຸດຍອດອະນຸພາກພື້ນແມ່ນ້ຳ ຂອງຄັ້ງທີ 6, ກອງປະຊຸມສຸດ ຍອດທຸລະກິດອະນຸພາກພື້ນ ແມ່ນ້ຳຂອງ ຄັ້ງທຳອິດ ແລະ ກອງປະຊຸມສຸດຍອດ ເຂດສາມ ຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 10 ໃນລະ ຫວ່າງວັນທີ 30-31 ມີນາ 2018 ທີ່ຮ່າໂນ້ຍ, ສສ ຫວຽດ ນາມ ຕາມການເຊື້ອເຊີນຂອງ ທ່ານ ຫງວຽນ ຊວນ ຟຸກ ນາ ຍົກລັດຖະມົນຕີແຫ່ງສາທາ ລະນະລັດ ສັງຄົມນິຍົມຫວຽດນາມ.
   ກອງປະຊຸມສຸດຍອດອະ ນຸພາກພື້ນແມ່ນ້ຳຂອງຄັ້ງນີ້ ຈະເປັນການສະເຫຼີມສະຫຼອງ ຄົບຮອບ 25 ປີ ແຫ່ງການຮ່ວມ ມື ແລະ ການເປັນຄູ່ຮ່ວມ ງານໃນການສົ່ງເສີມ ແລະ ພັດ ທະນາອະນຸພາກພື້ນແມ່ນ້ຳ ຂອງກໍຄືບັນດາແລວທາງເສດ ຖະກິດອະນຸພາກພື້ນແມ່ນ້ຳ ຂອງລະຫວ່າງບັນດາປະເທດ ສະມາຊິກ ແລະ ການສະໜັບ ສະໜູນຈາກຄູ່ຮ່ວມພັດທະນາ ຊຶ່ງຈະໄດ້ຮັບຮອງເອົາຖະແຫຼງ ການຮ່ວມ ແລະ ເອກະສານຈຳ ນວນໜຶ່ງ ເພື່ອເປັນທິດທາງ ການຮ່ວມມືໃນຕໍ່ໜ້າ ໃນໂອ ກາດດັ່ງກ່າວ ກອງປະຊຸມສຸດ ຍອດທຸລະກິດອະນຸພາກພື້ນແມ່ ນ້ຳຂອງໄດ້ຖືກຈັດຂຶ້ນເປັນຄັ້ງ ທຳອິດ ເພື່ອໂຄສະນາເຜີຍແຜ່ ບັນດາທ່າແຮງບົ່ມຊ້ອນ ແລະ ກາລະໂອກາດໃນອະນຸພາກ ພື້ນແມ່ນ້ຳຂອງ ໃຫ້ແກ່ພາກເອ ກະຊົນ ແລະ ຄູ່ຮ່ວມມືພັດ ທະນາແນໃສ່ສົ່ງເສີມການຄ້າ, ການລົງທຶນ ແລະ ການທ່ອງ ທ່ຽວໃນພາກພື້ນນີ້ ໃຫ້ນັບມື້ ນັບຫຼາຍຂຶ້ນ. ຄຽງຄູ່ກັນນີ້ ຈະ ມີການຈັດງານວາງສະແດງ ຮູບພາບ ແລະ ເຜີຍແຜ່ຮູບເງົາ ທີ່ສະທ້ອນໃຫ້ເຫັນຜົນສຳເລັດ ຂອງການຮ່ວມມືອະນຸພາກ ພື້ນແມ່ນ້ຳຂອງໃນໄລຍະ 25 ປີ ທີ່ຜ່ານມາ.
  ກອງປະຊຸມສຸດຍອດເຂດ ສາມຫຼ່ຽມພັດທະນາກຳປູເຈຍ-ລາວ-ຫວຽດນາມ ຄັ້ງທີ 10 ນີ້ ຜູ້ນຳ 3 ປະເທດຈະໄດ້ຕີລາຄາ ຄືນຜົນການຈັດຕັ້ງຜັນຂະ ຫຍາຍກອງປະຊຸມສຸດຍອດ ກຳປູເຈຍ-ລາວ-ຫວຽດນາມ ຄັ້ງທີ 9 ໃນປີ 2016 ຜ່ານມາ ທີ່ສຽມລຽບ ແລະ ຈະໄດ້ຮັບ ຮອງ ແລະ ລົງນາມຖະແຫຼງ ການຮ່ວມ ເພື່ອເປັນທິດທາງ ໃນການຮ່ວມມືໃນຕໍ່ໜ້າເຊັ່ນ ກັນລວມທັງຈະໄດ້ຮັບຮອງ ເອົາແຜນປະຕິບັດງານ ວ່າດ້ວຍການເຊື່ອມຈອດເສດ ຖະກິດ ກຳປູເຈຍ-ລາວ-ຫວຽດ ນາມ ຮອດປີ 2030.
   ໃນໂອກາດເຂົ້າຮ່ວມ ກອງປະຊຸມສຸດຍອດຄັ້ງນີ້ ທ່ານນາຍົກລັດຖະມົນຕີ ແຫ່ງ ສປປ ລາວ ມີແຜນຈະພົບປະ ສອງຝ່າຍກັບບັນດາຜູ້ນຳຂອງ ປະເທດສະມາຊິກ ອະນຸພາກ ພື້ນແມ່ນ້ຳຂອງ ແລະ ຈະເຂົ້າ ຢ້ຽມຂ່ຳນັບການນຳຂັ້ນສູງ ຂອງ ສສ ຫວຽດນາມ ອີກດ້ວຍ.