ຄະນະຜູ້ແທນສະຖາບັນກູບາເພື່ອມິດຕະພາບ ກັບນາໆຊາດຢ້ຽມຢາມ ສປປ ລາວ


...

09.04.2018 10:02     

   ແຕ່ວັນທີ 5-9 ເມສານີ້, ຄະນະຜູ້ແທນສະຖາບັນກູບາ ເພື່ອມິດຕະພາບ ນຳໂດຍ ສະຫາຍ ເຟນານໂດ ກອນຊາ ເລັສ ໂຢ ວິລະຊົນກູບາ ສະມາ ຊິກສະພາປະຊາຊົນກູບາ ປະ ທານສະຖາບັນເພື່ອມິດຕະ ພາບກັບນາໆຊາດ ໄດ້ທຳການ ຢ້ຽມຢາມລາວ. ໃນໂອກາດດັ່ງ ກ່າວ, ຄະນະໄດ້ມີການພົບປະ ເຮັດວຽກ ແລະ ໄດ້ເຂົ້າ ຢ້ຽມ ຂ່ຳນັບບັນດາການນຳຂອງລາວ ດັ່ງນີ້: ໃນຕອນເຊົ້າຂອງວັນທີ 6 ເມສານີ້ ຄະນະຜູ້ແທນກູບາ ນຳໂດຍ ສະຫາຍ ເຟນານ ໂດ ກອນຊາເລັສ ໂຢ ໄດ້ເຂົ້າ ຢ້ຽມຂ່ຳນັບ ສະຫາຍ ໄຊສົມ ພອນ ພົມວິຫານ ກຳມະການ ກົມການເມືອງສູນກາງພັກ ປະ ທານສູນກາງແນວລາວສ້າງ ຊາດ, ເຂົ້າຢ້ຽມຂ່ຳນັບສະຫາຍ ສົມພັນ ແພງຄຳມີ ກຳມະການ ສູນກາງພັກ ຮອງປະທານສະ ພາແຫ່ງຊາດ ແລະ ສະຫາຍ ນາງ ສູນທອນ ໄຊຍະຈັກ ກຳ ມະການສູນກາງພັກ ຫົວໜ້າ ຄະນະພົວພັນຕ່າງປະເທດສູນ ກາງພັກ. ການນຳຂະແໜງ ການຕ່າງໆຂອງຝ່າຍລາວ ໄດ້ ສະແດງຄວາມຊົມເຊີຍ ແລະ ຕີລາຄາສູງຕໍ່ການມາຢ້ຽມຢາມ ລາວຂອງຄະນະຜູ້ແທນສະຖາ ບັນເພື່ອມິດຕະພາບກັບນາໆ ຊາດ ເປັນການປະກອບສ່ວນ ທີ່ ສຳຄັນເຂົ້າໃນການຮັດແໜ້ນ, ເພີ່ມພູນຄູນສ້າງ ແລະ ເສີມຂະ ຫຍາຍສາຍພົວພັນມິດຕະ ພາບຖານສະຫາຍອ້າຍນ້ອງ ລະຫວ່າງສອງພັກ, ສອງລັດ ແລະ ປະຊາຊົນ ສອງຊາດ ລາວ-ກູບາ ໃຫ້ນັບມື້ນັບແໜ້ນ ແຟ້ນຍິ່ງໆຂຶ້ນ. ພ້ອມນັ້ນ, ຍັງ ໄດ້ແຈ້ງໃຫ້ຄະນະຜູ້ແທນຊາບ ກ່ຽວກັບຜົນສຳເລັດອັນພົ້ນ ເດັ່ນໃນການສ້າງສາພັດທະນາ ປະເທດຊາດຢູ່ ສປປ ລາວ ໃນ ຊຸມປີຜ່ານມາ ແລະ ທິດທາງ ແຜນການໃນການພັດທະນາ ສປປ ລາວ ໃນຕໍ່ໜ້າ, ຕີລາຄາ ສູງມູນເຊື້ອການພົວພັນຮ່ວມມື ລະຫວ່າງສອງພັກ, ສອງລັດ ແລະ ປະຊາຊົນສອງຊາດ, ສະ ແດງຄວາມຂອບໃຈຢ່າງຈິງໃຈຕໍ່ ການສະໜັບສະໜູນ ແລະ ຊ່ວຍ ເຫຼືອຂອງພັກ, ລັດ ກໍຄືປະຊາ ຊົນກູບາອ້າຍນ້ອງ ໃນພາລະ ກິດຕໍ່ສູ້ກູ້ຊາດໃນເມື່ອກ່ອນກໍຄື ການປົກປັກຮັກສາ ແລະ ສ້າງ ສາພັດທະນາປະເທດຊາດ ຂອງ ສປປ ລາວ ໃນປັດຈຸບັນ, ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາຜົນ ສຳເລັດຂອງກູບາ ໃນພາລະ ກິດປົກປັກຮັກສາ ແລະ ສ້າງ ສາພັດທະນາປະເທດຊາດ ໂດຍ ສະເພາະແມ່ນການພັດທະນາ ເສດຖະກິດ-ສັງຄົມ, ສືບຕໍ່ປົກ ປັກຮັກສາໝາກຜົນແຫ່ງການ ປະຕິວັດຕະຫຼອດໄລຍະເວລາ 50 ກວ່າປີ ແລະ ສືບຕໍ່ຈັດຕັ້ງ ປະຕິບັດບັນດາມະຕິກອງປະ ຊຸມຄັ້ງທີ VII ຂອງພັກກອມມູ ນິດກູບາໃນປັດຈຸບັນ. ສະຫາຍ ເຟນານໂດ ກອນຊາເລັສ ໂຢ ໄດ້ສະແດງ ຄວາມຂອບໃຈຢ່າງຈິງໃຈມາ ຍັງການນຳພັກ-ລັດ ຂອງ ສປປ ລາວ ທີ່ໄດ້ໃຫ້ການຕ້ອນຮັບ ອັນອົບອຸ່ນ ແລະ ໄດ້ສະແດງ ຄວາມດີໃຈທີ່ໄດ້ມີໂອກາດ ຢ້ຽມຢາມ ແລະ ມາເຫັນບັນດາ ຜົນສຳເລັດອັນໃຫຍ່ຫຼວງຂອງ ປະຊາຊົນລາວ ທີ່ຍາດມາໄດ້ ໃນພາລະກິດສ້າງສາພັດທະ ນາປະເທດຊາດ ພາຍໃຕ້ການ ນຳພາອັນຖືກຕ້ອງ ແລະ ສະ ຫຼາດສ່ອງໃສຂອງ ພັກ ປປ ລາວ, ອັນໄດ້ເຮັດໃຫ້ຊີວິດການ ເປັນຢູ່ຂອງປະຊາຊົນລາວ ໄດ້ຮັບການປັບປຸງໃຫ້ດີຂຶ້ນ ເທື່ອລະກ້າວ, ບົດບາດ, ອິດທິ ພົນຂອງ ສປປ ລາວ ນັບມື້ນັບ ສູງເດັ່ນຂຶ້ນໃນເວທີພາກພື້ນ ແລະ ສາກົນ. ສະຫາຍ ເຟນານ ໂດ ກອນຊາເລັສ ໂຢ ໄດ້ຕີລາ ຄາສູງຕໍ່ການພົວພັນຮ່ວມມື ທີ່ເປັນມູນເຊື້ອລະຫວ່າງສອງ ພັກ, ສອງລັດ ແລະ ປະຊາຊົນ ສອງຊາດກູບາ-ລາວ ແລະ ໄດ້ ອວຍພອນໃຫ້ພັກ, ລັດ ສປປ ລາວ, ປະຊາຊົນລາວ ຈົ່ງໄດ້ ຮັບຜົນສຳເລັດອັນໃໝ່ໃຫຍ່ ຫຼວງກວ່າເກົ່າ ໃນພາລະກິດ ປົກປັກຮັກສາ ແລະ ສ້າງສາ ພັດທະນາປະເທດຊາດໃຫ້ນັບ ມື້ນັບເຂັ້ມແຂງ, ປະຕິບັດບັນດາ ມະຕິກອງປະຊຸມໃຫຍ່ຄັ້ງທີ X ຂອງ ພັກປະຊາຊົນ ປະຕິວັດ ລາວ ໃຫ້ປະກົດຜົນເປັນຈິງ. ຕອນແລງຂອງວັນດຽວ ກັນ ສະຫາຍ ເຟນານໂດ ກອນ ຊາເລັສ ໂຢ ໄດ້ຂຶ້ນປາຖະກະ ຖາຢູ່ສະຖາບັນການເມືອງ ການປົກຄອງແຫ່ງຊາດ ຊຶ່ງໄດ້ ແຈ້ງໃຫ້ຝ່າຍລາວຊາບກ່ຽວ ກັບຜົນສຳເລັດໃນພາລະກິດ ສ້າງສາພັດທະນາ ສ.ກູບາ ພາຍ ໃຕ້ການນຳພາອັນຖືກຕ້ອງ, ສະຫຼາດສ່ອງໃສ ແລະ ແຂງ ແກ່ນ ຂອງພັກກອມມູນິດກູ ບາ ເຮັດໃຫ້ກູບາໄດ້ຮັບການ ພັດທະນາຮອບດ້ານຢ່າງຕໍ່ ເນື່ອງ ເຖິງແມ່ນວ່າຈະປະສົບ ກັບຄວາມຫຍຸ້ງຍາກ ແລະ ສິ່ງທ້າທາຍທົດສອບນາໆປະ ການຈາກການປິດລ້ອມຂອງ ອິດທິປໍລະປັກ ແຕ່ບໍ່ສາມາດ ບັ່ນທອນນ້ຳໃຈປະຕິວັດອັນ ເດັດດ່ຽວພິລະອາດຫານ ແລະ ນ້ຳໃຈສາກົນອັນຜ່ອງໃສຂອງ ປະຊາຊົນກູບາໄດ້. ກ່ອນໜ້ານີ້ຄືວັນທີ 5 ເມສາຜ່ານມາ ທີ່ໂຮງແຮມລາວ ພລາຊາ ໄດ້ມີພິທີພົບປະສອງ ຝ່າຍລະຫວ່າງສະມາຄົມມິດ ຕະພາບລາວ - ກູບາ ແລະ ສະຖາບັນກູບາ ເພື່ອມິດຕະ ພາບກັບນາໆຊາດ. ຝ່າຍລາວ ນຳໂດຍ ສະຫາຍ ຈະເລີນ ເຢຍປາວເຮີ ກຳມະການສູນ ກາງພັກ ລັດຖະມົນຕີປະຈຳ ສຳນັກງານນາຍົກລັດຖະມົນຕີ ປະທານສະມາຄົມມິດຕະພາບ ລາວ-ກູບາ ແລະ ຝ່າຍ ກູບາ ນຳໂດຍສະຫາຍ ເຟນານໂດ ກອນຊາເລັສ ໂຢ. ສອງຝ່າຍໄດ້ ແຈ້ງສະພາບການພົ້ນເດັ່ນໃນ ການພັດທະນາເສດຖະກິດ- ສັງຄົມ ຂອງແຕ່ລະປະເທດ ໃຫ້ກັນຊາບ, ປຶກສາຫາລື, ແລກປ່ຽນປະສົບການເຄື່ອນ ໄຫວວຽກງານມິດຕະພາບ ແລະ ຂໍ້ມູນຂ່າວສານ ທີ່ສອງ ຝ່າຍມີຄວາມສົນໃຈ.