ທ່ານຮອງນາຍົກເຄື່ອນໄຫວຊຸກຍູ້ ວຽກງານເກັບລາຍຮັບຢູ່ແຂວງອຸດົມໄຊ


...

13.04.2018 9:22     

    ຮອງເຈົ້າແຂວງອຸດົມໄຊ ພ້ອມ ຄະນະໃຫ້ການຕ້ອນຮັບ.
   ທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ ຫົວ ໜ້າພະແນກການເງິນແຂວງ ໄດ້ລາຍງານໂດຍສັງເຂບກ່ຽວ ກັບການຈັດຕັ້ງປະຕິບັດແຜນ ງົບປະມານປະຈຳປີ 2017 ແລະ ທິດທາງແຜນການປະຈຳ ປີ 2018 ວ່າ: ການຈັດຕັ້ງປະຕິ ບັດແຜນເກັບລາຍຮັບພາຍໃນ (ແຜນດັດແກ້) ປະຈຳປີ 2017 ທັງໝົດ 108 ຕື້ກວ່າກີບ, ແຕ່ ຜ່ານການຈັດຕັ້ງປະຕິບັດຕົວ ຈິງສາມາດປະຕິບັດໄດ້ 99 ຕື້ ກວ່າກີບ, ທຽບໃສ່ແຜນການປີ ເທົ່າກັບ 92%, ທຽບໃສ່ໄລຍະ ດຽວກັນເພີ່ມຂຶ້ນ 0,7% ໃນ ນັ້ນ: ລາຍຮັບສ່ວຍສາອາກອນ 93 ຕື້ກວ່າກີບ, ອາກອນປົກກະຕິ 72 ຕື້ກວ່າກີບ, ພາສີທີ່ດິນ 4 ຕື້ກວ່າກີບ, ຄ່າທຳນຽມ 2,6 ຕື້ ກວ່າກີບ, ຄ່າບໍລິການ 13,9 ຕື້ ກວ່າກີບ, ຄຸ້ມຄອງຊັບສິນຂອງ ລັດ 6,4 ຕື້ກວ່າກີບ, ຄຸ້ມຄອງ ລັດວິສາຫະກິດ 7,3 ລ້ານກີບ, ສ່ວນລາຍຮັບພູດສູນກາງໂຕ ເລກແຜນການຈັດເກັບລາຍ ຮັບ (ພາສີ) 9,2 ຕື້ກວ່າກີບ, ຜ່ານການຈັດຕັ້ງປະຕິບັດຕົວ ຈິງໄດ້ທັງໝົດ 19,7 ຕື້ກວ່າກີບ ທຽບແຜນປີ ເທົ່າກັບ 191%. ສຳລັບປີ 2018 ຈະຕ້ອງ ໄດ້ສູ້ຊົນຈັດເກັບລາຍຮັບເຂົ້າ ງົບປະມານໃຫ້ໄດ້ທັງໝົດ 131 ຕື້ກວ່າກີບ ທຽບໃສ່ແຜນດັດແກ້ ປີ 2017 ເພີ່ມຂຶ້ນ 21%.
   ໂອກາດນີ້, ທ່ານຮອງນາ ຍົກຍັງໄດ້ເນັ້ນຫຼາຍບັນຫາໃຫ້ ຂະແໜງການເງິນແຂວງອຸດົມ ໄຊ ເອົາໃຈໃສ່ໃນການຈັດຕັ້ງ ປະຕິບັດວຽກງານວິຊາສະ ເພາະເປັນຕົ້ນ: ວຽກງານສຶກສາ ອົບຮົມການເມືອງແນວຄິດ ຂອງອ້າຍນ້ອງພະນັກງານ-ທຸກຂັ້ນຈົ່ງມີແນວຄິດອຸ່ນອ່ຽງ ທຸ່ນທ່ຽງ, ຕັ້ງໜ້າຈັດຕັ້ງປະຕິ ບັດວຽກງານວິຊາສະເພາະທີ່ ຕົນເອງຮັບຜິດຊອບຢ່າງເຂັ້ມ ງວດ, ຊຸກຍູ້ວຽກງານປັບປຸງ ການຈັດຕັ້ງຂອງຂະແໜງການ ເງິນໃຫ້ສຳເລັດໂດຍໄວເປັນ ຕົ້ນແມ່ນ: ຂັ້ນແຂວງ, ຂັ້ນ ເມືອງ, ການປະຕິບັດໜ້າທີ່ວິຊາສະ ເພາະໃຫ້ເຂັ້ມງວດ ແລະ ມີ ບາດກ້າວໃໝ່ ໂດຍຕອບສະ ໜອງໄດ້ກັບຄວາມຮຽກຮ້ອງ ຕ້ອງການຂອງການພັດທະນາ ເສດຖະກິດ-ສັງຄົມ, ກວດກາ ໄລ່ລຽງຄືນການຈັດຕັ້ງປະຕິ ບັດແຜນລາຍຮັບ-ລາຍຈ່າຍປີ 2017 ຜ່ານມາ ຮັບປະກັນການ ຈັດເກັບລາຍຮັບແຜນງົບປະ ມານປີ 2018 ໃຫ້ບັນລຸຕາມ ເປົ້າໝາຍທີ່ວາງໄວ້, ຂຸດຄົ້ນ ທ່າແຮງອັນບົ່ມຊ້ອນຂອງ ແຂວງ ແລະ ຊຸກຍູ້ການເກັບ ລາຍຮັບຈາກພາສີທີ່ດິນ, ຖານລາຍຮັບທຸລະກິດຂອງ ແຂວງພ້ອມທັງຍົກຖານລາຍ ຮັບຫົວໜ່ວຍທຸລະກິດທີ່ມີລາຍ ຮັບ 400 ລ້ານກີບ ຂຶ້ນໄປຕ້ອງ ເຂົ້າຢູ່ໃນລະບົບອາກອນມູນ ຄ່າເພີ່ມ, ຊຸກຍູ້ຂະບວນການ ເສຍຄ່າທຳນຽມທາງປະຈຳປີ, ເນັ້ນຂະແໜງການບໍລິການ ເພື່ອສ້າງລາຍຮັບເຂົ້າງົບປະ ມານ, ເຂັ້ມງວດການປະຕິບັດ ຄຳສັ່ງເລກທີ 40/ນຍ, ຫັນການ ຄຸ້ມຄອງລາຍຮັບ-ລາຍຈ່າຍ ໄປສູ່ລະບົບທັນສະໄໝ ແລະ ປະຕິບັດ 10 ຂໍ້ຫ້າມ ແລະ ວິ ໄນຂອງພະນັກງານ-ລັດຖະ ກອນຂະແໜງການເງິນໃຫ້ ເຂັ້ມງວດ, ແກ້ໄຂບັນຫາປະ ກົດການຫຍໍ້ທໍ້ຕ່າງໆຂອງຂະ ແໜງການເງິນ ແລະ ສືບຕໍ່ ຊອກຫາທ່າແຮງບົ່ມຊ້ອນຂອງ ແຕ່ລະທ້ອງຖິ່ນເພື່ອຈັດເກັບ ລາຍຮັບເຂົ້າງົບປະມານໃຫ້ ນັບມື້ເພີ່ມຂຶ້ນ.
(ຂ່າວ-ພາບ: ກະຊວງ ການເງິນ)