ທະນາຄານ ແຫ່ງ ສປປ ລາວ ປາຖະກະຖາ ວັນກຳມະກອນສາກົນ


...

08.05.2018 9:15     

   ທະນາຄານ ແຫ່ງ ສປປ ລາວ ໄດ້ຈັດພິທີປາຖະກະຖາ ມູນເຊື້ອວັນກຳມະກອນສາກົນ 1 ພຶດສະພາ ຄົບຮອບ 132 ປີ (1/5/1886 - 1/5/2018) ຂຶ້ນ ໃນວັນທີ 5 ພຶດສະພາ ຜ່ານ ມາ ທີ່ສະຖາບັນທະນາຄານ ໂດຍການໃຫ້ກຽດເຂົ້າຮ່ວມ ແລະ ປາຖະກະຖາຂອງທ່ານ ສີມູນ ອຸ່ນລາສີ ຮອງເລຂາຄະ ນະພັກ ຮອງປະທານສູນກາງ ສະຫະພັນກຳມະບານລາວ, ມີ ສະມາຊິກກຳມະບານທົ່ວທະ ນາຄານ ແຫ່ງ ສປປ ລາວ ເຂົ້າ ຮ່ວມ. ທ່ານ ສີມູນ ອຸ່ນລາສີ ໄດ້ ຍົກໃຫ້ເຫັນເຖິງປະຫວັດຄວາມ ເປັນມາຂອງວັນກຳມະກອນ ສາກົນ 1 ພຶດສະພາແມ່ນມີ ຄວາມໝາຍສຳຄັນຕໍ່ກຳມະ ກອນ ແລະ ຊາວຜູ້ອອກແຮງ ງານໃນທົ່ວໂລກໄດ້ສ່ອງແສງ ໃຫ້ເຫັນເຖິງການກຳເນີດເຕີບ ໃຫຍ່ຂະຫຍາຍຕົວຂອງຊົນຊັ້ນ ກຳມະກອນ ແລະ ພາລະກຳ ປະຫວັດສາດຈາກເຫດການ ຂອງວັນທີ 1 ພຶດສະພາ ປີ 1886 ໄດ້ສ້າງກະແສຟອງອັນ ໃຫຍ່ຫຼວງ ແລະ ແຂງແຮງເຖິງ ຂະບວນການກຳມະກອນຢູ່ທະ ວີບເອີຣົບ ແລະ ທະວີບອາເມ ຣິກາ ທັງເປັນບາດກ້າວຂະ ຫຍາຍຕົວແຫ່ງໄຊຊະນະ, ເປັນ ຂີດໝາຍອັນສຳຄັນໃຫຍ່ຫຼວງ ຂອງຊົນຊັ້ນກຳມະກອນ ໃນຂະ ບວນການຕໍ່ສູ້ ເພື່ອປົກປັກຮັກ ສາສິດ ແລະ ຜົນປະໂຫຍດອັນ ຊອບທຳຂອງຕົນ ສຳລັບປະ ເທດລາວ ພາຍໃຕ້ການນຳພາ ຂອງພັກ, ຊົນຊັັ້ນກຳມະກອນ ພ້ອມກັບປວງຊົນລາວທັງຊາດ ຜ່ານຜ່າຄວາມຫຍຸ້ງຍາກ, ທັງ ເຮັດໜ້າທີ່ຜະລິດ, ສ້າງສາພັດ ທະນາເຂດປົດປ່ອຍໃຫ້ເປັນ ລັດໜຶ່ງທີ່ເຂັ້ມແຂງ. ຂະບວນ ການຕໍ່ສູ້ບໍ່ພຽງແຕ່ທວງເອົາສິດ ຜົນປະໂຫຍດທາງດ້ານເສດ ຖະກິດເທົ່ານັ້ນ ແຕ່ຍັງທວງເອົາ ສິດເສລີພາບປະຊາທິປະໄຕ, ທວງເອົາຄວາມເປັນເອກະ ລາດແຫ່ງຊາດ, ປົດປ່ອຍປະ ຊາຊົນອອກຈາກການກົດຂີ່ຂູດ ຮີດ ເພື່ອນຳເອົາຄວາມສົມບູນ ພູນສຸກມາສູ່ປະຊາຊົນ. (ຂ່າວ: ນ. ຍຸພິນທອງ)