ທ່ານ ສອນໄຊ ສີພັນດອນ ເຄື່ອນໄຫວ ຢ້ຽມຢາມແຂວງອັດຕະປື


...

09.04.2018 10:03     

   ທ່ານ ສອນໄຊ ສີພັນ ດອນ ຮອງນາຍົກລັດຖະມົນຕີ ພ້ອມດ້ວຍຄະນະໄດ້ສືບຕໍ່ ເຄື່ອນໄຫວຢ້ຽມຢາມ ແລະເຮັດ ວຽກຢູ່ແຂວງອັດຕະປື ເມື່ອວັນ ທີ 4-5 ເມສາຜ່ານມາ ໂດຍມີ ທ່ານ ເລັດ ໄຊຍະພອນ ເຈົ້າ ແຂວງອັດຕະປື ພ້ອມດ້ວຍບັນ ດາຮອງເຈົ້າແຂວງ, ຄະນະພັກ ຄະນະນຳແຂວງ, ພະແນກການ ແລະ ຫ້ອງການອ້ອມຂ້າງໃຫ້ ການຕ້ອນຮັບຢ່າງອົບອຸ່ນ. ໃນການມາຢ້ຽມຢາມຄັ້ງ ນີ້, ທ່ານ ເລັດ ໄຊຍະພອນ ໄດ້ ລາຍງານໃຫ້ຊາບກ່ຽວກັບການ ຈັດຕັ້ງຜັນຂະຫຍາຍມະຕິກອງ ປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ແລະ ແຜນພັດທະນາເສດຖະກິດ- ສັງຄົມແຫ່ງຊາດ 5 ປີ ຄັ້ງທີ VIII ໃນໄລຍະຜ່ານມາ ໂດຍ ສະເພາະໄຕມາດທີ 1 ຂອງປີ 2018, ທິດທາງແຜນການໃນ ຕໍ່ໜ້າ ແລະ ບັນດາວຽກງານທີ່ ປິ່ນອ້ອມ. ໃນໂອກາດນີ້, ທ່ານ ສອນໄຊ ສີພັນດອນ ໄດ້ສະ ແດງຄວາມຊົມເຊີຍ ແລະ ຕີ ລາຄາສູງຕໍ່ບັນດາຜົນງານທີ່ ຄະນະພັກ - ຄະນະອຳນາດ ການປົກຄອງແຂວງ ແລະ ປະ ຊາຊົນຊາວແຂວງອັດຕະປື ຍາດມາໄດ້ໃນໄລຍະຜ່ານມາ. ຄຽງຄູ່ກັບຜົນງານ ແລະ ຜົນສຳ ເລັດດັ່ງກ່າວ ກໍຍັງມີບັນຫາສິ່ງ ທ້າທາຍຫຼາຍປະການ ທີ່ຈະ ຕ້ອງໄດ້ເອົາໃຈໃສ່ ຊຶ່ງກ່ອນ ອື່ນໝົດ ແມ່ນການບຸກທະລຸ ແນວຄິດຈິນຕະນາການໃໝ່ ຕິດພັນກັບວຽກງານກໍ່ສ້າງຮາກ ຖານການເມືອງ ແລະ ພັດທະ ນາຊົນນະບົດຮອບດ້ານ, ວຽກ ງານການສຶກສາອົບຮົມແນວ ຄິດ ແລະ ການປັບປຸງລະບົບ ການເມືອງຢູ່ຮາກຖານຕາມ 5 ໜ່ວຍງານຂອງບ້ານ ທີ່ກຳນົດ ໄວ້ໃນມະຕິຂອງກົມການເມືອງ ສູນກາງພັກ, ເອົາໃຈໃສ່ວຽກ ງານ ປກຊ-ປກສ ຢູ່ຮາກຖານ, ພ້ອມກັນຕ້ານການຄ້າມະນຸດ ແລະ ແກ້ໄຂບັນຫາສິ່ງເສບຕິດ, ດ້ານເສດຖະກິດແມ່ນໃຫ້ເອົາ ໃຈໃສ່ຕໍ່ກັບການປູກ-ການລ້ຽງ ທີ່ເປັນທ່າແຮງໜຶ່ງທີ່ສຳຄັນ ຂອງແຂວງ ຕິດພັນກັບການປຸງ ແຕ່ງ ແລະ ຜະລິດເປັນສິນຄ້າ ພ້ອມທັງສົ່ງເສີມເສດຖະກິດ ຄອບຄົວແບບເປີດກວ້າງ ແລະ ແບບເປັນຟາມ ທີ່ມີລະບົບຄົບ ຊຸດ, ເສີມຂະຫຍາຍມູນເຊື້ອ ຂອງກຸ່ມການຜະລິດ ແລະ ກຸ່ມ ວິຊາຊີບຕ່າງໆ ທີ່ມີບົດຮຽນ ແລະ ປະສົບຜົນສຳເລັດເປັນ ຢ່າງດີ, ດ້ານວັດທະນະທຳ-ສັງ ຄົມ ໃຫ້ເອົາໃຈໃສ່ຕື່ມຕໍ່ຄາດ ໝາຍສູ້ຊົນ ເພື່ອປະກອບສ່ວນ ນຳພາປະເທດຫຼຸຸດພົ້ນອອກ ຈາກສະຖານະພາບດ້ອຍພັດ ທະນາ ໂດຍສະເພາະການປະ ຕິບັດດັດຊະນີໝາຍຕ່າງໆ ທີ່ ກຳນົດໄວ້ໃນເປົ້າໝາຍການ ພັດທະນາແບບຍືນຍົງ (SDGs), ການພັດທະນາຊົນ ນະບົດກໍໃຫ້ມີການປຸກລະດົມ ການປະກອບສ່ວນຂອງພາກ ສ່ວນເສດຖະກິດພາຍໃນແຂວງ, ກະຕຸກຊຸກຍູ້ການຄ້າຕາມຊາຍ ແດນ ເພື່ອສົ່ງເສີມການຜະລິດ ກະສິກຳເປັນສິນຄ້າ ແລະ ສ້າງ ລາຍຮັບໃຫ້ແກ່ປະຊາຊົນ, ຕິດ ຕາມກວດກາບັນດາໂຄງການ ລົງທຶນຕ່າງໆ ກ່ຽວກັບບັນຫາ ການນຳເຂົ້າແຮງງານບໍ່ຖືກ ຕ້ອງຕາມລະບຽບກົດໝາຍ ພ້ອມທັງມີແຜນສ້າງ ແລະ ຍົກ ລະດັບສີມືແຮງງານ-ບຸກຄະ ລາກອນຄົນລາວ ເພື່ອສ້າງ ວຽກເຮັດງານທຳ ແລະ ຕອບ ສະໜອງໃຫ້ແກ່ບັນດາໂຄງ ການລົງທຶນເຫຼົ່ານັ້ນ. ພ້ອມນີ້, ກໍໃຫ້ເອົາໃຈໃສ່ຕື່ມຕໍ່ວຽກງານ ຄຸ້ມຄອງທີ່ດິນ, ວຽກງານສົ່ງ ເສີມຄວາມກ້າວໜ້າຂອງແມ່ ຍິງ ແລະ ແມ່-ເດັກ, ແຜນການ ສ້າງພະນັກງານກະກຽມບຸກ ຄະລາກອນໃຫ້ແກ່ກອງປະຊຸມ 3 ຂັ້ນຂອງພັກ, ວຽກງານອະ ໄພຍະໂທດ, ວຽກງານໂພຊະ ນາການ, ການຫັນວຽກງານ ຄຸ້ມຄອງອິນເຕີເນັດ ເຂົ້າສູ່ຂົງ ເຂດວຽກງານຕ່າງໆ ໃຫ້ມີ ຄວາມທັນສະໄໝ, ວ່ອງໄວ, ໂປ່ງໃສ ແລະ ປະຢັດດ້ານງົບ ປະມານ, ພ້ອມກັນເບິ່ງຄືນ ການພັດທະນາການທ່ອງທ່ຽວ ພາຍໃນແຂວງ ຕິດພັນກັບ ການໂຄສະນາເຜີຍແຜ່ຜ່ານສື່ ຕ່າງໆ ໂດຍການມີສ່ວນຮ່ວມ ຈາກຜູ້ລົງທຶນ, ເອົາໃຈໃສ່ຕື່ມ ການປັບປຸງກົງຈັກການຈັດຕັ້ງ ໃນແຕ່ລະຂັ້ນ, ສຸມໃສ່ພັດທະ ນາເຂດຈຸດສຸມຂອງແຂວງ, ຄຸ້ມຄອງການຍົກຍ້າຍຖິ່ນຖານ ຢ່າງບໍ່ຖືກຕ້ອງ, ຜ່ານການດຳ ເນີນຊີວິດການເມືອງປົວແປງ ພັກ ພ້ອມກັນສືບຕໍ່ປັບປຸງຍົກ ລະດັບສະຕິຄວາມຮັບຜິດ ຊອບຂອງພະນັກງານ-ສະມາ ຊິກພັກໃຫ້ມີຄວາມເຂັ້ມແຂງ ຂຶ້ນ ຕີຖອຍປະກົດການຫຍໍ້ທໍ້ ຕ່າງໆ ແລະ ສະຫຼຸຸບຕີລາຄາ ຄືນເຄິ່ງສະໄໝໃນການຈັດຕັ້ງ ປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນ ພັດທະນາເສດຖະກິດແຫ່ງ ຊາດ 5 ປີຄັ້ງທີ VIII ກໍຄືແຜນ ພັດທະນາເສດຖະກິດ-ສັງຄົມ ຂອງແຂວງ ເພື່ອໃຫ້ເຫັນເຖິງ ດ້ານດີ-ດ້ານອ່ອນ, ຂໍ້ຄົງຄ້າງ ທີ່ຈະໄດ້ປັບປຸງແກ້ໄຂ ແລະ ສືບຕໍ່ຈັດຕັ້ງປະຕິບັດໃນຕໍ່ໜ້າ ໃຫ້ປະກົດຜົນເປັນຈິງ. ນອກຈາກນີ້, ທ່ານ ສອນ ໄຊ ສີພັນດອນ ແລະ ຄະນະ ຍັງໄດ້ເດີນທາງໄປຢ້ຽມຊົມພື້ນ ຖານການຜະລິດຈຳນວນໜຶ່ງ.