ທູດລາວ ຍື່ນສານຕາຕັ້ງຕໍ່ ສົມເດັດ ອາເມຍ ແຫ່ງ ລັດກູເວດ


...

10.05.2018 9:25     

   ທ່ານ ສີສອນໄຊ ເຫງົ້າວົງສີ ໄດ້ເຂົ້າຍື່ນສານຕາຕັ້ງຕໍ່ສົມ ເດັດ ເຊັກ ຊາບາ ອານ-ອາ ມັດ ອານ-ຈາເບີ ອານ-ຊາ ບາ (H.H Sheikh Sabah Al-Ahmad Al-Jaber Al-Sabah) ອາເມຍ ແຫ່ງ ລັດກູ ເວດ ເພື່ອດຳລົງຕຳແໜ່ງເປັນ ເອກອັກຄະລັດຖະທູດຜູ້ມີອຳ ນາດເຕັມ ແຫ່ງ ສາທາລະນະ ລັດ ປະຊາທິປະໄຕ ປະຊາຊົນ ລາວ ປະຈຳ ກູເວດ ໃນວັນທີ 7 ພຶດສະພາຜ່ານມາ. ໃນໂອກາດດັ່ງກ່າວ ສົມ ເດັດ ອາເມຍ ແຫ່ງ ລັດກູເວດ ໄດ້ສະແດງຄວາມຊົມເຊີຍ ແລະ ຍິນດີຕໍ່ທ່ານທູດ ສີສອນໄຊ ເຫງົ້າວົງສີ ທີ່ຖືກແຕ່ງຕັ້ງໃຫ້ ມາດຳລົງຕຳແໜ່ງເປັນເອກ ອັກຄະລັດຖະທູດຄົນໃໝ່ ແຫ່ງ ສປປ ລາວ ປະຈຳ ກູເວດ. ພ້ອມນັ້ນ ສົມເດັດ ອາເມຍ ໄດ້ສະແດງຄວາມເຊື່ອໝັ້ນວ່າ ທ່ານທູດ ຈະສາມາດສືບຕໍ່ປະ ກອບສ່ວນໃນການສົ່ງເສີມ ສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະ ເທດ ໃຫ້ຂະຫຍາຍຕົວຍິ່ງຂຶ້ນ ແລະ ໄດ້ອວຍພອນແກ່ທ່ານ ຈົ່ງປະສົບຜົນສຳເລັດໃນວຽກ ງານການທູດຂອງຕົນ. ສົມເດັດ ອາເມຍ ຍັງໄດ້ສົ່ງຄວາມຢື້ ຢາມຖາມຂ່າວຜ່ານທ່ານທູດ ໄປຍັງພະນະທ່ານປະທານປະ ເທດ ແຫ່ງ ສປປ ລາວ. ໃນໂອກາດດຽວກັນ, ທັງ ສອງຝ່າຍ ຍັງໄດ້ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມື ທີ່ມີມາແລ້ວ ລະ ຫວ່າງລາວ-ກູເວດ ນັບຕັ້ງແຕ່ ສອງປະເທດ ໄດ້ສ້າງຕັ້ງສາຍ ພົວພັນການທູດນຳກັນ ໃນປີ 2008 ຊຶ່ງໄດ້ຮັບການເສີມຂະ ຫຍາຍຢ່າງເປັນປົກກະຕິ. ທ່ານທູດ ສີສອນໄຊ ເຫງົ້າວົງສີ ໄດ້ສະແດງຄວາມ ຂອບໃຈ ແລະ ຄວາມປິຕິຍິນ ດີເປັນຢ່າງຍິ່ງ ຕໍ່ການຕ້ອນຮັບ ໃນຄັ້ງນີ້ ແລະ ໄດ້ຕາງໜ້າໃຫ້ ລັດຖະບານ ສປປ ລາວ ສະ ແດງຄວາມຮູ້ບຸນຄຸນຕໍ່ ສົມ ເດັດ ອາເມຍ ກໍຄືລັດຖະບານ ແລະ ປະຊາຊົນກູເວດ ທີ່ໄດ້ ໃຫ້ການສະໜັບສະໜູນ ແລະ ການຊ່ວຍເຫຼືອອັນລ້ຳຄ່າ ໃນ ການພັດທະນາເສດຖະກິດ- ສັງຄົມຂອງ ສປປ ລາວ. ພ້ອມ ນັ້ນ ທ່ານທູດ ຍັງໄດ້ໃຫ້ຄຳໝັ້ນ ສັນຍາວ່າໃນໄລຍະທີ່ຕົນປະຕິ ບັດໜ້າທີ່ຢູ່ກູເວດ ຈະປະຕິບັດ ໜ້າທີ່ການທູດຂອງຕົນຢ່າງສຸດ ຄວາມສາມາດ ເພື່ອສືບຕໍ່ປະ ກອບສ່ວນໃນການເສີມຂະ ຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ ສອງປະເທດ ໃຫ້ໄດ້ຮັບການ ເສີມຂະຫຍາຍຍິ່ງໆຂຶ້ນ. ພ້ອມ ກັນນີ້ ທ່ານທູດ ຍັງໄດ້ນຳເອົາ ຄຳອວຍພອນ ແລະ ຄວາມຢື້ ຢາມຖາມຂ່າວອັນອົບອຸ່ນຈາກ ພະນະທ່ານປະທານປະເທດ ແຫ່ງ ສປປ ລາວ ສົ່ງເຖິງສົມ ເດັດອາເມຍ.