ສະພາແຫ່ງຊາດ ປາຖະກະຖາວັນສ້າງຕັ້ງ ຄະນະຊາວໜຸ່ມ ແລະ ວັນກຳມະກອນສາກົນ


...

10.05.2018 9:25     

   ສະພາແຫ່ງຊາດ ໄດ້ຈັດ ພິທີປາຖະກະຖາເລົ່າມູນເຊື້ອ ວັນສ້າງຕັ້ງຄະນະຊາວໜຸ່ມປະ ຊາຊົນ ປະຕິວັດລາວ ຄົບຮອບ 63 ປີ ແລະ ວັນກຳມະກອນ ສາກົນຄົບຮອບ 132 ປີ ຂຶ້ນ ໃນວັນທີ 9 ພຶດສະພານີ້ ທີ່ນະ ຄອນຫຼວງວຽງຈັນ, ໃຫ້ກຽດ ເຂົ້າຮ່ວມຂອງທ່ານ ແສງນວນ ໄຊຍະລາດ ຮອງປະທານສະ ພາແຫ່ງຊາດ, ມີບັນດາຄະນະ ພັກ, ຄະນະປະຈຳສະພາແຫ່ງ ຊາດ, ບັນດາຮອງປະທານກຳ ມາທິການ, ຄະນະເລຂາທິ ການ, ພະນັກງານຫຼັກແຫຼ່ງ, ພະນັກງານ - ລັດຖະກອນເຂົ້າ ຮ່ວມຢ່າງພ້ອມພຽງ. ຈຸດປະສົງການປາຖະກະ ຖາຄັ້ງນີ້ ເພື່ອເປັນການຍົກສູງ ຄວາມເປັນແບບຢ່າງນຳໜ້າ ໃນຖັນແຖວສະມາຊິກພັກ-ພະນັກງານພາຍໃນສະພາ ແຫ່ງຊາດໄດ້ຮັບຮູ້ຕໍ່ຜົນງານ ການເຄື່ອນໄຫວ ແລະ ການ ປະກອບສ່ວນຂອງສະມາຊິກ ຊາວໜຸ່ມປະຊາຊົນປະຕິວັດ ລາວ ໃນໂອກາດສ້າງຕັ້ງຊາວ ໜຸ່ມປະຊາຊົນປະຕິວັດລາວ ຄົບຮອບ 63 ປີ (14/ 4/1955 -14/4/2018), ເພື່ອເປັນການ ຫວນຄືນປະຫວັດຄວາມເປັນ ມາ ແລະ ການຕໍ່ສູ້ອັນຍືດເຍື້ອ ຍາວນານຂອງຊົນຊັ້ນກຳມະ ກອນຊາວຜູ້ອອກແຮງງານກັບ ຊົນຊັ້ນສັກດີນາ ໃນໂອກາດ ວັນກຳມະກອນສາກົນ ຄົບ ຮອບ 132 ປີ (1/5/1886 - 1/5/ 2018) ຊຶ່ງໃຫ້ກຽດປາຖະກະ ຖາວັນກຳມະກອນສາກົນຂອງ ທ່ານ ສີມູນ ອຸ່ນລາສີ ຮອງປະ ທານສະຫະພັນກຳມະບານ ລາວ. (ຂ່າວ: ແສງຈັນ)