ຮອງລັດຖະມົນຕີກະຊວງ ຖວທ ຕ້ອນຮັບ ຊ່ຽວຊານອົງການ GIZ


...

09.05.2018 9:27     

   ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບ ທ່ານ ນາງ ວິກ ທິສ (Wibke Thies) ທີ່ປຶກສາຂັ້ນສູງຂົງ ເຂດປ່າໄມ້ຊີວະນາໆພັນ ແລະ ກະສິກຳຂອງສຳນັກງານໃຫຍ່ (GIZ) ໂຄງການຂອງ (ProFEB) ພ້ອມດ້ວຍຄະນະ ໃນ ໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 8 ພຶດສະພານີ້ ທີ່ກະ ຊວງ ຖວທ. ໃນໂອກາດດັ່ງກ່າວ, ທ່ານ ຮອງລັດຖະມົນຕີ ກໍໄດ້ກ່າວ ສະແດງຄວາມຍິນດີຕ້ອນຮັບທ່ານ ນາງ ວິກທິສ ພ້ອມ ດ້ວຍຄະນະໃນຄັ້ງນີ້, ໃນໂອ ກາດເດີນທາງມາຢ້ຽມຢາມ ແລະ ເຮັດວຽກຮ່ວມກັບກົມມໍ ລະດົກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເພື່ອປຶກສາຫາລືການຊ່ວຍ ເຫຼືອຂອງລັດຖະບານເຢຍລະ ມັນ ກ່ຽວກັບຂະບວນການນຳ ສະເໜີເອົາປ່າສະຫງວນແຫ່ງ ຊາດຫີນໜາມໜໍ່ ເຂົ້າເປັນມໍ ລະດົກໂລກຂອງອົງການອຸຍ ແນັສໂກ (UNESCO). ໃນໂອກາດດັ່ງກ່າວ ທ່ານ ນາງ ວິກ ທິສ ຕ່າງໜ້າຄະນະ ກໍໄດ້ກ່າວສະແດງຄວາມຂອບ ໃຈຕໍ່ທ່ານຮອງລັດຖະມົນຕີ ທີ່ໄດ້ໃຫ້ການຕ້ອນຮັບຢ່າງອົບ ອຸ່ນໃນໂອກາດທີ່ມາເຄື່ອນ ໄຫວເຮັດວຽກຢູ່ ສປປ ລາວ ໃນຄັ້ງນີ້ ເພື່ອເປັນການເສີມ ສ້າງສາຍພົວພັນ ແລະ ການ ຮ່ວມມືສອງຝ່າຍ ໂດຍສະເພາະ ແມ່ນວຽກງານມໍລະດົກ ກໍຄື ວຽກງານທ່ອງທ່ຽວໃຫ້ນັບມື້ ມີບົດບາດຂະຫຍາຍຕົວຍິ່ງໆ ຂຶ້ນ.