ພິທີສະເຫຼີມສະຫຼອງ ສຽງແຄນເຊື້ອຊາດລາວ ເຂົ້າເປັນມໍລະດົກດ້ານວັດທະນະທຳ ນາມມະທຳ ຂອງ ມວນມະນຸດ


...

...

13.04.2018 9:21     

    ພິທີສະເຫຼີມສະຫຼອງສຽງ ແຄນເຊື້ອຊາດລາວເຂົ້າເປັນມໍ ລະດົກດ້ານວັດທະນະທຳນາມ ມະທຳຂອງມວນມະນຸດ ໄດ້ ຈັດຂຶ້ນຢ່າງເປັນທາງການໃນ ຕອນຄ່ຳຂອງວັນທີ 11 ເມສາ ຜ່ານມາ ທີ່ຫໍວັດທະນະທຳ ແຫ່ງຊາດ ໂດຍການເປັນກຽດ ເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະ ຍາ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມ ພັນລະຍາ, ທ່ານພົນໂທ ແສງ ນວນ ໄຊຍະລາດ ຮອງປະທານ ສະພາແຫ່ງຊາດ ພ້ອມດ້ວຍ ພັນລະຍາ, ມີບັນດາທ່ານຜູ້ນຳ ພັກ-ລັດ ຂັ້ນສູນກາງ ແລະ ທ້ອງ ຖິ່ນ, ບັນດາທ່ານທູຕານຸທູດ, ແຂກຖືກເຊີນທັງພາຍໃນ ແລະ ຕ່າງປະເທດເຂົ້າຮ່ວມ.
   ໃນພິທີ ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ກ່າວ ວ່າ: ສຽງແຄນລາວເປັນມູນມໍ ລະດົກວັດທະນະທຳອັນລ້ຳຄ່າ ຂອງປວງຊົນລາວເຮົາມາແຕ່ ບູຮານນະການ, ສຽງແຄນໄດ້ ຕິດພັນຢ່າງສະໜິດແໜ້ນກັບ ການດຳລົງຊີວິດຂອງຄົນລາວ ເຮົາໃນທຸກພາກ, ທຸກເຂດແຂວງ ໃນທົ່ວປະເທດ, ໄດ້ຮ່ວມໃຈ, ຮ່ວມທາງ ແລະ ຮ່ວມຄຽງຂ້າງ ກັບຄົນລາວເຮົາໄປທົ່ວທຸກຫົນ ແຫ່ງໃນທຸກມູມໂລກ, ສຽງ ແຄນໄດ້ຝັງເລິກຢູ່ໃນດວງຈິດ ດວງໃຈ ຂອງຄົນລາວເຮົາ ໃນ ທຸກສະຖານະພາບ ແລະ ສຽງ ແຄນກໍຮ່ວມກັບເຊື້ອຊາດລາວ ເຮົາເດີນຜ່ານເສັ້ນທາງອັນ ຍາວໄກ, ລະອິດລະອ້ຽວ ແລະ ສະຫງ່າລາສີແຫ່ງປະຫວັດ ສາດຫຼາຍພັນປີ ຂອງຊາດລາວ ເຮົາ ຈົນມີຄຳເວົ້າສືບຕໍ່ກັນມາ ວ່າ: "ຢູ່ບ່ອນໃດມີສຽງແຄນ ແລ້ວ ບ່ອນນັ້ນມີຄົນລາວ" ຫຼື ຍັງເວົ້າກັນອີກວ່າ "ຜູ້ໃດຢູ່ເຮືອນ ຮ້ານ, ກິນເຂົ້າໜຽວ, ເປົ່າແຄນ ຜູ້ນັ້ນແມ່ນຄົນລາວ", ທ່ານລັດ ຖະມົນຕີກະຊວງ ຖວທ ໄດ້ ກ່າວຕື່ມອີກວ່າ: ເຫດການອັນ ເປັນປະຫວັດສາດນີ້ ເປັນໝາກ ຜົນແຫ່ງການຈັດຕັ້ງປະຕິບັດ ແນວທາງນະໂຍບາຍອັນຖືກ ຕ້ອງສ່ອງໃສຂອງພັກ-ລັດເຮົາ ໂດຍສະເພາະແມ່ນນະໂຍ ບາຍວ່າດ້ວຍວັດທະນະທຳ ເຊິ່ງຍາມໃດພັກເຮົາ ກໍໄດ້ຊີ້ນຳ ໃຫ້ເອົາໃຈໃສ່ປົກປັກຮັກສາ ແລະ ເສີມຂະຫຍາຍມູນເຊື້ອ ວັດທະນະທຳແຫ່ງຊາດເຮົາ ໃຫ້ມີລັກສະນະຊາດ, ມະຫາ ຊົນ ແລະ ກ້າວໜ້າຕິດພັນກັບ ການພັດທະນາເສດຖະກິດ- ສັງຄົມ ຂອງປະເທດຊາດ, ຍືນ ຍົງຄົງຢູ່ຄຽງຄູ່ກັບຊາດລາວ ເຮົາຕະຫຼອດໄປ.
   ພາຍໃນງານສະເຫຼີມສະ ຫຼອງໄດ້ມີການສະແດງສິລະ ປະ ທີ່ມາຈາກສູນກາງ ແລະ ທ້ອງຖິ່ນຕ່າງໆພາຍໃນປະເທດ ແລະ ຕ່າງປະເທດ ລວມມີ 19 ລາຍການສະແດງຄື: 1. ວົງດົນ ຕີອໍແກັສຕຣາ+ແຄນ 200 ດວງ, 2. ສະແດງດ່ຽວແຄນໂດຍ: ທ. ຄຳພັນ ເໜືອນສິດທິດາ ປະ ທານສະໂມສອນສິລະປະ ແຄນ ລາວ, 3. ລຳສາລະວັນ: ສັນລະເສີນແຄນລາວ, 4. ແຄນວົງ (20 ຄົນຍິງ) ແລະ ຮ້ອງ ປະກອບ 20 ຄົນ, 5. ຟ້ອນເຊີ້ງ ສຽງແຄນ (16ຄູ່), 6. ສະແດງ ດ່ຽວແຄນຊາຍໂດຍ: ສິລະປິນ ປີເຕີລີເວີມໍ ຈາກປະ ເທດອັງກິດ, 7. ລຳສີພັນດອນ, ເຊີນທ່ຽວເມືອງລາວ 2018 ຈາກ ແຂວງຈຳປາສັກ, 8. ການສະ ແດງເປົ່າແຄນຈາກແຂວງຫົວ ພັນ, 9. ເປົ່າແຄນວົງຍິງ+ຊາຍ ແລະ ຟ້ອນປະກອບຈາກສູນ ວັດທະນະທຳເດັກ, 10. ເປົ່າ ແຄນມົ້ງ ໂດຍ: ທ. ສິລະປິນ ປໍ ຢ້າງ, 11. ເປົ່າແຄນລວມໝູ່ ຈາກຣາຊະອານາຈັກໄທ, 12. ຂັບໃສ່ສຽງແຄນຈາກຣາຊະອາ ນາຈັກກຳປູເຈຍ, 13. ສະແດງ ດ່ຽວແຄນຊາຍ ຈາກປະເທດ ສະວີເດັນ, 14. ຂັບງື່ມ ຈາກ ແຂວງວຽງຈັນ, 15. ລຳຕັ່ງ ຫວາຍກອນ, ຖິ່ນຕັ່ງຫວາຍໄດ ໂນເສົາ ໂດຍ: ທ. ນວນລະອໍ ຈູມມາລີ, 16. ສະແດງດ່ຽວ ແຄນຊາຍ ຈາກປະເທດຍີ່ປຸ່ນ, 17. ຂັບເຈີມ: ຊົມເຊີຍວັນສ້າງ ຕັ້ງກຳລັງ ປກສ, 18. ສະແດງ ດ່ຽວແຄນຍິງ ປະກອບກາຍະ ສິນ ຈາກປະເທດຝຣັ່ງ ແລະ 19. ສະແດງຟ້ອນປະກອບເພງ ສຽງແຄນລາວ ຈາກໂຮງຮຽນ ສິລະປະແຫ່ງຊາດ ແລະ ກອງສິລະປະກອນແຫ່ງຊາດ.
(ຂ່າວ: ຢຸພິນທອງ)