ນາຍົກລັດຖະມົນຕີ ເຄື່ອນໄຫວເຮັດວຽກຢູ່ ແຂວງສະຫວັນນະເຂດ


...

12.04.2018 9:12     

    ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ຄະນະໄປເຄື່ອນໄຫວ ແລະ ຊຸກຍູ້ ການຜະລິດຢູ່ແຂວງສະຫວັນນະເຂດ ໃນວັນທີ 9 ເມສາ ຜ່ານມາ ໂດຍໄດ້ຮັບການຕ້ອນຮັບຢ່າງ ອົບອຸ່ນຈາກ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍຄະນະນຳ ຂອງ ແຂວງ, ບັນດາພະແນກການ, ເມືອງ ແລະ ພາກສ່ວນທີ່ກ່ຽວຂ້ອງພາຍໃນແຂວງດັ່ງກ່າວ. ການເຮັດວຽກຄັ້ງນີ້ ທ່ານນາຍົກລັດຖະມົນຕີ ໄດ້ໃຫ້ກຽດພົບປະໂອ້ລົມຕໍ່ການນຳຫຼັກແຫຼ່ງຂອງ ແຂວງ, ກ່ອນອື່ນ ແມ່ນໄດ້ຮັບຟັງການລາຍງານຫຍໍ້ກ່ຽວກັບ ສະພາບການພັດທະນາເສດ ຖະກິດ - ສັງຄົມ ຂອງແຂວງ ຈາກທ່ານເຈົ້າແຂວງ ຊຶ່ງເຫັນ ວ່າ: ທົ່ວແຂວງສືບຕໍ່ມີຄວາມ ສະຫງົບທາງດ້ານການເມືອງ, ສັງຄົມມີຄວາມປອດໄພໂດຍ ພື້ນຖານ, ປະກົດການຫຍໍ້ທໍ້ ຕ່າງໆໄດ້ຮັບການແກ້ໄຂຖ້າ ທຽບໃສ່ໄລຍະດຽວກັນຂອງ ປີຜ່ານມາ ເຫັນວ່າດີຂຶ້ນກວ່າ ເກົ່າ, ທົ່ວແຂວງ ຍັງມີຄອບຄົວ ທຸກຍາກ 7.970 ຄອບຄົວ ເທົ່າ ກັບ 4,85% ຂອງຈຳນວນ ຄອບຄົວໃນທົ່ວແຂວງ, ຍັງມີ ບ້ານທຸກຍາກ 110 ບ້ານ ເທົ່າ ກັບ 10,7% ຂອງຈຳນວນບ້ານ ໃນທົ່ວແຂວງ, ເສດຖະກິດຂະ ຫຍາຍຕົວສະເລ່ຍ 9,52%, ສະເລ່ຍຕໍ່ຫົວຄົນໄດ້ 1.952 ໂດລາ ແລະ ອື່ນໆ. ຫຼັງຈາກ ນັ້ນ, ທ່ານນາຍົກລັດຖະມົນຕີ ໄດ້ສະເໜີໃຫ້ບັນດາທ່ານລັດ ຖະມົນຕີ, ຮອງລັດຖະມົນຕີ ກໍຄື ຜູ້ຕາງໜ້າກະຊວງທີ່ກ່ຽວ ຂ້ອງຜັດປ່ຽນກັນມີຄຳເຫັນ ເພື່ອໃຫ້ຄວາມກະຈ່າງແຈ້ງ ຕໍ່ບັນຫາທີ່ຕິດພັນກັບຂະແໜງ ການຂອງຕົນ ໂດຍສະເພາະ ແມ່ນບັນຫາທີ່ທາງແຂວງສະ ຫວັນນະເຂດ ໄດ້ຍົກຂຶ້ນມານຳ ສະເໜີເປັນຕົ້ນ ວຽກງານກະສິ ກຳ ແລະ ຊົນລະປະທານ, ວຽກ ງານອຸດສາຫະກຳ ແລະ ການ ຄ້າ, ການຄຸ້ມຄອງການລົງທຶນ, ການແບ່ງໂຕເລກລັດຖະກອນ, ການຂະຫຍາຍຕາໜ່າງໄຟຟ້າ ໃຫ້ປະຊາຊົນຊົມໃຊ້, ການກໍ່ ສ້າງເສັ້ນທາງ, ການຄຸ້ມຄອງ ແຮງງານ, ການປະຕິບັດວຽກ ງານສະຫວັດດີການສັງຄົມ ແລະ ອື່ນໆ. ໃນໂອກາດດຽວ ກັນ ທ່ານນາຍົກລັດຖະມົນຕີ ກໍໄດ້ໃຫ້ກຽດມີຄຳເຫັນໂອ້ລົມ ຊຶ່ງກ່ອນອື່ນ ທ່ານໄດ້ກ່າວຍ້ອງ ຍໍຊົມເຊີຍ ແລະ ຕີລາຄາສູງຕໍ່ ຜົນສຳເລັດທີ່ອຳນາດການປົກ ຄອງ ແລະ ປະຊາຊົນຊາວ ແຂວງສະຫວັນນະເຂດ ສາ ມາດຍາດມາໄດ້ໃນໄລຍະທີ່ ຜ່ານມາ. ພ້ອມທັງ ຍົກໃຫ້ເຫັນ ສະພາບການພັດທະນາທີ່ພົ້ນ ເດັ່ນ ແລະ ສິ່ງທ້າທາຍຕ່າງໆ ທີ່ປະເທດເຮົາກຳລັງປະເຊີນ ລວມທັງ ມູນເຊື້ນອັນດີງາມ ແລະ ທ່າແຮງໃນການພັດທະນາ ຂອງແຂວງສະຫວັນນະເຂດ ເພື່ອເປັນທິດທາງໃຫ້ແກ່ການ ພັດທະນາເສດຖະກິດ-ສັງຄົມ ພາຍໃນແຂວງໄດ້ຮັບການພັດ ທະນາຢ່າງຮອບດ້ານໃນຕໍ່ໜ້າ ທ່ານນາຍົກລັດຖະມົນຕີ ຍັງໄດ້ ເນັ້ນໜັກໃຫ້ການນຳຫຼັກແຫຼ່ງ ແລະ ພາກສ່ວນທີ່ກ່ຽວຂ້ອງ ເອົາໃຈໃສ່ຕື່ມບາງດ້ານ ເປັນ ຕົ້ນເອົາໃຈໃສ່ຕໍ່ການເບີກຈ່າຍ ເງິນເດືອນແກ່ພະນັກງານ-ລັດ ຖະກອນ ໃຫ້ໄດ້ທັນກຳນົດເວລາ ຢ່າງເປັນປົກກະຕິ ໂດຍຖືເປັນ ໜ້າທີ່ການເມືອງ ແລະ ຄວາມຮັບ ຜິດຊອບຂອງພາກສ່ວນ ແລະ ຂະແໜງການທີ່ກ່ຽວຂ້ອງທຸກ ຂັ້ນ, ລົງເລິກຄຸ້ມຄອງລາຄາ ສິນຄ້າ ດ້ວຍຄວາມເປັນເຈົ້າ ການ, ແທດເຖິງຕົວຈິງ ແລະ ການເປັນແບບຢ່າງໃຫ້ແກ່ທ້ອງ ຖິ່ນອື່ນ ໂດຍຈຳກັດການນຳ ເຂົ້າສິນຄ້າທີ່ສາມາດຜະລິດ ໄດ້ຈາກພາຍໃນ, ສົ່ງເສີມການ ສ້າງມູນຄ່າໃຫ້ແກ່ຜະລິດຕະ ພັນພາຍໃນ ໂດຍສະເພາະ ແມ່ນຜົນຜະລິດຂອງປະຊາ ຊົນ, ເຮັດໃຫ້ລາຄາສິນຄ້າເປັນ ໄປຕາມການກຳນົດໃນແຕ່ລະ ໄລຍະຢ່າງເຄັ່ງຄັດ ຊຶ່ງເຮັດ ແນວໃດໃຫ້ວຽກງານນີ້ ມີການ ຫັນປ່ຽນຢ່າງຈະແຈ້ງ, ເອົາໃຈ ໃສ່ຕໍ່ການຄຸ້ມຄອງການລົງທຶນ ຂອງລັດຢ່າງມີຈຸດສຸມ, ມີການ ເລືອກເຟັ້ນ, ຄິດໄລ່ລາຄາສົມ ເຫດສົມຜົນ ບົນພື້ນຖານຈິດ ໃຈ ປະຢັດມັດທະຍັດ, ມີຄຸນ ນະພາບ, ໄດ້ມາດຕະຖານ, ນຳໃຊ້ໄດ້ຍາວນານ ແລະ ເກີດ ມີປະສິດທິຜົນຕໍ່ປະເທດຊາດ ແລະ ປະຊາຊົນຢ່າງແທ້ຈິງ ພ້ອມກັນນັ້ນ ກໍອຳນວຍຄວາມ ສະດວກ ແລະ ຍາດແຍ່ງ ເອົາການລົງທຶນໃຫ້ຫຼາຍຂຶ້ນ ເລື້ອຍໆ, ສືບຕໍ່ເຂັ້ມງວດ, ເດັດ ຂາດ ແລະ ມີຄວາມສະເໝີພາບ ໃນສັງຄົມຕໍ່ການປະຕິບັດລະ ບຽບກົດໝາຍ ແລະ ນະໂຍບາຍ ຕ່າງໆ ເປັນຕົ້ນ ຄຳສັ່ງເລກທີ 15/ນຍ, ການນຳເຂົ້າສິນຄ້າ ແລະ ນ້ຳມັນເຊື້ອໄຟ, ການແກ້ ໄຂບັນຫາການນຳເຂົ້າລົດບໍ່ ຖືກຕ້ອງ, ການແກ້ໄຂບັນຫາ ຢາເສບຕິດ, ການເສຍພັນທະ ພາສີອາກອນຕ່າງໆ ແລະ ອື່ນໆ ໃນນັ້ນ ວຽກໃດມີເງື່ອນໄຂສາ ມາດຫັນໄປສູ່ທັນສະໄໝ ແລະ ມີ ຄວາມໂປ່ງໃສໄດ້ ແມ່ນໃຫ້ຮີບ ຮ້ອນຈັດຕັ້ງປະຕິບັດ (ບໍ່ແກ່ ຍາວເວລາ) ໂດຍສະເພາະ ວຽກງານການເກັບລາຍຮັບ ເຂົ້າງົບປະມານ, ເອົາໃຈໃສ່ ເກັບລາຍຮັບເຂົ້າງົບປະມານ, ການຄຸ້ມຄອງທີ່ດິນ ແລະ ຊັບ ສິນຂອງລັດບໍ່ໃຫ້ຕົກເຮ່ຍເສຍ ຫາຍ, ພ້ອມທັງເກັບກູ້ໃນສ່ວນ ທີ່ຕົກເຮ່ຍໄປກັບຄືນມາໃຫ້ລັດ ຢ່າງຖືກຕ້ອງ, ຄົບຖ້ວນ, ໂປ່ງ ໃສ ແລະ ທັນຕາມກຳນົດເວລາ. ການເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງ ສະ ຫວັນນະເຂດ ໃນຄັ້ງນີ້, ຄະນະ ຂອງທ່ານນາຍົກລັດຖະມົນຕີ ຍັງໄດ້ໄປຢ້ຽມຢາມຟາມລ້ຽງ ໝູ ວັນທະວີໄຊ ຢູ່ບ້ານຫຼັກ 35 ເມືອງຈຳພອນ, ໄປພົບປະໂອ້ ລົມປະຊາຊົນບ້ານທ່າຂາມ ລຽນ ແລະ ຢ້ຽມຢາມກຸ່ມຜະ ລິດຫັດຖະກຳຕ່ຳແຜ່ນ ບ້ານ ລະຫານ້ຳ ເມືອງສອງຄອນ ຕື່ມອີກ. (ຂ່າວ: ວັນທອງ ສະຫວັນ ນະເຂດ)