ສານອວຍພອນ

29.03.2018 8:40     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນເຖິງ ທ່ານ ອັບດຸລ ຮາມິດ ປະທານາທິ ບໍດີ ແຫ່ງ ສາທາລະນະລັດ ປະຊາຊົນ ບັງກລາເທດ ເມື່ອບໍ່ ດົນມານີ້ ຊຶ່ງມີເນື້ອໃນດັ່ງນີ້:
   ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະ ຊາຊົນ ບັງກລາເທດ ຄົບຮອບ 47 ປີ ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄຳ ຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງທ່ານ ແລະ ປະຊາຊົນບັງກລາເທດ ເພື່ອນມິດທຸກຖ້ວນໜ້າ.
   ສປປ ລາວ ແລະ ສາທາລະນະລັດ ປະຊາຊົນ ບັງກລາ ເທດ ມີສາຍພົວພັນອັນອົບອຸ່ນ ແລະ ເປັນເພື່ອນມິດທີ່ດີມາເປັນເວ ລາດົນນານ. ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ອັນດີງາມດັ່ງກ່າວ ຈະສືບຕໍ່ໄດ້ຮັບການຮັດແໜ້ນ ແລະ ເສີມ ຂະຫຍາຍໃນຫຼາຍດ້ານໃນອະນາຄົດ ເພື່ອຜົນປະໂຫຍດຂອງ ສອງປະເທດພວກເຮົາ.
   ຂ້າພະເຈົ້າ ຂໍຖືໂອກາດນີ້ ອວຍພອນໄຊໃຫ້ທ່ານ ຈົ່ງມີ ພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳ ເລັດໃນໜ້າທີ່ອັນມີກຽດຂອງທ່ານ ແລະ ຂໍໃຫ້ປະຊາຊົນບັງ ກລາເທດ ສືບຕໍ່ມີຄວາມກ້າວໜ້າ ແລະ ມີຄວາມວັດທະນາ ຖາວອນ.
   ໃນໂອກາດດັ່ງກ່າວນີ້ ທ່ານ ທອງລຸນ ສີສຸລິດ ນາຍົກລັດ ຖະມົນຕີ ແຫ່ງ ສປປ ລາວ ກໍໄດ້ສົ່ງສານອວຍພອນເຖິງທ່ານ ນາງ ເຊອິກ ຮາຊິນາ ນາຍົກລັດຖະມົນຕີ ແຫ່ງ ສາທາລະນະ ລັດ ປະຊາຊົນ ບັງກລາເທດ ເຊັ່ນດຽວກັນ.