ສະຫາຍ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ຕ້ອນຮັບຄະນະຊາວໜຸ່ມ-ເຍົາວະຊົນລາວ


...

12.04.2018 9:02     

    ເນື່ອງໃນໂອກາດວັນສ້າງ ຕັ້ງຊາວໜຸ່ມປະຊາຊົນ ປະຕິວັດລາວ ຄົບຮອບ 63 ປີ, ຄະ ນະນຳສູນກາງຊາວໜຸ່ມປະຊາຊົນ ປະຕິວັດ ລາວ ນຳໂດຍສະຫາຍ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ພ້ອມດ້ວຍຄະນະ ເລຂາທິການຊາວໜຸ່ມ ປະຊາຊົນ ປະຕິວັດລາວ, ເລຂາຊາວໜຸ່ມບັນດາກະຊວງ, ອົງການ ຕະຫຼອດຮອດສະມາຊິກຊາວໜຸ່ມ-ເຍົາວະ ຊົນ ໄດ້ເຂົ້າຢ້ຽມຂ່ຳນັບ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ ປະທານປະເທດ ແຫ່ງ ສປປ ລາວ ໃນວັນທີ 11 ເມສານີ້ ທີ່ທຳນຽບປະທານປະເທດ. ໃນໂອກາດນີ້ ສະຫາຍ ເລຂາຄະນະບໍລິຫານງານຊາວ ໜຸ່ມ ປປ ລາວ ໄດ້ລາຍງານ ກ່ຽວກັບວຽກງານຊາວໜຸ່ມ- ເຍົາວະຊົນໂດຍຫຍໍ້ວ່າ: ມາ ເຖິງປັດຈຸບັນ ທົ່ວປະເທດມີຈຳ ນວນຊາວໜຸ່ມ-ເຍົາວະຊົນ ກວມເອົາ 62%, ໄດ້ມີຄວາມ ສາມັກຄີຮັກແພງປອງດອງກັນ ແລະ ມີມູນເຊື້ອຮັກຊາດ, ຮັກ ທ່ານຜູ້ນຳ, ຮັກປະຊາຊົນບັນ ດາເຜົ່າ ແລະ ມີຄວາມຮູ້ຄວາມ ສາມາດໃນທຸກໆວຽກງານ. ສະຫາຍເລຂາທິການໃຫຍ່ ປະທານປະເທດ ໄດ້ໂອ້ລົມຕໍ່ ຄະນະຊາວໜຸ່ມ-ເຍົາວະຊົນ ຊຶ່ງມີເນື້ອໃນສຳຄັນວ່າ: ຕະ ຫຼອດໄລຍະ 63 ປີທີ່ຜ່ານມາ, ຊາວໜຸ່ມແມ່ນກ້ອນກຳລັງທີ່ ແຂງແຮງ ໃນການປະກອບ ສ່ວນສ້າງສາພັດທະນາເສດ ຖະກິດ-ສັງຄົມ, ຊາວໜຸ່ມເປັນ ກອງນຳໜ້າພາທາງ ດັ່ງຄຳເວົ້າ ທີ່ວ່າ: "ບ່ອນໃດຍາກຊາວໜຸ່ມ ບຸກ ບ່ອນໃດທຸກຊາວໜຸ່ມຜ່ານ ຜ່າ ບ່ອນໃດຊາດຕ້ອງການ ຊາວໜຸ່ມມີໜ້າ", ຮັກສາໄດ້ມູນ ເຊື້ອດຸໝັ່ນ, ສາມັກຄີເປັນຈິດ ໜຶ່ງໃຈດຽວກັນ, ຮັກສາໄດ້ ຄວາມສະຫງົບ, ປອດໄພ. ສະ ນັ້ນ ຊາວໜຸ່ມຕ້ອງໄດ້ເປັນເຈົ້າ ການ ໃນການສຶກສາຮ່ຳຮຽນ ເພື່ອນຳເອົາຄວາມຮູ້ມາພັດ ທະນາປະເທດຊາດ, ຮັກປະ ເທດຊາດຕ້ອງຮ່ວມກັນພັດທະ ນາ ໃຫ້ຈະເລີນກ້າວໄປຂ້າງ ໜ້າ, ຊາວໜຸ່ມ ຕ້ອງແມ່ນຜູ້ທີ່ ມີຄວາມຮູ້ ຄວາມສາມາດ ແລະ ຄຸນສົມບັດຢ່າງພຽງພໍ ຈຶ່ງຈະເຫັນອະນາຄົດຂອງປະ ເທດຊາດ ແລະ ອະນາຄົດຮຸ່ງ ເຮືອງຂອງຕົນເອງ. ທີ່ຜ່ານມາ ຊາວໜຸ່ມ-ເຍົາວະຊົນ ກໍມີ ຄວາມຮູ້, ຄວາມສາມາດທີ່ເກັ່ງ ແລ້ວ ດັ່ງສະແດງອອກໃນການ ສອບເສັງນັກຮຽນເກັ່ງທັງລະ ດັບພາຍໃນ ແລະ ຕ່າງປະເທດ. ສະນັ້ນແລ້ວ ຈະຕ້ອງໄດ້ເອົາ ໃຈໃສ່ຝຶກຝົນຫຼໍ່ຫຼອມຕົນເອງ ໃຫ້ໄປຕາມອຸດົມການຂອງພັກ, ເຮັດຕາມຄວາມມຸ່ງມາດປາ ຖະໜາອັນແຮງກ້າຂອງປະຊາ ຊົນບັນດາເຜົ່າ, ຮຽນເພື່ອຮັບ ໃຊ້ຜົນປະໂຫຍດຂອງປະເທດ ຊາດ ແມ່ນຖືເປັນສຳຄັນອັນ ດັບໜຶ່ງ, ຈາກນັ້ນ ຈຶ່ງແມ່ນເພື່ອ ຜົນປະໂຫຍດຂອງຕົນ, ຕ້ອງ ໄດ້ເອົາໃຈໃສ່ສຶກສາຮ່ຳຮຽນ, ສືບທອດສິ່ງດີທີ່ຍອດຍິ່ງ ສ້າງ ເຍົາວະຊົນໃຫ້ກາຍເປັນເຍົາ ວະຊົນຂອງພັກ, ຂອງຊາດ, ຂອງປະຊາຊົນຢ່າງແທ້ຈິງ. ນອກຈາກນັ້ນແລ້ວ ຍັງມີບັນ ດາຊາວໜຸ່ມຈຳນວນບໍ່ໜ້ອຍ ຕ້ອງໄດ້ອອກແຮງສຶກສາຮ່ຳ ຮຽນ, ຮຽນວິຊາຊີບໃຫ້ມີສີມື ແຮງງານໃນລະດັບທີ່ແນ່ນອນ, ພິເສດຕ້ອງໄດ້ມີການຫັນປ່ຽນ ຈາກອັນເກົ່າ ກ້າວໄປສູ່ອັນ ໃໝ່ ບໍ່ວ່າຈະແມ່ນຊາວໜຸ່ມຢູ່ ໃນຕົວເມືອງ ກໍຄືຢູ່ຊົນນະບົດ, ຕ້ອງມີຄວາມຮັກການອອກ ແຮງງານ, ຮັກຜູ້ນຳ, ຮັກພໍ່ແມ່, ຄູ-ອາຈານ ຕ້ອງເປັນຜູ້ນຳພາ ເຂົາເຈົ້າ ເຮັດໃຫ້ໄດ້ບັນຫາທີ່ ກ່າວມາຂ້າງເທິງນັ້ນ. ຈາກນັ້ນ, ເລຂາຄະນະບໍ ລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ຍັງ ໄດ້ປະຕິຍານວ່າ: ຈະເດັດດ່ຽວ ເຕົ້າໂຮມຄວາມສາມັກຄີ ໃຫ້ ຖືກທິດທາງຕໍ່ພັກ-ລັດ, ຖືສຳ ຄັນວຽກງານການເມືອງ-ແນວ ຄິດເປັນກົກ, ເອົາໃຈໃສ່ການ ສຳມະນາວິທະຍາສາດ ພ້ອມ ທັງປູກຈິດສຳນຶກໃຫ້ຊາວໜຸ່ມ ເຫັນຄ່ານິຍົມທີ່ຖືກຕ້ອງ, ທັງ ສ້າງຂະບວນການຂອງຊາວ ໜຸ່ມໃຫ້ເປັນຂະບວນການທີ່ ຟົດຟື້ນ. (ຂ່າວ: ແສງຈັນ)