ລັດຖະບານລາວປະດັບຫຼຽນກາມິດຕະພາບ ໃຫ້ຜູ້ຕາງໜ້າອົງການ FAO


...

10.04.2018 10:51     

   ທ່ານ ສະຕີເຟັນ ຣຸດກາດ ຫົວໜ້າອົງການອາຫານ ແລະ ການກະເສດ (FAO) ປະຈຳ ສປປ ລາວ ໄດ້ຮັບຫຼຽນກາມິດ ຕະພາບ ໃນໂອກາດສຳເລັດ ການປະຕິບັດໜ້າທີ່ຢູ່ ສປປ ລາວ, ພິທີປະດັບຫຼຽນດັ່ງກ່າວ ຈັດຂຶ້ນໃນວັນທີ 6 ເມສາຜ່ານ ມາ ທີ່ກະຊວງກະສິກຳ ແລະ ປ່າໄມ້, ໃຫ້ກຽດປະດັບຫຼຽນ ໂດຍທ່ານ ລຽນ ທີແກ້ວ ລັດ ຖະມົນຕີກະຊວງກະສິກຳ ແລະ ປ່າໄມ້, ມີພາກສ່ວນກ່ຽວຂ້ອງ ເຂົ້າຮ່ວມ. ທ່ານ ສະຕີເຟັນ ຣຸດກາດ ໄດ້ປະຕິບັດໜ້າທີ່ຢູ່ ສປປ ລາວ ຕັ້ງແຕ່ປີ 2014 ຈົນເຖິງປັດຈຸ ບັນ, ອົງການອາຫານ ແລະ ການ ກະເສດ (FAO) ແມ່ນອົງການ ໜຶ່ງທີ່ນອນໃນເຄືອຂ່າຍຂອງ ອົງການສະຫະປະຊາຊາດ ເພື່ອສະໜັບສະໜູນການ ພັດທະນາຂະແໜງກະສິກຳ ແລະ ປ່າໄມ້ ແລະ ພັດທະນາ ຊົນນະບົດໃນທົ່ວໂລກ. ອົງ ການດັ່ງກ່າວໄດ້ສ້າງຕັ້ງຫ້ອງ ການທີ່ ສປປ ລາວ ໃນປີ 1987 ເປັນຕົ້ນມາ, ຕະຫຼອດໄລຍະ 40 ກວ່າປີ ທີ່ຜ່ານມາ ອົງການ ອາຫານ ແລະ ການກະເສດ ໄດ້ຮ່ວມກັບກະຊວງກະສິກຳ ແລະ ປ່າໄມ້ ປະກອບສ່ວນພັດ ທະນາວຽກງານກະສິກຳ, ປ່າ ໄມ້, ອາຫານ, ໂພຊະນາການ, ການ ພັດທະນາຊົນນະບົດ ແລະ ການແກ້ໄຂຄວາມທຸກຍາກ. ທ່ານ ສະຕີເຟັນ ໄດ້ປະ ກອບສ່ວນຢ່າງຕັ້ງໜ້າເຂົ້າໃນ ການພັດທະນາເສດຖະກິດ-ສັງຄົມ ຢູ່ ສປປ ລາວ ນັບແຕ່ປີ 2014-2018 ເວົ້າລວມ,ກໍຄື ການພັດທະນາຂະແໜງກະສິ ກຳ - ປ່າໄມ້ ແລະ ພັດທະນາ ຊົນນະບົດ ເວົ້າສະເພາະກໍແມ່ນ ດ້ານທຶນຮອນທີ່ສາມາດລະດົມ ຍາດແຍ່ງ ເພື່ອມາຈັດຕັ້ງປະຕິ ບັດແຜນງານ, ໂຄງການທັງ ໝົດມີຈຳນວນ 18 ລ້ານໂດລາ. (ຂ່າວ: ແສງຈັນ)