ກຽມພົບກັບງານມະຫະກຳຊັບສິນທາງປັນຍາ


...

10.04.2018 10:51     

   ກະຊວງວິທະຍາສາດ ແລະ ເຕັກໂນໂລຊີ ຈະໄດ້ຈັດ ງານມະຫະກຳຊັບສິນທາງປັນ ຍາຄັ້ງທີ 4 ຂຶ້ນ ພາຍໃຕ້ຄຳ ຂວັນ "ເສີມສ້າງຊັບສິນທາງ ປັນຍາ ເພື່ອພັດທະນາເສດຖະ ກິດ-ສັງຄົມ ແລະ ວັດທະນະ ທຳແບບຍືນຍົງ" ຊຶ່ງຈະເລີ່ມ ແຕ່ວັນທີ 21 ເມສາ ເຖິງ ວັນທີ 1 ພຶດສະພາ 2018 ທີ່ສູນການ ຄ້າລາວ-ໄອເຕັກ ແລະ ຈັດພິທີ ສະເຫຼີມສະຫຼອງວັນຊັບສິນ ທາງປັນຍາໂລກ ຂຶ້ນໃນວັນທີ 26 ເມສາ ພາຍໃຕ້ຄຳຂວັນ "ແມ່ຍິງສ້າງນະວັດຕະກຳ ແລະ ປະດິດຄິດແຕ່ງເປັນພະລັງ ແຫ່ງການປ່ຽນແປງ". ຊຶ່ງພິທີ ຖະແຫຼງຂ່າວດັ່ງກ່າວໄດ້ຈັດ ຂຶ້ນໃນວັນທີ 5 ເມສາ ຜ່ານມາ, ທີ່ກະຊວງດັ່ງກ່າວ ໂດຍການ ຖະແຫຼງຂ່າວຂອງ ທ່ານ ຫຸມພັນ ອິນທິຣາດ ຮອງລັດຖະມົນຕີ ກະຊວງວິທະຍາສາດ ແລະ ເຕັກ ໂນໂລຊີ, ທ່ານ ນາງ ບັນດິດ ປະທຸມວັນ ຮອງປະທານຄະ ນະບໍລິຫານງານສູນກາງສະ ຫະພັນແມ່ຍິງລາວ. ທ່ານ ຫຸມພັນ ອິນທິຣາດ ໄດ້ກ່າວວ່າ: ການຈັດງານມະ ຫະກຳຊັບສິນທາງປັນຍາ ດັ່ງ ກ່າວແມ່ນເພື່ອໂຄສະນາເຜີຍ ແຜ່ຄວາມຮູ້ສ້າງຄວາມເຂົ້າໃຈ ແລະ ເຫັນໄດ້ຄວາມສຳຄັນ ຂອງວຽກງານຊັບສິນທາງປັນ ຍາຕໍ່ການພັດທະນາເສດຖະ ກິດ-ສັງຄົມ ແລະ ວັດທະນະ ທຳແບບຍືນຍົງຂອງປະເທດ ເຮົາ ເຮັດໃຫ້ສາທາລະນະຊົນ ໄດ້ຮັບຮູ້ຂໍ້ມູນຂ່າວສານກ່ຽວ ກັບການສົ່ງເສີມຫົວຄິດປະດິດ ສ້າງ, ການປະດິດຄິດແຕ່ງ, ເສດຖະກິດພູມປັນຍາ,ການ ຄຸ້ມຄອງ ແລະ ປົກປ້ອງສິດ ທາງດ້ານຊັບສິນທາງປັນຍາ ເພື່ອຮັບປະກັນຜົນປະໂຫຍດ ອັນຊອບທຳຂອງເຈົ້າຂອງ ຊັບສິນທາງປັນຍາ ແລະ ຜົນ ປະໂຫຍດຂອງລັດ, ສັງຄົມ, ຊຸກຍູ້ການຄົ້ນຄວ້າ ແລະ ພັດ ທະນາວິທະຍາສາດ ເຕັກໂນ ໂລຊີ ແລະ ນະວັດຕະກຳ, ການຖ່າຍທອດເຕັກໂນໂລຊີ ຢູ່ພາຍໃນ ແລະ ຈາກຕ່າງ ປະເທດ, ແນໃສ່ສົ່ງເສີມການ ຄ້າ, ການລົງທຶນ ແລະ ຄວາມ ອາດສາມາດແຂ່ງຂັນໃຫ້ແກ່ ເສດຖະກິດແຫ່ງຊາດໃນຍຸກ ໂລກາພິວັດຢ່າງມີປະສິດທິ ພາບ, ປະກອບສ່ວນເຂົ້າໃນ ການຫັນປະເທດເປັນອຸດສາ ຫະກຳ ແລະ ທັນສະໄໝເທື່ອ ລະກ້າວ. ພາຍໃນງານມະຫະ ກຳຊັບສິນທາງປັນຍາດັ່ງກ່າວ ເຈົ້າຂອງຜົນງານ, ຜູ້ປະກອບ ການ ແລະ ຜູ້ສົນໃຈທັງພາຍ ໃນ ແລະ ຕ່າງປະເທດ ໄດ້ມີ ໂອກາດພົບປະ, ແລກປ່ຽນບົດ ຮຽນ, ນຳເອົາຜົນງານຜະລິດ ຕະພັນທາງດ້ານຊັບສິນທາງ ປັນຍາ ແລະ ພູມປັນຍາພື້ນ ບ້ານອັນເປັນມູນເຊື້ອຂອງຕົນ ມາວາງສະແດງແລກປ່ຽນຊື້-ຂາຍນຳກັນອີກດ້ວຍ. ໃນງານ ດັ່ງກ່າວ ຈະໄດ້ເຊື້ອເຊີນທັງ ພາກລັດ, ພາກເອກະຊົນພາຍ ໃນ ແລະ ຕ່າງປະເທດ ນັບທັງ ສະຖານທູດ, ອົງການຈັດຕັ້ງ ສາກົນ, ປະເທດສະມາຊິກ ອາຊຽນ ແລະ ປະເທດອື່ນໆ ເຂົ້າຮ່ວມເປັນຕົ້ນແມ່ນຈາກ ສສ ຫວຽດນາມ, ສປ ຈີນ ແລະ ຣາຊະອານາຈັກໄທ, ພ້ອມ ກັນນັ້ນ ກໍຈະມີການມອບ ຂັນຊົມເຊີຍຜູ້ປະກອບການ ທຸລະກິດທີ່ນຳໃຊ້ເຄື່ອງໝາຍ ການຄ້າ ເຂົ້າໃນສິນຄ້າ ເພື່ອ ດຳເນີນທຸລະກິດທີ່ມີຜົນສຳ ເລັດອັນຍາວນານກວ່າໝູ່ໃນ ສປປ ລາວ ອີກດ້ວຍ.