ການນຳເຮົາ ສົ່ງຈົດໝາຍຊົມເຊີຍເຖິງປະທານາທິບໍດີ ມຽນມາ


04.04.2018 8:59     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງຈົດໝາຍຊົມເຊີຍເຖິງທ່ານ ອູວິນ ໝິນ ປະທານາທິບໍດີ ສາທາລະນະລັດ ສະຫະພາບ ມຽນມາ ເມື່ອວັນທີ 30 ມີນາ ຜ່ານມາ ຊຶ່ງມີເນື້ອໃນດັ່ງນີ້: ຂ້າພະເຈົ້າ ຂໍຕາງໜ້າໃຫ້ລັດ ຖະບານ ກໍຄືປະຊາຊົນ ແຫ່ງ ສາທາລະນະລັດ ປະຊາທິປະ ໄຕ ປະຊາຊົນລາວ ສະແດງຄວາມຍິນດີແລະ ຊົມເຊີຍເປັນຢ່າງຍິ່ງມາຍັງທ່ານ ເນື່ອງໃນໂອກາດທີ່ທ່ານ ໄດ້ຮັບການເລືອກຕັ້ງໃຫ້ດຳລົງຕຳແໜ່ງ ເປັນປະທານາທິບໍດີ ຄົນໃໝ່ ແຫ່ງ ສາທາລະນະລັດ ສະຫະພາບມຽນມາ.
   ຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາອັນປີຊາສາ ມາດຂອງທ່ານ, ສາຍພົວພັນມິດຕະພາບຖານບ້ານໃກ້ເຮືອນ ຄຽງທີ່ເປັນມູນເຊື້ອ ແລະ ການຮ່ວມມືອັນດີງາມ ລະຫວ່າງປະ ຊາຊົນສອງຊາດລາວ ແລະ ມຽນມາ ຈະສືບຕໍ່ໄດ້ຮັບການເພີ່ມ ພູນຄູນສ້າງ ແລະ ຂະຫຍາຍຕົວຍິ່ງໆຂຶ້ນ ແລະ ຂ້າພະເຈົ້າກໍ ພ້ອມທີ່ຈະຮ່ວມມືຢ່າງ ໃກ້ຊິດກັບທ່ານ ເພື່ອສືບຕໍ່ຮັດແໜ້ນສາຍ ພົວ ພັນມິດຕະພາບ ແລະ ການຮ່ວມມືທີ່ດີ ລະຫວ່າງສອງຊາດ ພວກເຮົາໃຫ້ກ້າວຂຶ້ນສູງຢ່າງບໍ່ຢຸດຢັ້ງ.
   ຂ້າພະເຈົ້າ ຂໍອວຍພອນໄຊໃຫ້ທ່ານ ຈົ່ງມີສຸຂະພາບເຂັ້ມ ແຂງ, ມີຄວາມຜາສຸກ ແລະ ປະສົບຜົນສຳເລັດ ໃນໜ້າທີ່ອັນມີ ກຽດສູງສົ່ງຂອງທ່ານ ແລະ ນຳພາປະຊາຊົນມຽນມາ ສືບຕໍ່ພັດ ທະນາປະເທດ ໃຫ້ມີຄວາມກ້າວໜ້າ ແລະ ຈະເລີນຮຸ່ງເຮືອງ ຍິ່ງໆຂຶ້ນ.
   ໃນໂອກາດດັ່ງກ່າວນີ້, ທ່ານ ທອງລຸນ ສີສຸລິດ ນາຍົກລັດ ຖະມົນຕີ ແຫ່ງ ສປປ ລາວ ກໍໄດ້ສົ່ງຈົດໝາຍຊົມເຊີຍເຖິງ ທ່ານ ອູ ວິນ ໝິນ ປະທານາທິບໍດີ ສາທາລະນະລັດ ສະຫະພາບ ມຽນມາ ແລະ ທ່ານ ພັນຄຳ ວິພາວັນ ຮອງປະທານປະເທດ ກໍໄດ້ສົ່ງຈົດໝາຍຊົມເຊີຍເຖິງ ທ່ານ ອູ ໝິນ ສະເວ ຮອງປະທາ ນາທິບໍດີ ສາທາລະນະລັດ ສະຫະພາບ ມຽນມາ ເຊັ່ນດຽວກັນ.