ມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ເສຍຊີວິດໃນປາງສົງຄາມຢູ່ລາວ


...

11.04.2018 9:00     

   ມອບ-ຮັບ ສິ່ງເສດເຫຼືອ ຂອງທະຫານອາເມຣິກາທີ່ໄດ້ ເສຍຊີວິດໃນປາງສົງຄາມຢູ່ ລາວ ທີ່ໄດ້ຄົ້ນພົບຈາກການ ປະຕິບັດງານຮ່ວມໃນພາກສະ ສະໜາມລະຫວ່າງລາວ - ອາ ເມຣິກາ ຄັ້ງທີ 2 ແລະ 3 ປະຈຳ ສົກປີ 2017 - 2018 ຢູ່ແຂວງ ຄຳມ່ວນ. ພິທີມອບ-ຮັບ ໄດ້ຈັດຂຶ້ນ ໃນວັນທີ 9 ເມສານີ້ ທີ່ສະ ໜາມບິນປາກເຊ ແຂວງຈຳ ປາສັກ ຕາງໜ້າໃຫ້ແກ່ລັດຖະ ບານ ສປປ ລາວ ໂດຍແມ່ນ ທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີກະຊວງການ ຕ່າງປະເທດ, ຜູ້ຊີ້ນຳວຽກງານ MIA, ເປັນຜູ້ກ່າວມອບ ແລະ ຕາງໜ້າໃຫ້ແກ່ລັດຖະບານ ແຫ່ງ ສະຫະລັດອາເມຣິກາໂດຍ ແມ່ນ ທ່ານ ໄມເຄິຣ ແຟັງລິນ ເກລນ (Michael Fanklin Kleine) ອຸປະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ເປັນຜູ້ກ່າວຮັບ. ໂດຍສືບຕໍ່ປະຕິບັດນະ ໂຍບາຍມະນຸດສະທຳ ອັນສະ ເໝີຕົ້ນສະເໝີປາຍ ຂອງລັດຖະ ບານ ແຫ່ງ ສປປ ລາວ ທີ່ມີຕໍ່ ຄອບຄົວກໍຄືຍາດຕິພີ່ນ້ອງຂອງ ທະຫານອາເມຣິກາທີ່ຜູ້ຫາຍ ສາບສູນໃນປາງສົງຄາມຢູ່ລາວ ແລະ ອີງຕາມການຮ້ອງຂໍຂອງ ລັດຖະບານອາເມຣິກາ ໃນ ການແກ້ໄຂບັນຫາດັ່ງກ່າວ. ຕະຫຼອດໄລຍະເວລາ 30 ກວ່າ ປີ ແຫ່ງການຮ່ວມມືສອງຝ່າຍ ລາວ-ອາເມຣິກາ ໃນການດຳ ເນີນການສຳຫຼວດ ແລະ ຂຸດ ຄົ້ນ ເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານ ອາເມຣິກາ ທີ່ຫາຍສາບສູນໃນ ປາງສົງຄາມຢູ່ລາວໄດ້ຮັບຜົນ ເກືອບ 50% ຂອງຈຳນວນ ຜູ້ຫາຍສາບສູນທັງໝົດ. ອີງ ຕາມໂຕເລກທີ່ຝ່າຍອາເມຣິ ກາ ແຈ້ງໃຫ້ຝ່າຍລາວຊາບ, ທະ ຫານອາເມຣິກາ ທີ່ຫາຍສາບ ສູນ ໃນປາງສົງຄາມຢູ່ລາວ ທັງ ໝົດມີ 573 ຄົນ. ມາຮອດປັດ ຈຸບັນ, ລັດຖະບານລາວ ໄດ້ ມອບສິ່ງເສດເຫຼືອທະຫານ ອາເມຣິກາ ທີ່ໄດ້ເສຍຊີວິດຢູ່ ລາວ ທີ່ສັນນະສູດໄດ້ແລ້ວ ຈຳ ນວນ 281 ຄົນ ໃຫ້ແກ່ຝ່າຍ ອາເມຣິກາ ແລະ ຍັງອີກ 292 ຄົນທີ່ຍັງເຫຼືອແມ່ນຈະໄດ້ຮ່ວມ ກັນສືບຕໍ່ຄົ້ນຫາໃນການປະຕິ ບັດງານຄັ້ງຕໍ່ໄປ. ການທີ່ທັງສອງຝ່າຍ ລາວ-ອາເມຣິກາ ໄດ້ຮັບຜົນ ສຳເລັດອັນດີດັ່ງກ່າວ ໃນວຽກ ງານການສຳຫຼວດ ແລະ ຂຸດ ຄົ້ນ ກໍຍ້ອນຄວາມເອົາໃຈໃສ່ ຢ່າງຈິງໃຈຂອງລັດຖະບານ ແລະ ເຈົ້າໜ້າທີ່ຂອງລາວທຸກໆ ຂັ້ນ ແຕ່ສູນກາງຈົນຮອດທ້ອງ ຖິ່ນ ແລະ ການຮ່ວມມືອັນດີ ຂອງປະຊາຊົນບັນດາເຜົ່າ.