ລັດຖະມົນຕີກະຊວງພາຍໃນ ຕ້ອນຮັບ ທູດອົດສະຕຣາລີ ຄົນໃໝ່


...

12.04.2018 9:19     

    ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ຈຽນ ເບີນາດ ຄາຣາສະໂກ (Jean-Bernard Carrasco) ເອກອັກຄະລັດຖະ ທູດອົດສະຕຣາລີ ຄົນໃໝ່ປະ ຈຳລາວ ໃນວັນທີ 10 ເມສາ ຜ່ານ ມາ ທີ່ຫ້ອງຮັບແຂກກະຊວງ ພາຍໃນ. ໃນໂອກາດນີ້ ທ່ານລັດຖະ ມົນຕີກະຊວງພາຍໃນ ໄດ້ສະ ແດງຄວາມຕ້ອນຮັບ ແລະ ຊົມ ເຊີຍຕໍ່ທ່ານທູດຄົນໃໝ່ ທີ່ໄດ້ ມາດຳລົງຕຳແໜ່ງເປັນເອກ ອັກຄະລັດຖະທູດຄົນໃໝ່ ປະ ຈຳ ສປປ ລາວ, ຊຶ່ງເປັນການ ປະກອບສ່ວນເພີ່ມພູນຄູນສ້າງ ແລະ ຮັດແໜ້ນ ສາຍພົວພັນ ມິດຕະພາບ ແລະ ການຮ່ວມມື ລະຫວ່າງສອງປະເທດລາວ- ອົດສະຕຣາລີ ກໍຄືປະຊາຊົນ ສອງປະເທດ ທີ່ເຄີຍມີມາແລ້ວ ນັ້ນໃຫ້ນັບມື້ນັບຂະຫຍາຍຕົວ ຍິ່ງໆຂຶ້ນ. ຈາກນັ້ນ ທ່ານທູດ ກໍ ໄດ້ສະແດງຄວາມຂອບໃຈຕໍ່ ທ່ານລັດຖະມົນຕີກະຊວງພາຍ ໃນ ທີ່ໄດ້ຕ້ອນຮັບ ພ້ອມທັງໃຫ້ ຄຳໝັ້ນສັນຍາວ່າ ໄລຍະການ ມາປະຕິບັດໜ້າທີ່ທາງການ ທູດ ປະຈຳຢູ່ ສປປ ລາວ ຈະ ປະກອບສ່ວນເສີມສ້າງສາຍ ພົວພັນທາງການທູດລະຫວ່າງ ສອງປະເທດໃຫ້ແໜ້ນແຟ້ນ ຂຶ້ນກວ່າເກົ່າ. (ຂ່າວ: ແສງຈັນ)