ເປີດຂະບວນການສີດຢາກຳຈັດການລະບາດຕັກກະແຕນໄມ້ປ່ອງ


...

08.05.2018 9:15     

   ເປີດຂະບວນການສີດຢາ ກຳຈັດການລະບາດຂອງຕັກ ກະແຕນຝູງໄມ້ປ່ອງ ຢູ່ເມືອງ ໂພນທອງ ໃນຮອບທີ 4 ປະຈຳ ປີ 2018 ເມື່ອບໍ່ດົນຜ່ານມາ ທີ່ ເຂດທຳການຜະລິດຂອງປະ ຊາຊົນບ້ານໂດນ ກຸ່ມໂພນ ທອງ ເມືອງໂພນທອງ ແຂວງ ຫຼວງພະບາງ. ກອງວິຊາການ ປ້ອງກັນ ແລະ ຄວບຄຸມການ ລະບາດຂອງຕັກກະແຕນຝູງ ໄມ້ປ່ອງ ພະແນກກະສິກຳ ແລະ ປ່າໄມ້ແຂວງ ສົມທົບກັບຫ້ອງ ການກະສິກຳ ແລະ ປ່າໄມ້ ເມືອງ ໄດ້ເປີດຂະບວນການ ສີດຢາກຳຈັດຕັກກະແຕນຝູງ ໄມ້ປ່ອງຂຶ້ນໃນຮອບທີ 4 ໂດຍ ການຊີ້ນຳຂອງທ່ານ ສົມມາລີ ຄຳເກັ່ງ ເຈົ້າເມືອງໂພນທອງ, ທ່ານ ໄຊຍະພັນ ລາສີ ຫົວໜ້າ ພະແນກກະສິກຳ ແລະ ປ່າໄມ້ ແຂວງ, ມີທິມງານຂອງແຂວງ, ເມືອງ ຕະຫຼອດຮອດນັກຮຽນ ໂຮງຮຽນມັດທະຍົມຕົ້ນບ້ານ ໂດນ ແລະ ອົງການປົກຄອງ ບ້ານເຂົ້າຮ່ວມ. ທ່ານ ພູມີ ແກ້ວວັນດີ ຫົວໜ້າຫ້ອງການກະສິກຳ ແລະ ປ່າໄມ້ເມືອງໂພນທອງ ໄດ້ກ່າວວ່າ: ເລີ່ມແຕ່ປີ 2014 ເປັນຕົ້ນມາ ທິມງານວິຊາການ ຫ້ອງການກະສິກຳ ແລະ ປ່າໄມ້ ເມືອງໂພນທອງ ໄດ້ລົງສຳ ຫຼວດຕິດຕາມຈຸດວາງໄຂ່ ແລະ ສີດຢາກຳຈັດການລະບາດ ຂອງຝູງຕັກກະແຕນໄມ້ປ່ອງ ທີ່ເຂົ້າມາເຂດເມືອງໂພນທອງ ຢ່າງລຽນຕິດ, ປັດຈຸບັນເປັນ ຮອບທີ 4 ໂດຍລົງໃນ 5 ກຸ່ມຄື: ກຸ່ມໂພນທອງ, ກຸ່ມທອງສີ, ກຸ່ມເມືອງຮຶບ, ກຸ່ມນ້ຳລວງ ແລະ ກຸ່ມນາຊອນ ລວມທັງ ໝົດ 42 ບ້ານຖືກຜົນກະທົບຕໍ່ ການຜະລິດຂອງປະຊາຊົນຢ່າງ ຫຼວງຫຼາຍ, ປັດຈຸບັນ ສາມາດ ສີດຢາປາບຕັກກະແຕນໄດ້ ສຳເລັດໄປແລ້ວໃນເນື້ອທີ່ 20 ກວ່າເຮັກຕາ ແລະ ຍັງສືບ ຕໍ່ທຳລາຍຕັກກະແຕນໃຫ້ທົ່ວ ເຖິງ. ໂອກາດນີ້ ທ່ານ ໄຊນະ ພັນ ລາສີ ໄດ້ເນັ້ນໜັກໃຫ້ທຸກ ພາກສ່ວນສຸມໃສ່ການປ້ອງກັນ, ຕ້ານ ແລະ ທຳລາຍຕັກກະ ແຕນຝູງໄມ້ປ່ອງ ເພື່ອບໍ່ໃຫ້ແຜ່ ລາມໄປເມືອງທີ່ໃກ້ຄຽງ, ທ່ານ ກ່າວຕື່ມວ່າ: ເນື່ອງຈາກພື້ນທີ່ ປ່າໄມ້ປ່ອງ, ເຂົ້າໄຮ່, ສາລີ ແລະ ອື່ນໆ ທີ່ເປັນແຫຼ່ງອາ ຫານຂອງຕັກກະແຕນກຳລັງ ງອກງາມ ອັນເປັນເງື່ອນໄຂ ເອື້ອອຳນວຍໃຫ້ແກ່ການຂະ ຫຍາຍຕົວຂອງຕັກກະແຕນ ຝູງໄມ້ປ່ອງ. ດັ່ງນັ້ນ ຂໍໃຫ້ປະ ຊາຊົນຊ່ວຍສະກັດກັ້ນການ ລະບາດຂອງຕັກກະແຕນໃຫ້ ກວ້າງຂວາງ. (ຂ່າວ: ທະນູສິນ ອິດທິພົນ ນັກຂ່າວເມືອງໂພນທອງ)