ນາຍົກຈະເຂົ້າຮ່ວມກອງປະຊຸມສຸດຍອດຄະນະກຳມາທິການແມ່ນ້ຳຂອງສາກົນ ຄັ້ງທີ 3


04.04.2018 8:59     

   ໂດຍຕອບສະໜອງຕາມຄຳເຊີນຂອງ ສົມເດັດ ອັກຄະມະ ຫາ ເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງ ຣາຊະ ອານາຈັກກຳປູເຈຍ, ໃນວັນທີ 4-5 ເມສາ 2018, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຈະນຳພາຄະນະ ຜູ້ແທນລາວ ເຂົ້າຮ່ວມກອງປະຊຸມສຸດຍອດ ຄະນະກຳມາທິການ ແມ່ນ້ຳຂອງສາກົນ ຄັ້ງທີ 3, ທີ່ ສຽມຣຽບ ຣາຊະອານາຈັກ ກຳປູ ເຈຍ. ພາຍໃຕ້ຫົວຂໍ້ "ເສີມສ້າງການເປັນຄູ່ຮ່ວມ ແລະ ສຸມທຸກ ຄວາມພະຍາຍາມຮ່ວມກັນ ເພື່ອບັນລຸເປົ້າໝາຍການພັດທະນາ ແບບ ຍືນຍົງ ຢູ່ຂົງເຂດອ່າງແມ່ນ້ຳຂອງ.
   ໃນໂອກາດເຂົ້າຮ່ວມກອງປະຊຸມຄັ້ງນີ້, ທ່ານ ທອງລຸນ ສີສຸ ລິດ ນາຍົກລັດຖະມົນຕີ ແຫ່ງ ສປປ ລາວ ມີແຜນຈະພົບປະສອງ ຝ່າຍກັບທ່ານ ຫງວຽນ ຊວັນ ຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ແລະ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ.