ສມປຊ ສະຫຼຸຸບວຽກງານກວດກາ


...

10.04.2018 10:51     

   ສະຖາບັນການເມືອງ- ການປົກຄອງແຫ່ງຊາດ (ສມປ ຊ) ໄດ້ຈັດກອງປະຊຸມເຜີຍແຜ່ ເຊື່ອມຊຶມ ເນື້ອໃນກອງປະຊຸມ ວຽກງານກວດກາທົ່ວປະເທດ ປະຈຳປີ 2017 ແລະ ວຽກງານ ພັກ-ພະນັກງານ ຂຶ້ນໃນວັນທີ 9 ເມສາຜ່ານມາ ທີ່ສະຖາບັນ ດັ່ງກ່າວ ໂດຍການເປັນປະ ທານຂອງທ່ານ ທອງສະລິດ ມັງໜໍ່ເມກ ຫົວໜ້າ ສມປຊ, ມີ ບັນດາພະນັກງານຄູ-ອາຈານ ແລະ ນັກສຶກສາເຂົ້າຮ່ວມ. ໃນກອງປະຊຸມຄັ້ງນີ້ ນອກຈາກຮັບຟັງບົດສະຫຼຸຸບ ຕີລາຄາວຽກງານກວດກາປະ ຈຳປີ 2017 ແລະ ທິດທາງແຜນ ການປີ 2018 ຂອງຄະນະກວດ ກາພັກ - ລັດ ສມປຊ ແລະ ຍັງໄດ້ຮັບຟັງສະຫຼຸຸບຕີລາຄາ ວຽກງານກວດກາປະຈຳປີ 2017 ແລະ ທິດທາງແຜນການ ປະຈຳປີ 2018 ຂອງຄະນະ ກວດກາສູນກາງພັກ, ປະກອບ ຄຳຄິດຄຳເຫັນຕໍ່ບົດສະຫຼຸຸບ ວຽກງານກວດກາ ສມປຊ ຮັບຟັງບົດໂອ້ລົມຂອງທ່ານ ບຸນທອງ ຈິດມະນີ ກຳມະການ ກົມການເມືອງສູນກາງພັກ ຄະນະເລຂາທິການສູນກາງ ພັກ ຮອງນາຍົກລັດຖະມົນຕີ ປະທານກວດກາສູນກາງພັກ ແລະ ອົງການກວດກາລັດຖະ ບານຕໍ່ກອງປະຊຸມວຽກງານ ກວດກາທົ່ວປະເທດ ປີ 2017, ຜ່ານບົດແນະນຳເພີ່ມເຕີມຂອງ ຄະນະກວດກາສູນກາງພັກ ເລກທີ 04 ຄກສພ, ລົງວັນທີ 5 ມັງກອນ 2018 ກ່ຽວກັບສິດ ຕົກລົງວິໄນຂອງຄະນະກວດ ກາຂັ້ນເມືອງ ແລະ ທຽບເທົ່າ, ຜ່ານຂໍ້ກຳນົດຂອງຄະນະກວດ ກາລັດຖະບານ ເລກທີ 27/ອກລ, ລົງວັນທີ 30 ມັງກອນ 2018 ກ່ຽວກັບການດຳເນີນ ຄະດີການສໍ້ລາດບັງຫຼວງ, ຜ່ານບົດແນະນຳຂອງອົງການ ກວດກາລັດຖະບານ ເລກທີ 36/ອກລ, ລົງວັນທີ 5ກຸມພາ 2018 ກ່ຽວກັບການກວດກາຕາມຜົນ ຂອງການກວດສອບ, ເຜີຍແຜ່ ຄຳສັ່ງຂອງກົມການເມືອງສູນ ກາງພັກ ສະບັບເລກທີ 01/ກມສພ, ລົງວັນທີ 3 ມັງກອນ 2018 ວ່າດ້ວຍການເພີ່ມທະ ວີການກໍ່ສ້າງໜ່ວຍພັກປອດ ໃສ, ເຂັ້ມແຂງ, ໜັກແໜ້ນ, ຜ່ານມະຕິຂອງກົມການເມືອງ ສູນກາງພັກ ສະບັບເລກທີ 030/ ກມສພ, ລົງວັນທີ 3 ມັງກອນ 2018 ວ່າດ້ວຍມາດ ຕະຖານຂອງພະນັກງານນຳ ພາ-ຄຸ້ມຄອງ, ເຜີຍແຜ່ມະຕິ ຂອງກົມການເມືອງສູນກາງ ພັກ, ສະບັບເລກທີ 031/ ກມສພ, ລົງວັນທີ 3 ມັງກອນ 2018 ວ່າດ້ວຍວຽກງານຄຸ້ມ ຄອງພະນັກງານ ແລະ ຜ່ານມະ ຕິຂອງກົມການເມືອງ ສູນກາງ ພັກ ສະບັບເລກທີ 032/ກມສພ, ລົງວັນທີ 3 ມັງກອນ 2018 ວ່າດ້ວຍການສ້າງແຜນກຳນົດ ພະນັກງານນຳພາຄຸ້ມຄອງ.