ປາກແຊງ ມີເນື້ອທີ່ປູກຫຍ້າ 1 ພັນກວ່າເຮັກຕາ


...

09.05.2018 9:28     

   ເມືອງປາກແຊງ ແຂວງ ຫຼວງພະບາງ ໄດ້ເປີດຂະບວນ ການປູກພືດອາຫານສັດ (ຫຍ້າ) ຢູ່ບ້ານພູໜໍ່ຫວານ ເພື່ອ ເປັນການຜັນຂະຫຍາຍມະຕິ ກອງປະຊຸມໃຫຍ່ ຄັ້ງທີ 5 ຂອງ ອົງຄະນະພັກເມືອງ, ແຜນພັດ ທະນາຊຸກຍູ້ສົ່ງເສີມການປູກ ຫຍ້າໃຫ້ແກ່ຊາວກະສິກອນ, ຫ້ອງການກະສິກຳ ແລະ ປ່າ ໄມ້ເມືອງປາກແຊງ ຈຶ່ງໄດ້ຈັດ ຕັ້ງພິທີປູກພືດອາຫານສັດ (ຫຍ້າ) ຂຶ້ນເມື່ອບໍ່ດົນຜ່ານມາ ຢູ່ທີ່ບ້ານພູໜໍ່ຫວານ, ກຸ່ມພັດ ທະນາຫາດຮວາຍ ໂດຍມີທ່ານ ຈັນສຸກ ພັນໂດລັກ ເຈົ້າເມືອງ ປາກແຊງ ພ້ອມດ້ວຍຄະນະ ແລະ ຕາງໜ້າຂະແໜງການ ອ້ອມຂ້າງ, ວິຊາການຈາກພະ ແນກການຂອງແຂວງ-ເມືອງ, ນາຍບ້ານ ແລະ ປະຊາຊົນກຸ່ມ ປູກຫຍ້າພາຍໃນກຸ່ມຫາດ ຮວາຍ, ສົບແຈກ ແລະ ປະຊາ ຊົນບ້ານພູ້ໜໍ່ຫວານເຂົ້າຮ່ວມ. ທ່ານ ພອນໄຊ ວັນນະ ເດດ ຫົວໜ້າຫ້ອງການກະສິ ກຳ ແລະ ປ່າໄມ້ເມືອງ ໄດ້້້ ລາຍງານການຊຸກຍູ້ສົ່ງເສີມ ການປູກຫຍ້າປະຈຳປີ 2017 ຜ່ານມາວ່າ: ໃນປີຜ່ານມາ ມີ 2 ບ້ານ 152 ຄອບຄົວ ທີ່ສຸມໃສ່ ການປູກຫຍ້າອາຫານສັດ, ມີ ເນື້ອທີ່ 467 ກວ່າເຮັກຕາ, ຕາມທິດຫັນປ່ຽນຮູບແບບ ການຜະລິດແບບທຳມະຊາດ ກ້າວໄປສູ່ການນຳໃຊ້ເຕັກນິກ, ຜະລິດໃຫ້ກາຍເປັນສິນຄ້າ ຕ້ອງມີກຸ່ມການຜະລິດຂອງ ຊາວກະສິກອນ ໂດຍເລັ່ງໃສ່ ການປູກຫຍ້າເປັນອາຫານສັດ ເປັນຫຼັກ, ມາຮອດປັດຈຸບັນ ທົ່ວເມືອງ ມີເນື້ອທີ່ປູກຫຍ້າ 1.756 ກວ່າເຮັກຕາ, ຈາກນັ້ນ ທ່ານເຈົ້າເມືອງປາກແຊງ ໄດ້ ມີຄຳເຫັນໂອ້ລົມ ເນັ້ນໜັກເຖິງ ການຊຸກຍູ້ສົ່ງເສີມຊາວກະສິ ກອນໃຫ້ມີຢູ່ມີກິນ ຊຶ່ງກິດຈະ ກຳປູກພືດເປັນອາຫານສັດ ຖື ເປັນໂຄງການບຸລິມະສິດອັນ ດັບໜຶ່ງ ຂອງອົງການປົກຄອງ ເມືອງ, ຮອງລົງມາແມ່ນການ ປູກພືດຜັກຕາມລ້ອງນ້ຳ ເພື່ອ ຂາຍເປັນສິນຄ້າ. ຈາກນັ້ນ ໄດ້ ພ້ອມກັນລົງມືປູກຢ່າງເປັນຂະ ບວນຟົດຟື້ນ ຊຶ່ງແນວພັນທີ່ນຳ ມາປູກຄັ້ງນີ້ ປະກອບມີແນວ ພັນຫຍ້າ ລູຊີ ຈຳນວນ 15 ກິ ໂລ, ແນວພັນຫຍ້າ ມູລາໂຕ ຈຳນວນ 25 ກິໂລ, ຖົ່ວສະໄຕ ໂລ 1 ກິໂລ ແລະ ປຼາປາລອມ 1 ກິໂລ ໃນພື້ນທີ່ເຄິ່ງເຮັກຕາ, ຂະບວນການດັ່ງກ່າວ ໄດ້ປະຕິ ບັດເປັນປີທີ 4 ໂດຍກຳນົດເອົາ ວັນທີ 5 ພຶດສະພາ ຂອງທຸກປີ ເປັນວັນປູກຫຍ້າອາຫານສັດ ຂອງເມືອງ. ຂ່າວແຈ້ງຕື່ມວ່າ: ໃນວັນດຽວກັນນີ້ ທ່ານເຈົ້າ ເມືອງປາກແຊງ ພ້ອມດ້ວຍ ຄະນະນຳຂອງເມືອງ, ວິຊາ ການທີ່ກ່ຽວຂ້ອງໄດ້ນຳພາບໍ ລິສັດຮັບເໝົາເຂົາສຳຫຼວດ ເສັ້ນທາງສ້າງຂັ້ນໄດຂຶ້ນຫາຖ້ຳ ຜາທ້າວ ຊຶ່ງມີຄວາມຍາວຫຼາຍ ກວ່າ 300 ແມັດ ໂດຍຈະລົງມື ໃນໄວໆນີ້ . (ຂ່າວ: ສົມພົງ ແກ້ວມະນີທອງ ນັກຂ່າວເມືອງປາກແຊງ)