ເປີດງານສັບປະດາແຫ່ງຊາດດ້ານຄວາມປອດໄພທາງຖະໜົນ


...

09.04.2018 10:03     

   ກະຊວງໂຍທາທິການ ແລະ ຂົນສົ່ງໄດ້ເປີດງານສັບ ປະດາແຫ່ງຊາດດ້ານຄວາມ ປອດໄພທາງຖະໜົນ ຂຶ້ນຢ່າງ ເປັນທາງການ ໃນວັນທີ 7 ເມ ສາ ຜ່ານມາ ທີ່ສູນການຄ້າ ລາວ - ໄອເຕັກ ນະຄອນຫຼວງ ວຽງຈັນ ໂດຍການເຂົົ້າຮ່ວມຂອງ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນ ກາງພັກ ເລຂາຄະນະພັກ ເຈົ້າ ຄອງນະຄອນຫຼວງວຽງຈັນ, ທ່ານ ບຸນຈັນ ສິນທະວົງ ກຳ ມະການສູນກາງພັກ ເລຂາຄະ ນະພັກກະຊວງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ປະທານຄະນະກຳມະ ການແຫ່ງຊາດ ດ້ານຄວາມປອດ ໄພທາງຫຼວງ ພ້ອມດ້ວຍພາກສ່ວນຕ່າງໆ ເຂົ້າຮ່ວມ. ຈຸດປະສົງຂອງງານຄັ້ງນີ້ ເພື່ອເປັນການຜັນຂະຫຍາຍເນື້ອ ໃນຈິດໃຈ, ກົດໝາຍ ວ່າດ້ວຍ ການຈະລາຈອນທາງບົກ ສະ ບັບປັບປຸງ ກ່ຽວກັບການຈັດສັບ ປະດາແຫ່ງຊາດ ດ້ານຄວາມ ປອດໄພທາງຖະໜົນ ໂດຍກຳ ນົດເອົາສັບປະດາທຳອິດຂອງ ເດືອນເມສາ ແລະ ກ່ອນສະ ເຫຼີມສະຫຼອງປີໃໝ່ລາວ ເພື່ອ ປຸກລະດົມ ແລະ ປູກຈິດສຳ ນຶກກ່ຽວກັບຄວາມປອດໄພໃນ ການໃຊ້ລົດໃຊ້ຖະໜົນ, ການ ປະຕິບັດກົດລະບຽບຈະລາ ຈອນໃນເວລາຂັບຂີ່ໃຫ້ທຸກ ພາກສ່ວນໃນສັງຄົມຮັບຮູ້ ແລະ ເຫັນຄວາມສຳຄັນຕໍ່ບັນຫາດັ່ງ ກ່າວ ແນໃສ່ເພື່ອຫຼຸຸດຜ່ອນການ ເກີດອຸບັດເຫດ ແລະ ການສູນ ເສຍຊີວິດໃຫ້ຫຼຸຸດໜ້ອຍຖອຍ ລົງເທື່ອລະກ້າວ ແລະ ທັງເປັນ ການປະກອບສ່ວນຈັດຕັ້ງປະຕິ ບັດ ແຜນຍຸດທະສາດ ແລະ ແຜນນະໂຍບາຍຂອງພັກ, ລັດ ຖະບານ ໃນການຫຼຸຸດຜ່ອນຄວາມ ທຸກຍາກ ແລະ ແກ້ໄຂບັນດາ ປະກົດການຫຍໍ້ທໍ້ໃນສັງຄົມ. ພາຍໃນງານໄດ້ມີການ ປ່ອຍຂະບວນຂີ່ລົດຈັກໃສ່ໝວກ ກັນກະທົບ ໂດຍມີສອງເສັ້ນ ທາງຄື: ເສັ້ນທາງທີ 1 ອອກ ຈາກສູນການຄ້າລາວ - ໄອ ເຕັກ ໄປຕາມຖະໜົນກຳແພງ ເມືອງຮອດທາງແຍກໜອງໄຮ - ຈີ່ນາຍໂມ້ - ໂພນທັນແລ້ວ ກັບເຂົ້າສູ່ງານທີ່ໄອເຕັກ, ເສັ້ນ ທາງທີ 2 ແມ່ນອອກຈາກສູນ ການຄ້າລາວ - ໄອເຕັກໄປ ຕາມຖະໜົນກຳແພງເມືອງ ຮອດສາມແຍກຮ່ອງແຊງຜ່ານ ປະຕູໄຊ - ອະນຸສາວະລີເຈົ້າ ຟ້າງຸ່ມ - ຫໍຄຳ - ທາດຫຼວງ ແລ້ວກັບສູ່ໄອເຕັກ ຊຶ່ງຂະບວນ ຂັບຂີ່ລົດຈັກດັ່ງກ່າວແມ່ນຂັບ ຂີ່ໂດຍນັກຮຽນຈາກໂຮງຮຽນ ມັດທະຍົມສົມບູນວຽງຈັນ - ໂຮ່ ຈິມິນ, ໂຮງຮຽນມິດຕະພາບ ລາວ - ຫວຽດນາມ, ໂຮງຮຽນ ມັດທະຍົມສົມບູນເພຍວັດ, ມັດ ທະຍົມສົມບູນຈັນທະບູລີ ແລະ ຄະນະວິສະວະກຳສາດ ມະຫາ ວິທະຍາໄລແຫ່ງຊາດ ລວມ 400 ຄັນ ແລະ ນັກຮຽນ 800 ຄົນ. ນອກຈາກນັ້ນຍັງມີກິດຈະ ກຳການໂຕ້ວາທີ ລະຫວ່າງໂຮງ ຮຽນມັດທະຍົມສົມບູນ ໃນຫົວ ຂໍ້ຄື: 1. ການໃສ່ໝວກ ແລະ ບໍ່ໃສ່ໝວກກັນກະທົບ. 2. ການ ໃຊ້ໂທລະສັບໃນເວລາຂັບຂີ່. 3. ທ່ອງທ່ຽວປອດໄພດື່ມເຫຼົ້າ ບໍ່ຂັບລົດ, ການຕັ້ງຮ້ານວາງ ສະແດງ ແລະ ແນະນຳກ່ຽວ ກັບການນຳໃຊ້ລົດໃຫ້ມີຄວາມ ຖືກຕ້ອງ ແລະ ປອດໄພ. ພິ ເສດ ຮ້ານຂອງກົມຂົນສົ່ງໄດ້ມີ ການແນະນຳກ່ຽວກັບການເຂົ້າ ຮຽນຂັບລົດ, ຂັ້ນຕອນການ ສອບເສັງໃບຂັບຂີ່ ແລະ ຕໍ່ ຫຼື ອອກໃບຂັບຂິ່ໃໝ່ແທນໃບເກົ່າທີ່ ໝົດກຳນົດ, ຖາມ - ຕອບຄວາມ ຮູ້ກ່ຽວກັບກົດຈະລາຈອນ. (ຂ່າວ: ນ. ສະຫວັນຄຳ)